Isaya 27:1 - Digo Bible

¹ Siku iyo Mwenyezi Mlungu andahumira upangawe uryao, mkpwulu na wa nguvu, kumtiya adabu nyoka aihwaye Leviathani, nyoka iye aambalaye upesi. Naye andariolaga rira dzoka rikalaro baharini.

Isaya 27:1 Iomraidhean Croise

Ayubu 26:13

Kpwa msehowe ko mlunguni kpwakala kpwereru, mkpwonowe wadunga yo nyoka iriyokala inachimbira.

Ayubu 3:8

Hinyo alanio siku, naalani siku iyo, aho anaomanya kumlamusa Leviathani.

Ayubu 40:19

Iye ni wa kpwandza kahi ya kazi ya Mlungu, richa iye ariyemuumba amusengerere na upangawe!

Ayubu 41:1

Dze, unaweza kugbwira Leviathani na chiloo? Au kurifunga lilimire na mkpwowa?

Zaburi 104:26

Meli nkutsupira mumo, na mumo ndimo murimo yuya nyama mkpwulu aihwaye Leviathani, uriyemuumba avumbe mumo.

Zaburi 45:3

Tsomeka upangao chibiruni, uwe sujaa, mana una nguma na utukufu.

Isaya 26:21

Kpwa mana, Mwenyezi Mlungu aredza kula phatuphe ili aatiye adabu asagalao duniani kpwa sababu ya uyi wao. Tsi nayo indaatuluza atu osi arioolagbwa, na taindaafwitsa tsona.

Isaya 51:9

Lamuka, uwe Mwenyezi Mlungu uhuterye. Humira uwezoo uhuokole, uuhumire dza urivyouhumira pho kare. Dze, siwe uriyekata ro dzoka ra Naili riihwaro Rahabu?

Isaya 65:12

ndakuhendani muolagbwe kpwa upanga, namwi mosi mundatsindzwa, kpwa kukala nákuihani ela tamuihikire, nágomba ela tamuniphundzire. Mwahenda mai phangu matsoni, na mchitsambula mambo gasigonihamira.”

Isaya 65:25

Mabawa na ana ngʼondzi andarisa phamwenga, simba andarya nyasi dza ngʼombe, ela nyoka andarya vumbi. Taandalumiza atu wala kubananga chitu kpwenye mwango wangu mtakatifu,” Mwenyezi Mlungu anaamba.

Isaya 66:16

Mana kpwa moho na upangawe, Mwenyezi Mlungu andalavya uamuli chinyume cha atu osi, nao anji ni hara ndioolagbwa ni Mwenyezi Mlungu.

Jeremia 47:6

Munarira ‘upanga wa Mwenyezi Mlungu vino undaoya rini? Uya mwako chowani, ukahurire na kunyamala!’

Jeremia 51:13

Uwe ukalaye kanda-kanda ya madzi manji, ambaye u tajiri, mwishoo ukafika, wakati wa kufwako ukafika.

Jeremia 51:34

“Nebukadineza, mfalume wa Babeli akahumiza, na akahufyondza asisaze chitu. Iye akahuricha chihuphu bila chitu, iye akahumiza dza dzoka na kuodzaza ndaniye na vinono vyehu na badaye akahuaphika.

Ezekieli 29:3

Gomba naye uambe, ‘Mwenyezi Mlungu anaamba hivi: Lola mimi ni chinyumecho, uwe Farao, mfalume wa Misiri, uwe dzoka kulu uambalalaye kahi ya vidzuhovyo, unaamba, “Muho Naili ni wangu nadzitengezera mwenye.”

Amosi 9:3

Hata akadzifwitsa dzulu ya mwango Karimeli, chisha nindaaendza na niatuluze kula kuko. Hata achadzifwitsa tsini ya bahari ili nisiaone, nindalagiza dzoka kuko rikaaondze.

Maono 12:3

Badaye ko mlunguni kuchituluka chilinje chanjina cha kpwaangalaza. Náona dzoka kulu ra rangi ya kundu, na richikala na vitswa sabaa, pembe kumi, na chila chitswa chichikala na chiremba.

Maono 13:11

Chisha náona dzinyama ranjina rotsembuka kula mtsangani. Dzinyama riro kala rina pembe mbiri avi ni za Mwana ngʼondzi, ela kala rinagomba na sauti dza ya rira dzoka.

Maono 13:4

Atu aabudu ro dzoka kpwa vira kala rikaripha rira dzinyama uwezowe wa kutawala. Tsona achiabudu ro dzinyama kuno anaamba, “Taphana ariye na uwezo dza ro dzinyama, wala taphana awezaye kurishinda.”

Maono 16:13

Chisha nchiona pepho ahahu ambao kala ni dza magula. Nago gatuluka mwenga kula mlomo wa ro dzoka, ranjina kula mlomo wa ro dzinyama, na ranjina kula mlomo wa ye nabii wa handzo.

Maono 17:1

Mmwenga wa hara malaika sabaa ariokala na zira mbiga wakpwedza kpwangu achedzaniamba, “Ndzo nikuonyese yo adabu ndiyohewa yuya mdiya mkpwulu ariyesagarira madzi manji.

Maono 17:15

Malaika wagomba nami tsona, achiamba, “Gara madzi manji urigogaona pho phasegerepho yuya mchetu mdiya, ni makundi ga atu a chila taifa dunia ndzima.

Maono 19:21

Hiye mutu yekala asegere dzulu ya farasi, wahumira upangawe utulukao kula kanwani kuolagira majeshi garigosala. Na nyo nderi achirya zo nyama hata achisinywa.

Maono 2:16

Phahi tubuni! Ela msiphotubu, nredza pha sambi nedze niapige hinyo atu na upanga wa mwangu mromoni.

Maono 20:2

Phahi ye malaika warigbwira ro dzoka, yani yuyatu nyoka wa kare aihwaye Ibilisi au Shetani, achirifunga silisili na achiritsupha kuzimu. Pho mryangoni achiphafunga kufuli na kuphatiya ukaka, ili asedze akachenga tsona atu a mataifa ganjina gosi duniani. Naye Shetani andafungbwa miaka elufu mwenga. Bada ya muda hinyo kusira, ni lazima avugulwe kpwa muda mchache tu.