Isaya 4:4 - Digo Bible

⁴ Mwenyezi Mlungu ndiphoogesa achetu a Sayuni uchafu wao na kusuza nongo za milatso ya Jerusalemu kpwa roho wa uamuli na roho wa moho.

Isaya 4:4 Iomraidhean Croise

Zaburi 51:2

Niusira makosa gangu kabisa, nitsusa dambi zangu.

Wira wa Selemani 3:11

Tulukani, mwi asichana a Sayuni, mwedze mlole mfalume Selemani, akavwala tadzi ariyovwikpwa ni nine siku ya arusiye, siku yohamira sana moyowe.

Isaya 1:15

Ndiphounula mikono yenu kunivoya, nindalola kanda. Hata mkavoya mavoyo manji sindakuphundzani mana mikono yenu i tele milatso.

Isaya 1:25

Nindagolosa mkpwono wangu chinyume chenu, na nikutsukutse uchafuo wosi, dza mutu afulavyo chuma.

Isaya 1:31

Ariye na mkpwotse andakala kana pephe dza mabuwa, na kaziye indakala dza tsetse ya moho, osi andaphya phamwenga, wala taphandakala na wa kuzimya moho hinyo.

Isaya 27:9

Kpwa njira ihi, uyi wa chivyazi cha Jakobo undatsuswa, vivi ndivyo dambize ndivyoswamehewa kabisa, andabananga-bananga mwatu mwa kulavira vizuka sadaka, na kusaga-saga mawe gosi ga mwatu himo hadi gakale chokaa, taphana viguzo vya Ashera au mwatu mwa kufukizira uvumba ndimosala.

Isaya 28:6

Andaapha aamuli moyo wa kulavya uamuli wa haki, na kuatiya nguvu anaokanira mudzi ryangoni.

Isaya 9:19

Tsukizi za Mwenyezi Mlungu, Mlungu wa majeshi zinaocha tsi na atu anakala avi ni kuni za hinyo moho. Atu anagalukirana enye kpwa enye

Isaya 9:5

Mabuti ga anajeshi garigovyoga kpwenye viha vikali na mavwazi gao gosi golwama milatso gandatiywa moho, gaphye tsetsetse.

Jeremia 9:6

Kazi yao ni kuonera kpwa kuonera, na handzo kpwa handzo, anarema kunimanya, Mwenyezi Mlungu anaamba.

Sonono za Jeremia 1:9

Ukolowe kala u wazi; kayaririkana sikuze za mbereni, kpwa hivyo chavuche ni cha kuangalaza, kana mutu wa kumsononekera. “Lola, kugaya kpwangu ee Mwenyezi Mlungu, mana ye adui akaniturya!”

Ezekieli 22:15

Nindakutsamulani kahi za mataifa ganjina na kahi za tsi mbali-mbali, na nyo unajisi wenu nindaukomesa.

Ezekieli 36:25

Ndakutimvirani-timvirani madzi swafi ambago gandakuhendani mkale swafi kula kpwa vizuka vyenu na chila chitu chanjina chokuhendani mkale najisi.

Ezekieli 36:29

Nindakutivyani na unajisi wenu wosi. Ndaamuru mtsere uenjerezeke ukale munji nami sindakureherani ndzala.

Joeli 3:21

Mimi Mwenyezi Mlungu nisagalaye dzulu ya mwango wa Sayuni sindakutiyani adabu tsona dza hivyo nirivyohenda.

Zefania 3:1

Shaka hiro nyo mudzi wa atu aonerao ayawao, mudzi unaoasi, tsona uriodzitiya najisi!

Zakariya 13:1

“Siku iyo ichifika, kundahumbuka pula ya madzi kpwa atu a chivyazi cha Daudi na atu asagalao Jerusalemu ili gatakase dambi zao na unajisi wao.”

Zakariya 13:9

Yo seemu mwenga ya tahu ya atu ndiorichwa moyo, nindaatiya mohoni niatsuse dza viratu mutu atsusavyo feza na moho, nindaajeza dza viratu zahabu ijezwavyo. Aho andanivoya, nami nindaajibu mavoyo gao. Mimi nindaamba, ‘Aho ni atu angu,’ nao andaamba, ‘Mwenyezi Mlungu ni Mlungu wehu.’ ”

Malaki 4:1

Mwenyezi Mlungu, Mlungu wa majeshi anaamba, “Lola, siku iredza nayo indaaka dza moho mkali. Siku iyo atu asiojali na ayi osi andaochwa dza mibuwa mifu. Andaphya tsetsetse dza mihi iphyavyo na moho mkali isisale hata muzi wala panda.

Mathayo 23:37

Jesu waenderera kugomba, achiamba, “Ee maye, mwi atu a Jerusalemu! Mkuolaga manabii na kuapiga mawe ariohumwa kpwenu. Mara nyinji náaza kukuikani phamwenga dza kolo ra kuku rifwinikavyo anae mwakpwe maphani, ela mwi mwakahala!