Isaya 40:22 - Digo Bible

²² Iye ndiye asagalaye dzulu ya mviringo wa dunia, na nyo asagalao mumo ni dza mabandzi, iye ndiye atandazaye ko dzulu mlunguni dza paziya, na kukukudula dza hema ra kusagala atu.

Isaya 40:22 Iomraidhean Croise

Mwandzo 1:6

Chisha Mlungu achiamba, “Nakukale na utu ndioganya madzi ga duniani na ga dzulu.”

Ayubu 22:14

Akazibwa ni maingu maziho hata kahuona, iye ananyendeka ko dzulu mlunguni.’

Ayubu 26:7

Iye anakudula vurini dzulu ya phatu phasipho na chitu, na anagbwadzika dunia dzulu ya phatu phasipho na chitu.

Ayubu 36:29

Takuna amanyaye atandazavyo maingu, wala chiguruguru chibandavyo kula kpwakpwe.

Ayubu 37:18

dze, unaweza kukudula mlunguni dza iye ahendavyo, na kukuhenda kukale kufu dza chilolo cha shaba ichiyotsuswa?

Ayubu 9:8

Iye macheye nkuhandika ko mlunguni, na kuvyoga maimbi ga bahari.

Zaburi 104:2

Nawe unangʼala yesi avi ukavwala mwanga. Mlunguni nako ukakutandaza dza hema,

Zaburi 18:11

Wahenda jiza rikale hemare chiromzunguluka, maingu maziho ga mvula.

Zaburi 19:4

Ela rakare rikagota dunia ndzima, na maneno gao gakafika mwisho wa dunia. Mlungu akachitira dzuwa hema kuko mlunguni,

Zaburi 2:4

Hiye atawalaye hiko mlunguni anatseka; Mwenyezi Mlungu anaanyetera.

Zaburi 29:10

Mwenyezi Mlungu asegere kpwenye chihi cha endzi dzulu ya mafuriko, Mwenyezi Mlungu asegere kpwenye chihi cha endzi na anatawala hata kare na kare.

Zaburi 68:33

Muimbireni iye atsupaye mlunguni, Mlungu wa kare na kare, analavya sautiye, sautiye ya nguvu.

Misemo 8:27

Nákalapho ariphotengeza dzulu mlunguni, hipho Mwenyezi Mlungu ariphopiga msitari wa kuphaka mlunguni na bahari matso gasikapho kuona.

Isaya 19:1

Hino ni ruwiya kuhusu Misiri. Lola, Mwenyezi Mlungu aredza Misiri dzulu ya ingu riphiyaro mairo. Ndiphotsembuka, vizuka vya Misiri vindakakama na Amisiri andasirirwa ni nguvu kpwa wuoga.

Isaya 37:16

“Uwe Mwenyezi Mlungu, Mlungu wa majeshi, Mlungu wa Iziraeli, usagalaye chihi cha chifalume dzulu ya makerubi, uwe macheyo ndiwe Mlungu wa falume zosi za dunia. Uwe ndiwe uriyeumba mlunguni na tsi.

Isaya 40:15

Lola, mataifa ganjina ni dza tone ra madzi ndani ya ndoo, ambago ni dza vumbi dzembamba kpwenye mizani. Iye nkuunula visuwa avi ni vumbi dzembamba.

Isaya 40:17

Mataifa ganjina gosi si chitu mbereze, kpwakpwe iye ganatalwa kukala tagana mana yoyosi na tagafwaha chitu.

Isaya 42:4

Iye kandaremwa wala kufwa moyo hadi ndiphoimarisha uamuli wa haki duniani, visuwa vindakuluphira shariyaze.

Isaya 42:5

Mwenyezi Mlungu, ariyeumba mlunguni na achikutandaza, ariyetandaza tsi na mavunoge, aaphaye pumuzi atu a tsi, aaphaye uhai aho aishio mumo ndiye aambaye hivi:

Isaya 44:24

Mwenyezi Mlungu mkombolio, ariyekuumba ndanini mwa mayoo, anaamba hivi, “Mimi, ndimi Mwenyezi Mlungu niriyeumba vitu vyosi, ni ani ariyekala phamwenga nami nriphohenda hivyo? mimi machiyangu ndimi niriyetandaza mlunguni na tsi.

Isaya 51:13

Kpwa utu wani mumyale Mwenyezi Mlungu, ariyekuumbani, ariyetandaza ko mlunguni na achiika misingi ya dunia? Kpwa utu wani muishi kpwa wuoga chila siku kpwa sababu ya tsukizi za iye anayekuonerani, wakati anapanga kukuolagani? Dze, zo tsukizize vino ziphaphi?

Isaya 66:1

Mwenyezi Mlungu anaamba hivi, “Mlunguni ni chihi changu cha chifalume, na dunia ni chigogo changu cha kuikira magulu. Ni nyumba ya viphi yo ndiyonidzengera mwimwi? Na ni phatu phaphi ambapho naweza kuoya?

Jeremia 10:12

Ela Mlungu ndiye ariyeumba tsi kpwa uwezowe, achiimarisha dunia kpwa ikimaye na kpwa kuelewakpwe achitandaza mlunguni.

Zakariya 12:1

Ujumbe wa Mwenyezi Mlungu kuhusu tsi ya Iziraeli. Mwenyezi Mlungu ariyetandaza ko mlunguni, ariyeika misingi ya dunia na ariyeumba roho ya mwanadamu anaamba hivi,

Isabu 13:33

Chisha hwaona madzitu kuko, yani Anefili (atu a chivyazi cha Anaki ala kpwa Anefili). Huchidziona avi hu mabandzi mbere zao, nao ndivyo arivyohuona.”