Isaya 33:6 - Digo Bible

⁶ Uwe ndiwe msingi unayehuhenda hukale imara wakati wosi. Ukuhutivya na kuhupha ikima ya kpweli na marifwa, na kukuogopha uwe Mwenyezi Mlungu ndicho chitu cha samani zaidi kpwehu.

Isaya 33:6 Iomraidhean Croise

2 Afalume 18:7

Phahi, Mwenyezi Mlungu wakala phamwenga naye, chila arikophiya waongokerwa. Wamuasi mfalume wa Ashuru na achikahala kumuhumikira.

Ayubu 4:6

Dze, kumuogopha Mlungu si kuluphiroro? Na kukala kuna lawama si tumainiro?

Zaburi 140:7

Ee Mwenyezi Mlungu, Bwana wangu na muokoli wangu mwenye nguvu, uniheheraye wakati wa viha.

Zaburi 28:8

Mwenyezi Mlungu ndiye nguvu ya atue, ni chimbiriro ra usalama kpwa mpakpwa mafuhawe.

Zaburi 45:4

Kahi ya ngumayo, sengera mbere ili uphahe ushindi; enderera kuhehera kpweli, upole na haki, na mkpwonoo wa kulume naukuhendere makulu.

Misemo 14:24

Utajiri nchiremba cha atu a achili, ela uzuzu wa ajinga nkuvyala uzuzu.

Misemo 14:26

Atu amuogophao Mwenyezi Mlungu ana kuluphiro ra kudina, na ana aho ana phatu salama pha kuchimbirira.

Misemo 14:27

Kumuogopha Mwenyezi Mlungu ni dza pula ya madzi inayoriza uzima, nkumuhenda mutu achimbire mihego ya chifo.

Misemo 15:16

Baha ukale na mapato machache phamwenga na kumuogopha Mwenyezi Mlungu, kuriko kukala na mali nyinji phamwenga na tabu nyinji.

Misemo 19:23

Kumuogopha Mwenyezi Mlungu kunareha uzima, amuogophaye Mlungu andakala salama wala mai tagandamphaha.

Misemo 2:5

Ndipho ndiphoelewa kumuogopha Mwenyezi Mlungu, na kuweza kummanya.

Misemo 28:2

Taifa ra fujo nkuzula vilongozi anji, ela mutu wa achili na marifwa nkuhenda tsi ikakala na amani.

Misemo 29:4

Mfalume anayelunga utawala wa haki taifare rindaimarika, ela aphokeraye hongo nkubananga tsi.

Muhubiri 7:12

Kpwa mana urindzi wa ikima ni dza urindzi wa pesa, na fwaida ya marifwa ni hino: kukala ikima nkumfwaidi iye ariye nayo.

Muhubiri 7:19

Mwenye ikima ana nguvu kuriko atawala kumi ario mudzini.

Isaya 11:9

Kahi za mwango wangu mtakatifu, takuna ndiyelumiza au kubananga mana dunia indaodzala atu anaommanya Mwenyezi Mlungu dza bahari irivyo tele madzi.

Isaya 26:1

Siku iyo wira huno undaimbwa kahi za tsi ya Juda. Swiswi huna mudzi urio na nguvu, mudzi urindwao na kutivywa ni Mlungu.

Isaya 32:17

Atu andasagala kpwa amani kpwa kukala ni enye haki, kpwa haki yao andahurira na akale salama ta kare na kare.

Isaya 32:18

Atu angu andasagala kpwa amani makalo gao gandakala phatu salama pha kuishi, andahurira na taandayugbwa ni yeyesi.

Isaya 33:20

Kuluphiroro narikale Sayuni, mudzi wa kukusanyana kpwa ajili ya sikukuu zehu zoikpwa. Undaona Jerusalemu iriyo imara dza hema ambaro vigingivye taviweza kungʼolwa ambavyo vikafungbwa ngingingi kpwa kowa zisizoweza kudoka.

Isaya 45:17

Ela Iziraeli andativywa ni Mwenyezi Mlungu kpwa wokofu wa kare na kare, kundatiywa waibu wala kuberwa hata kare na kare.”

Isaya 51:14

Aho ariotekpwa achendafungbwa andavugulwa upesi. Taandafwa na kuzikpwa wala taandakosa chakurya.

Isaya 51:6

Unulani matso genu mlole mlunguni, na mlole dunia mana mlunguni kundatsamuka dza mosi, tsi indatsakala dza nguwo, na aho asagalao mumo andafwa dza maindzi. Ela wokofu wangu undakala wa kare na kare, na haki yangu taindasira bii.

Jeremia 31:34

Takundakala na haja ya mutu kumfundza jiraniwe au nduguye tsona kumuamba, “Mmanye Mwenyezi Mlungu,” mana chila mmwenga andanimanya kuandzira mdide hadi mvyere, mimi Mwenyezi Mlungu nkaamba. Mana nindaaswamehe makosa gao na sindatambukira tsona dambi zao.’ ”

Habakuki 2:14

Dza madzi gaodzazavyo bahari, ndivyo ambavyo dunia indaodzala atu amanyao uwezo na ukulu wa Mwenyezi Mlungu.

Mathayo 6:33

Phahi, endzani ufalume wa Mlungu kpwandza na muhende hakiye na go ganjina gosi andakuenjerezani.

2 Akorintho 6:10

Hunasononeka, ela huna raha chila wakati. Hu achiya, ela hunatajirisha atu chiroho. Hunaonekana tahuna chitu, ela huna vyosi.

1 Timothi 4:8

Mana mazowezi ga mwiri ganareha fwaida chidide kpwa mutu, ela kumuogopha Mlungu kuna fwaida zaidi pande zosi. Kunahulaga uzima vi sambi na hata badaye.

1 Timothi 6:6

Sambi kudzilavya kpwa Mlungu phamwenga na kutosheka na urichonacho ni fwaida kulu.