Isaya 40:10 - Digo Bible

¹⁰ Lola, Mwenyezi Mlungu andakpwedza dza sujaa, na andatawala na mkpwonowe wa nguvu. Lola, aredza na zawadiye mkpwononi phamwenga na mariphoge.

Isaya 40:10 Iomraidhean Croise

Mwandzo 15:1

Bada ya mambo higo Mwenyezi Mlungu wagomba na Buramu ruwiyani achimuamba, “Buramu usiogophe. Mimi ni ngaoyo na zawadiyo indakala kulu sana.”

Zaburi 110:6

Andaamula mataifa na zo tsi aziodzaze nyufu, na andashinda atawala a dunia yosi.

Zaburi 66:3

Muambireni Mlungu, “Mahendogo ni ga ajabu sana! Uwezoo ni mkpwulu chiasi cha kuhenda maaduigo gadzikundze kpwa wuoga.

Isaya 28:2

Lola, Mwenyezi Mlungu ana mmwenga ariye jasiri, mwenye nguvu dza phuto ra mvula ya mawe, phuto ribanangaro dza madzi manji gafurikago, iye andagabwaga.

Isaya 33:2

Nakuvoya Mwenyezi Mlungu uhuonere mbazi, swiswi hunakukuluphira uwe. Hutiye nguvu chila ligundzu na uhutivye chila wakati wa mashaka.

Isaya 49:4

Ela nchiamba, “Nkahenda kazi ya bure, nkatsupha nguvu zangu bure bila sababu, ela kpwa kpweli haki yangu ina Mwenyezi Mlungu, na zawadi yangu ina Mlungu wangu.”

Isaya 51:5

Haki yangu i phephi, wokofu wangu u njirani, nami nindatawala makabila ga atu, visuwa vinanigodzera, navyo vindakuluphira nguvu zangu.

Isaya 53:12

Kpwa hivyo nindamupha mtalo phamwenga na akulu, naye andaganya zewe phamwenga na enye mkpwotse, kpwa kukala wadzilavya hadi afwe, waolangbwa phamwenga na atu ayi. Iye wahala dambi za anji na kuavoyera ili Mlungu aaswamehe.

Isaya 59:15

Kpweli taipho na iye arichaye uyi anakala muindzwa. Mwenyezi Mlungu waona kala takuna uamuli wa haki, vivyo taviyamuhamira.

Isaya 59:16

Waangalala ariphoona taphana mutu wa kuhehera aonerwao, phahi mkpwonowe wenye, ndio uriokurehera ushindi, na hakiye ndiyo iriyokuterya.

Isaya 59:18

Andariphiza maaduige kulengana na mahendo gao, andaatsukirirwa nyo ampingao, naye andariphiza maaduige hadi garigo pembe za dunia.

Isaya 62:11

Mwenyezi Mlungu andatangaza dunia yosi, “Aambire atu a Sayuni kukala, ‘Lolani, muokoli wenu aredza, aredza na zawadize na mariphoge.’ ”

Isaya 63:5

Náriyariya, ela sipatire mutu wa kuniterya, náangalala kpwa kukala taphayakala na mutu wa kuniunga mkpwono, phahi mkpwono wangu uchinipha ushindi, na tsukizi zangu zichinitiya nguvu.

Jeremia 31:16

Mwenyezi Mlungu anaamba, “Dzizuwiye usirire na usimwagikpwe ni matsozi; mana kaziyo indatuzwa, anao andauya kula yo tsi ya maadui. Mimi Mwenyezi Mlungu nkaamba.

Malaki 3:1

Mwenyezi Mlungu, Mlungu wa majeshi anaamba, “Lola, ninatanguliza muhumwa wangu mberezo ndiye nitayarishira njira. Iye Mwenyezi Mlungu mumlondaye andakpwedza kpwenye Nyumba ya kuvoya Mlungu gafula. Lolani hiye muhumwa wa chilagane mumlondaye aredza.”

Mathayo 28:18

Chisha Jesu waasengerera phara kala aripho, achiaambira, “Náhewa uwezo wosi dzulu mlunguni na duniani.

Johana 12:13

Phahi ahala makandza ga mitende na achiphiya kondze ya mudzi kpwendamchinjira, kuno anagomba kululu anaamba: “Mlungu naatogolwe!” “Naajaliwe iye edzaye kpwa dzina ra Mwenyezi Mlungu!” “Mlungu naamjaliye hiye Mfalume wa Iziraeli!”

Johana 12:15

“Msiogophe, mwi atu a Jerusalemu! Lolani, mfalume wenu aredza, naye akasagala dzulu ya mwana punda.”

Aeburania 2:14

Kpwa vira hano ana ariohewa ni a miri ya kawaida, yani nyama na mlatso, Jesu naye wakpwedza na mwiri dza miri yao. Wahenda hivyo ili kpwa chifoche amuangamize Shetani ariye na uwezo wa kuhenda atu afwe,

1 Johana 3:8

Ela mutu ahendaye dambi ni wa Shetani, mana Shetani wahenda dambi hangu mwandzo. Ela hiye Mwana wa Mlungu wakpwedza himu duniani ili abanange kazi za Shetani.

Maono 17:14

Andaungana naro kupigana viha na Mwana ngʼondzi. Ela Mwana ngʼondzi na atue andaaturya mana iye ni Bwana wa mabwana na Mfalume wa afalume. Nao atue ni hara arioihwa na kutsambulwa ni Mlungu, nao ni aaminifu.”

Maono 20:11

Chisha náona Mlungu asegere chihiche chikulu tsona chereru. Mlunguni na tsi kuchiyaya mbereze na takuyaonekana tsona.

Maono 22:12

Chisha nchiambwa, “Jesu anaamba, ‘Hebu niphundza vinono, mino nredza vi sambi. Nami niredza nimriphe chila mutu kulengana na mahendoge.