Isaya 30:16 - Digo Bible

¹⁶ Badaye mwimwi mwaamba, “Hata! Swino hundazola na farasi azolao mairo.” Ni kpweli mundazola ela hinyo anaokuzoresani andakala na mairo zaidi.

Isaya 30:16 Iomraidhean Croise

2 Afalume 25:5

Ela jeshi ra Babeli ramzoresa mfalume hadi richimgbwira kpwenye tsi ya kugbwa ya Jeriko, na jeshire rosi ramricha, richitawanyika.

Ayubu 39:11

Dze, undamuadamira kpwa kukala ana nguvu nyinji, au umrichire kaziyo ngumu?

Zaburi 147:10

Kahamirwa ni mkpwotse wa farasi wala usujaa wa anajeshi.

Zaburi 33:17

Kukuluphira farasi wa viha kureha ushindi takufwaha, dzagbwe ana nguvu nyinji kaweza kutivya mutu.

Isaya 2:7

Tsi yao ikaodzala feza na zahabu hazina yao taiolangika. Tsi yao i tele farasi a viha magari gao ga kuvwehwa ni farasi tagaolangika.

Isaya 31:1

Shaka hiro kpwa hinyo anaotserera kuphiya Misiri kpwendavoya msada, hinyo anaoadamira farasi a viha. Anaoadamira magari gao ga kuvwehwa ni farasi kpwa kukala anajeshi akuhumira farasi ana mkpwotse, badala ya kumuadamira Mtakatifu wa Iziraeli, au kuvoya msada kpwa Mwenyezi Mlungu.

Isaya 31:3

Amisiri ni anadamu, si milungu Farasi aho ana miri ya kawaida taaweza kuishi ta kare na kare, Mwenyezi Mlungu ndiphoonyesa nguvuze andaangamiza ateryaye na aterywao. Osi andafwa phamwenga.

Jeremia 39:4

Mfalume Zedekiya na anajeshi osi ariphoaona, achimbira kula mo mudzini usiku kutsupira munda wa mfalume, achitsupa na ryango ra kahi-kahi za zo kuta mbiri na achilongoza kuphiya uphande wa Araba.

Jeremia 4:13

Lola, adui aredza dza maingu, magarige ga kuvwehwa ni farasi ni dza chikulukulu, farasie ni epesi kuriko makozi. Shauri yehu, mana hukabanangbwa-banangbwa!

Jeremia 46:6

Nyo a mairo taaweza kuchimbira, wala nyo masujaa kutiya. Ko uphande wa vurini kanda-kanda ya muho Yufurati, akakpwala na akagbwa.

Jeremia 52:7

Phahi, abomola seemu ya ukuta wa mudzi, na mfalume na jeshire rosi achichimbira wakati wa usiku, na njira ya busitani ya mfalume, achitsupira kpwenye ryango ririro kahi-kahi ya kuta mbiri, (phahi hara Akalidayo kala akauzangira mudzi pande zosi) achiphiya vyao na njira ya uphande wa Araba.

Sonono za Jeremia 4:19

Nyo ariohuzoresa kala ni epesi kuriko makozi ko mlunguni ahuzoresa ko myangoni, achihuoteya ko weruni ahugbwire.

Amosi 9:1

Kpwenye ruwiya yanjina Námuona Mwenyezi Mlungu aimire phephi na phatu pha kulavira sadaka, naye achiniamba, “Piga vyo vitswa vya nguzo hata misingiye isumbe, na uzivundze vipande-vipande dzulu ya vitswa vya atu osi na hinyo ndiosala ndaaolaga kpwa upanga. Taphana mutu ndiyechimbira, taphana ndiyetiya.

Mika 1:13

Mwi enyezi a Lakishi, fungani farasi kpwenye magari ga viha. Mwimwi ndimwi chandzo cha mwana mchetu wa Sayuni kuhenda dambi, mana makosa ga Iziraeli gaphahikana kpwako.

Habakuki 1:8

Farasi aho ana mairo kuriko tsui, tsona ni asiru kuriko mabawa. Dzagbwe anajeshi aho akuhumira farasi ala kure, nkuphiya mairo dza nderi aonapho nyama wa kurya.

Kumbukumbu 28:25

“Mwenyezi Mlungu andakuhendani mshindwe ni maadui genu. Mwimwi mundaphiya mkaashambuliye kpwa njira mwenga, ela mundaachimbira kpwa njira sabaa. Namwi mundakala utu wa kutisha kahi ya falume zosi duniani.

Kumbukumbu 28:49

“Mwenyezi Mlungu andareha taifa kula kure rikushambuliye. Rindakpwedza kula pembe za dunia, na mwendo wa kasi dza kozi, taifa ambaro kurimanya lugaye.