Isaya 32:14 - Digo Bible

¹⁴ Dzumba ra mfalume rindarichwa wekee bila atu mudzi uriokala ukaodzala atu undakala wekee. Minara ya urindzi indakala magandzo ta kare na kare na ikale uwanja wa mvumbo za maforo na weru wa kurisa mangʼondzi.

Isaya 32:14 Iomraidhean Croise

2 Afalume 25:9

Watiya moho nyumba ya Mwenyezi Mlungu, dzumba ra mfalume, nyumba zosi za Jerusalemu na chila nyumba ya mkpwulu.

2 Nyakati 33:14

Bada ya higo, Manase wadzenga ukuta wanjina uphande wa kondze wa Mudzi wa Daudi, hiko deteni mtswerero wa dzuwa wa muho Gihoni. Waenderera kuudzenga hadi ryango riihwaro Ryango ra Ngʼonda na achiuzungulusa hadi Ofeli. Wawuunula dzulu sana na achiika akulu a jeshi kpwenye midzi yosi ya Juda yenye ngome.

Nehemia 3:26

Seemu yolungira hadi phatu phololana na Ryango ra Madzi kuelekeza uphande wa mlairo wa dzuwa na nyo mnara uonekanao kula ukutani yarekebishwa ni atumishi a nyumba ya kuvoya Mlungu ariosagala mwango Ofeli.

Zaburi 104:11

Madzi higa nkuafwaha nyama a tsakani, hipho maforo nkuusa chiru zao.

Isaya 22:2

Mwimwi murio na hoyo, mudzi wa amani, mudzi wenye furaha. Atuo ariofwa taayaolagbwa na upanga wala taafwere vihani.

Isaya 24:10

Mudzi wa machafuko ukabomolwa chila nyumba ikafungbwa kusimenye mutu yeyesi.

Isaya 24:12

Mudzi ukakala gandzo, maryangoge gakavundzwa-vundzwa na kurichwa ndulu.

Isaya 25:2

Kpwa sababu mudzi ukauhenda tsumbi ya vifusi, mudzi wenye ngome ukauhenda ukale gandzo. Phatu ambapho kala ni ngome ya ajeni, sio mudzi tsona wala taundadzengbwa tsona.

Isaya 27:10

Mudzi uriozungulusirwa ngome ukakala gandzo, undatsamwa na kurichwa dza jangbwa, hiko ndiko ambako ngʼombe zindarisa na kutindizha.

Isaya 3:26

Mudzi wosi undarira na kukala na sonono, Jerusalemu, indasagala photsi dza mchetu, kpwa sababu atue taapho.

Isaya 5:9

Namsikira Mwenyezi Mlungu, Mlungu wa majeshi anaamba, “Hakika nyumba nyinji zindakala magandzo. Nyumba kulu tsona nono zindakala bila enye.

Isaya 6:11

Ndipho nchiuza, “Ee Mwenyezi Mlungu, hadi rini?” Naye achinijibu achiamba, “Hadi midzi ndiphokala magandzo, na ikale wekee bila atu, nyumba zitsamwe na minda irichwe bila kurimwa.

Isaya 7:23

Siku iyo chila phatu phokala na mizabibu elufu mwenga ambayo garamaye ni dza vipande elufu mwenga vya feza, phandakala miya na vikpwata.

Jeremia 14:6

Maforo gaimire kpwenye virere vya myango ko jangbwani, ganasoha mairo-mairo dza makala, matso gao tagaweza kuona kpwa kukosa nyasi.”

Jeremia 33:4

Mana mimi Mwenyezi Mlungu, Mlungu wa Iziraeli nkagomba kuhusu nyumba za mudzi uhu na nyumba za afalume a Juda ambazo zabomolwa na kuhumira go mawe kudzenga tsona kuta za kuzuwiya zo kambi za maadui ariozangira nyo mudzi asiupige viha.

Jeremia 52:27

Naye mfalume wa Babeli walagiza atu aha apigbwe na aolagbwe ko Ribula kahi za tsi ya Hamathi. Kpwa hivyo atu a Juda atsamizwa achendakala atumwa kondze ya tsi yao.

Jeremia 6:5

Unukani hukaavamie usiku, hubanange ngomeze.

Hosea 2:3

nisedze nikamvula nguwo akakala chitsaha dza arivyovyalwa. Chisha nimuhende akale dza jangbwa, dza tsi ya chitsapi, na nimuolage na chiru.

Mika 3:12

Sambi phahi, kpwa sababu yenu, mudzi wa Sayuni undarimwa dza munda Jerusalemu indakala gandzo, na chidzango cha nyumba ya kuvoya Mlungu chindakala tsaka.”

Zefania 2:15

Ninawi iriyodzikarya kukala i salama, yadziamba, “Takuna wanjina dza mimi.” Haya vino lola, ikakala gandzo na makalo ga nyama a tsakani. Chila atsupaye phephi na phapho anaufyorera na kuubera.

Zefania 2:7

Yo tsi ya pwani indakala ya atu a Juda ndiosala, na kuko andaphaha marisa. Dziloni andakpwedza aoye kpwenye nyumba zorichwa hiko Ashikeloni, mana Mwenyezi Mlungu, Mlungu wao andaamanyirira, na aauyizire hali nono ariyokala nayo pho mwandzo.

Luka 21:20

Alafu Jesu waamba, “Mchiona Jerusalemu ikazungulukpwa ni majeshi, phahi manyani i phephi na kuangamizwa.

Luka 21:24

Atu anjina andaolagbwa vihani na anjina andahalwa mateka kuphirikpwa tsi tafwauti-tafwauti duniani. Jerusalemu indatekpwa na itawalwe ni atu ambao sio Ayahudi hadi wakati wao ndiphosira.”