Isaya 45:7 - Digo Bible

⁷ Mimi ndiye niumbaye mwanga na jiza, ndimi nirehaye kuongokerwa na mashaka. Mimi, ndimi Mwenyezi Mlungu nigahendaye gaga gosi.

Isaya 45:7 Iomraidhean Croise

2 Afalume 19:25

Dze, we kudzangbwesikira, kukala mimi ndimi yepanga dzambo hiri hangu kare? Nágapanga hangu kare na vivi ninagatimiza. Nápanga kukala ubomole midzi yenye ngome, ikale tsumbi za mawe na magandzo.

Ayubu 10:13

Ela gosi higo wagafwitsa mwako moyoni, namanya riri kala ndiro lengoro.

Ayubu 2:10

Ela ye achimuamba, “Uwe unagomba dza mchetu mzuzu. Vino huphokere manono bahi kula kpwa Mlungu, dze go mai?” Kahi ya gago gosi, Ayubu kahendere dambi mana kagombere neno rorosi iyi.

Ayubu 34:29

Ela achinyamala, ni ani awezaye kumlamula? Afwitsapho usowe taphana awezaye kumlola, si taifa, si mutu.

Zaburi 105:28

Wahuma jiza kpwenye yo tsi, ela Amisiri achirema kulunga manenoge.

Zaburi 29:11

Mwenyezi Mlungu na aaphe nguvu atue! Mwenyezi Mlungu najaliye atue amani!

Zaburi 74:16

Mutsi ni wako na usiku ni wako, uwe waumba mwezi na dzuwa.

Zaburi 75:7

Ela Mlungu ndiye aamulaye. Nkumtsereza mmwenga na akaunula wanjina.

Zaburi 8:3

Nlolapho ko mlunguni, kazi za mikonoyo, mwezi na nyenyezi ambazo waziika phatu ziripho,

Kutsama 14:20

ichikala kahi-kahi ya jeshi ra Misiri na ra Iziraeli. Usiku wosi rira ingu rareha jiza kpwa Amisiri na mwanga kpwa Aiziraeli, kpwa hivyo Amisiri taayaweza kuafikira phephi.

Isaya 31:2

Iye ana ikima na anaweza kureha mashaka. Achigomba nenore kakosa kuritimiza. Andaatiya adabu hinyo anaohenda uyi, na atu ateryao ahendao mai.

Isaya 42:16

Nindaalongoza vipofu kpwenye njira ambazo taadzangbwezitsupira. Nindagaluza jiza rikale mwanga mbere zao, na kuhenda tsi iriyo magome-magome ikale sawa-sawa. Higa ndigo mambo ndigogahenda nami sindaaricha.

Isaya 44:24

Mwenyezi Mlungu mkombolio, ariyekuumba ndanini mwa mayoo, anaamba hivi, “Mimi, ndimi Mwenyezi Mlungu niriyeumba vitu vyosi, ni ani ariyekala phamwenga nami nriphohenda hivyo? mimi machiyangu ndimi niriyetandaza mlunguni na tsi.

Isaya 47:11

Kpwa sababu iyo undaphahwa ni mafwa, nawe kundamanya ugausedze. Undaphaha hasara ambayo kundaweza kuyiepuka. Na ubanangi undakpwedzera gafula, ambao uwe kuutarajiya.

Jeremia 10:16

Iye ariye mtalo wa Jakobo si dza vyo vizuka, mana ndiye ariyeumba vitu vyosi, chisha mbari za Iziraeli ni urisiwe Mwenyezi Mlungu, Mlungu wa Majeshi ndiro dzinare.

Jeremia 13:16

Mupheni nguma Mwenyezi Mlungu, Mlungu wenu kabila takudzangbwekala jiza, kabila kudzangbwekpwala vidzango virivyo jizani. Na wakati munaendza mwanga iye andaugaluza ukale jiza-jiza na ro jiza-jiza arihende rikale chilungulungu cha jiza.

Jeremia 31:35

Iye arihendaye dzuwa riale mutsi na kulagiza mwezi na nyenyezi zilavye mwanga usiku, iye avurugaye bahari ikakala na maimbi, iye ambaye dzinare ni Mwenyezi Mlungu, Mlungu wa majeshi anaamba

Jeremia 51:20

Uwe u rungu rangu, silaha yangu ya viha kuhumira uwe, nkuvundza-vundza mataifa na kpwa uwe, nkuangamiza falume.

Sonono za Jeremia 3:38

Manono na mai nkuhendeka tu kpwa amuri ya ye Ariye Dzulu Kuriko Vyosi.

Ezekieli 32:8

Mianga yosi ya mlunguni ndaitiya jiza, nami ndahenda tsiiyo ikale na jiza, Mwenyezi Mlungu anaamba.

Danieli 2:22

Iye nkufwenula mambo ga ndani garigofwitsika, iye anamanya garigo jizani, chisha ko kpwakpwe ndiko kukalako mwanga.

Joeli 2:2

Siku iyo ni siku ya jiza na vurungu-vurungu, indakala siku ya maingu na chilungulungu cha jiza. Gafula jeshi kulu ra ndzije rindabwiningiza myango. Jeshi kulu chisha ra nguvu, ambaro taridzangbweoneka hangu kare wala takundakala na jeshi dza hiro tsona hata kare na kare.

Amosi 3:6

Dze, gunda ra viha rinaweza kupigbwa kpwenye mudzi, na atu asigbwirwe ni wuoga? Dze, mudzi unaweza kuphahwa ni mai, ichikala tagakarehwa ni Mwenyezi Mlungu?

Amosi 4:13

Kpwa mana lolani, iye atengezaye myango na kuumba phepho ahendaye mwanadamu akamanya maazoge iye ahendaye ligundzu kukala na jiza, na kuvyoga mwatu mwa dzulu mwa tsi, dzinare ni Mwenyezi Mlungu, Mlungu wa majeshi.

Amosi 5:6

Muendzeni Mwenyezi Mlungu mkale moyo, sedze akavamia tsi ya Iziraeli dza moho, ndioocha Betheli na takundakala na mutu wa kuuzimya.

Nahumu 1:8

iye ndaangamiza maaduige na mafuriko makulu, naye nkuzoresa maaduige na kuaolaga.

Mahendo 4:28

Nao ahenda gago ambago uwe kpwa uwezoo na mahendogo, wagapanga kare kukala nigakale.

2 Akorintho 4:6

Mana Mlungu ndiye ariyeamba, “Mwanga naungʼale kula jizani.” Na hinyo mwangawe wauhenda ungʼale mwehu mioyoni ili huphahe mwanga wa kuelewa utukufuwe unaongʼala usoni pha Jesu.

Jakobo 1:17

Majaliwa manono gosi na zawadi nono zila dzulu mlunguni, kpwa Baba Mlungu. Iye ni muumba wa mianga ya mlunguni na kagaluka dza pepho ya muhi.

Juda 1:13

Atu hinyo ni dza maimbi ga bahari, na mahendo gao ga waibu ganatuluka dza povu. Hinyo ni dza nyenyezi zigbwazo na nkuikpwa hata kare na kare phatu pharipho na chilungulungu cha jiza.

Juda 1:6

Piya mnamanya adisi ya malaika ambao alonda uwezo kuriko hura kala akahewa ni Mlungu, achiricha kuishi mlunguni ambako ni phatu phao pha asili. Mlungu waafunga jizani na silisili ambayo taindavuguka hadi ahukumiwe siku ya mwisho.