Isaya 3:11 - Digo Bible

¹¹ Shaka hiro kpwa atu ayi! Mambo gao gandakala komakoma, mana higo chigohendera atu, nao andahendwa dza vivyo.

Isaya 3:11 Iomraidhean Croise

Mwandzo 18:25

Kpwa kpweli taifwaha kuolaga atu a haki phamwenga na atu ayi! Taiwezekana! Taifwaha kuhenda atu a haki sawa na atu ayi. Uwe u muamuli wa dunia yosi, kundakosa kuhenda haki.”

2 Samueli 3:39

Nami rero dzagbwe námwagirwa mafuha nkale mfalume, nkasira nguvu na hinyo ana a Seruya akanizidi nguvu, phahi Mwenyezi Mlungu na aariphe atu ayi sawa-sawa na mai gao.”

1 Afalume 21:21

Phahi! Mwenyezi Mlungu anaamba, ‘Kpwa kpweli, ndakurehera mai. Ndakuangamiza tsetsetse uwe na chila mlume kahi za mbariyo katika Iziraeli, akale mtumwa au mutu huru.

2 Nyakati 6:23

phahi sikira kula mlunguni na uamule. Aamule atumishio, mutu mui mtiye adabu kulengana na uyiwe na ariye kana makosa mrichire dza irivyo hakiye.

Ayubu 10:15

Ni shaka rangu ichikala ni mui! Hata napho nina haki, siweza kuunula chitswa changu, mana ni tele waibu na nahoha kahi ya mateso.

Zaburi 28:4

Atiye adabu kulengana na mahendo gao, kulengana na mai arigohenda. Atiye adabu kulengana na arigohenda na mikono yao, ahendere gara ganagofwaha kuhenderwa.

Zaburi 62:12

na piya mendzwa isiyosika ni yako uwe, Mwenyezi Mlungu. Mana uwe unamripha mwanadamu kulengana na mahendoge.

Misemo 1:31

phahi, mundarya matunda ga mahendo genu, mundayugbwa ni werevu wenu enye.

Misemo 11:31

Ichikala enye haki nkuriphiwa pha hipha duniani, dze, si zaidi atu ayi na enye dambi kuriphiwa!

Misemo 12:14

Mutu anaweza kufanikishwa ni manenoge, dza vira kazi ya mikono inavyoweza kureha fwaida.

Misemo 26:27

Mutu atsimbiraye ayae lina andabovoka mwenye naye apingilisiraye ayae dziwe rindamfinyanga mwenye.

Muhubiri 8:13

Ela mambo ga atu ayi tagandaaphihirato, wala taandakala na maisha mare dza chivurivuri cha dziloni chikalavyo chire. Kpwa mana taaogopha Mlungu.

Isaya 13:11

Mwenyezi Mlungu anaamba, “Nindareha mashaka duniani na kuatiya adabu atu osi ayi kpwa sababu ya dambi zao. Chila ariye na ngulu ndamuhenda anyenyekee na ndamtiya adabu chila mutu mwenye ngulu na jaili.

Isaya 48:22

Mwenyezi Mlungu anaamba, “Takuna amani kpwa atu ayi.”

Isaya 65:20

Tamundakala tsona na vifo vya ana atsanga, na atumia nao taandafwa kabila ya siku zao, mana ndiyefwa na miaka gana mwenga andakala achere mwanache, na iye ambaye kandafisa miaka gana mwenga, atu andaona akalaniwa.

Isaya 65:6

Lola, dzambo riri náriandika nami sindanyamala bii, ela ndariphiza, ndariphiza kulengana na makosa gao.

Isaya 65:7

Ndakuriphizani makosa genu phamwenga na makosa ga akare enu,” Mwenyezi Mlungu anaamba. “Kpwa kukala mwafukiza uvumba myangoni chisha mchinikufuru ko vidzangoni, ndakuriphizani kulengana na mahendo genu ga kare.”

Jeremia 21:14

Mwenyezi Mlungu anaamba, Nindakutiyani adabu kulengana na mahendo genu, ndatiya moho ko tsakani nao undaocha chila chitu chiricho kanda-kandaye.”

Jeremia 31:30

“ ‘Ela chila mmwenga andafwa kpwa dambiye mwenye; chila mutu ndiyerya zabibu za ngbwadu, menoge mwenye ndigo ndigofwa gandzi.’ ”

Ezekieli 16:59

“ ‘Kpwa mana Mwenyezi Mlungu anaamba: Nindakuhendera kulengana na mahendogo, kpwa kukala wabera chirapho changu kpwa kuvundza chilagane changu.

Ezekieli 18:20

Mutu ahendaye dambi ndiye ndiyefwa. Mwana kandatsukula makosa ga ise, wala baba kutsukula makosa ga mwanawe. Mambo ga haki ga mwenye haki gandakala dzuluye na uyi wa mutu mui undakala dzuluye.

Ezekieli 2:10

naye achichifwenula mbere zangu, nacho kala chikaandikpwa kosi-kosi, kala chikaandikpwa mawira ga sonono, chiriro na mashaka.

Ezekieli 24:14

“ ‘Mimi Mwenyezi Mlungu nkaamba, na wakati ukafika wa kutimiza, sindalola nyuma, sindaonera mutu mbazi, sindajuta. Mundahukumiwa kulengana na tabiya zenu na mahendo genu, Mwenyezi Mlungu anaamba.’ ”

Ezekieli 33:8

Nchimuamba mutu mui, ‘Kpwa kpweli undafwa,’ nawe usimkanye akaricha njiraze mbii, mutu mui iye andafwa kpwa makosage, ela ndakudai uwe mlatsowe.

Mika 3:4

Siku zedzazo andamririra Mwenyezi Mlungu, ela ye kandaajibu. Wakati hinyo andaafwitsa usowe kpwa sababu ya mahendo gao mai.

Mika 7:13

Ela tsi indakala Gandzo, dza kutiywa adabu kpwa sababu ya mai arigohendera atu ariosagala himo.

Isabu 32:23

“Ela ichikala tamundahenda hivyo mundakala munahenda dambi mbere za Mwenyezi Mlungu; namwi mmanye hakika mundatiywa adabu.

2 Akorintho 5:10

Kpwa mana swiswi hosi hundaima mbere za Jesu ili huhukumiwe. Naye chila mmwenga andariphiwa kulengana na mambo arigohenda wakati phokala asegere hipha duniani, gakale ni manono au mai.

Jakobo 2:13

Mana mutu yeyesi ambaye kandamuonera mbazi myawe, naye kandaonerwa mbazi. Ela uchionera mbazi ayao, naye Mlungu andakuonera mbazi siku ya chiyama.

Aamuli 9:57

Mlungu piya waariphiza uyi wosi wa atu a Shekemu kpwa kumterya Abimeleki, na yo lana ya Jothamu mwana wa Jerubaali ichikala ikaagbwira.