Isaya 33:4 - Digo Bible

⁴ Hukuvamia maadui gehu dza ndzije adide avamiavyo na kuhala zewe chila aricho nacho dza ipho ra ndzije riryavyo.

Isaya 33:4 Iomraidhean Croise

2 Nyakati 14:13

Asa na atu okala phamwenga naye achiazoresa hata Gerari. Phahi Akushi aphukusika taphayasala hata mmwenga. Mana osi tsetsetse aangamizwa ni Mwenyezi Mlungu na jeshire. Atu a Juda ahala zewe vitu vinji sana.

2 Nyakati 20:25

Jehoshafati na atue ariphokpwedzahala zewe, akuta unji wa ngʼombe, mali, nguwo na miyo minji ya samani. Ahala miyo minji hata achishindwa ni kuitsukula. Zewe hizo kala ni nyinji sana hata ichiahala siku tahu kuzitsukula.

Isaya 33:23

Kowa zenu zikarejera, taziweza kudinisa mlingoti, ama kubumula tangare. Chisha zewe nyinji zindaganywa, hata virema piya aphahe.

Isaya 33:3

Unaphonguruma mataifa ganjina nkuchimbira unaphoonyesa urivyo mkpwulu mataifa nkutsamukana.

Isaya 33:5

Uwe Mwenyezi Mlungu una utukufu munji na chihicho chi dzulu sana. Undareha uamuli wa haki na kusaonerana ko Sayuni.

Ezekieli 25:7

phahi lolani, nindaagolosera mkpwono wangu chinyume chenu, nami ndakulavyani dza zewe kpwa mataifa. Nami ndakuusani kahi ya mataifa, yani nindakuangamizani tsetsetse msikale na tsi yenu tsona. Nindakubanangani, ndipho mundamanya kukala mimi, ndimi Mwenyezi Mlungu.

Joeli 1:4

Mimea iriyosazwa ni ipho ra ndzije yariwa ni ndzije akulu, iriyosazwa ni ndzije akulu ichiriwa ni ndzije adide, iriyosazwa ni ndzije adide ichimarigizwa ni fumbiri.

Joeli 2:25

Nami nindakuuyizirani miaka yosi iriyoriwa ni ndzije angu anji nrioahuma kpwedzarya mimea yenu: yariwa ni maipho ga ndzije akulu na ndzije adide, na ipho ra ndzije anjina na fumbiri.

Joeli 2:3

Dza moho uochavyo, ndivyo ndzije aryavyo phophosi atsapirapho na nyuma zao nkuricha tsandzala. Achimenya phatu, dzagbwe ni phanono dza munda wa Edeni, ela achituluka phatu hipho nkukala avi ni jangbwa mana taphana mmea hata mmwenga ndiosala.

Joeli 2:9

Nkuinjira kpwenye midzi kpwa kukpwera dzulu za kuta, nkuinjira madzumbani kutsupira madirishani dza aivi.