Isaya 44:12 - Digo Bible

¹² Mfula vyuma nkuhala chuma, chisha akahumira makala kutengeza chizuka kpwa kuhumira nyundo. Iye nkuchitengeza kpwa nguvu za mkpwonowe, naye nkusikira ndzala na akakala mnyonje na asiphonwa madzi nkufwa purungire.

Isaya 44:12 Iomraidhean Croise

Kutsama 32:4

Aruni wahala zahabu zohewa achiziyayusha na achizitengeza chizuka mfwano wa mwana ndzau, kuhumira chifwaya. Ndipho Aiziraeli achiambirana, “Enehu, hino ni milungu yehu iriyohulavya Misiri.”

Kutsama 32:8

Akaricha malagizo gangu ambago naalagiza na akadzitengezera chizuka chiricho na umbo ra mwana ndzau. Achichiabudu na kuchilavira sadaka na kuamba, ‘Enehu, hino ni milungu yehu, mwimwi Aiziraeli iriyokutuluzani kula Misiri.’ ”

Isaya 40:19

Tamuweza kumfwananisha na chizuka! Chicho nkutengezwa ni fundi, na mfuli wa zahabu akachifwinika na zahabu, na akachitengezera mikufu ya feza.

Isaya 40:20

Ariye mchiya asiyeweza kuhumira feza au zahabu nkutsambula muhi ambao tawuola, na kuendza fundi mangungu akatengezerwa chizuka cha kutsonga, ambacho chikadiniswato na chichiimiswa tachigbwa.

Habakuki 2:13

Avi Mwenyezi Mlungu, Mlungu wa majeshi wapanga kukala atu anjina andahenda kazi na kudziremweza bure, mana juhudi zao zindasirira mohoni.

Habakuki 2:18

Chizuka china mana yani, chitu chihendacho tengezwa ni mwanadamu? Nacho ni mfwano unaochenga atu. Ye mutu achitengezaye nkukuluphira kazi ya mikonoye. Mana ni chizuka sichoweza kugomba.

Zakariya 1:20

Chisha Mwenyezi Mlungu achinionyesa atu ane, atengezadzi a miyo ya vyuma.

Kumbukumbu 4:28

Hiko mundahumikira milungu ya mihi na mawe ambayo ikatengenezwa kpwa mikono ya atu na ambayo taiweza kuona, taisikira, tairya wala kunusa.