Isaya 26:21 - Digo Bible

²¹ Kpwa mana, Mwenyezi Mlungu aredza kula phatuphe ili aatiye adabu asagalao duniani kpwa sababu ya uyi wao. Tsi nayo indaatuluza atu osi arioolagbwa, na taindaafwitsa tsona.

Isaya 26:21 Iomraidhean Croise

Ayubu 16:18

Uwe tsi, usibwiningize milatso yangu, na chiriro changu nachisiphahe phatu pha kuoya.

Ayubu 20:27

Ko mlunguni kundaika wazi uyiwe, na dunia indalavya ushuhuda chinyumeche.

Isaya 10:3

Siku iredza ambayo Mlungu andakutiya adabu kali, anajeshi kula tsi za kure andakpwedza akuvamie. Taphandakala na yeyesi wa kukuterya ndipholonda kuchimbira kutiywa adabu, wala taphandakala na phatu pha kufwitsa maliyo.

Isaya 13:11

Mwenyezi Mlungu anaamba, “Nindareha mashaka duniani na kuatiya adabu atu osi ayi kpwa sababu ya dambi zao. Chila ariye na ngulu ndamuhenda anyenyekee na ndamtiya adabu chila mutu mwenye ngulu na jaili.

Isaya 18:4

Mana Mwenyezi Mlungu akaniamba hivi: “Mino ndanyamala zii nlole kula kpwangu makaloni dza dzoho wakati wa dzuwa ngerengere, dza guro ritandavyo usiku wakati wa minga ya mavuno.

Isaya 22:14

Mwenyezi Mlungu, Mlungu wa majeshi akagomba wazi, nami nkasikira na masikiro gangu: Iye akaamba, “Dambi hino taindaswamehewa hadi mundiphofwa.

Isaya 29:6

Mwenyezi Mlungu, Mlungu wa majeshi andakpwedza na chiguruguru, msumbo wa dunia na hoyo dzinji na chikulukulu, phuto na moho uochao.

Isaya 65:6

Lola, dzambo riri náriandika nami sindanyamala bii, ela ndariphiza, ndariphiza kulengana na makosa gao.

Isaya 65:7

Ndakuriphizani makosa genu phamwenga na makosa ga akare enu,” Mwenyezi Mlungu anaamba. “Kpwa kukala mwafukiza uvumba myangoni chisha mchinikufuru ko vidzangoni, ndakuriphizani kulengana na mahendo genu ga kare.”

Isaya 66:6

Phundzani zo kululu zilazo mo mudzini! Phundzani zo kululu zilazo mo nyumba ya kuvoya Mlungu! Ni sauti ya Mwenyezi Mlungu, anaariphiza maaduige.

Ezekieli 8:6

Phahi waniamba, “Mwanadamu, unaona go mambo ga kutsukiza ahendago atu a Iziraeli? Mambo ndigonihenda niphiye kure na phatu phangu phatakatifu. Ela undaona mambo ga kutsukiza zaidi ya higa.”

Luka 11:40

Mu azuzu! Kpwani tammanya kala yetengeza kondze ndiye ariyetengeza ndani piya?

Luka 11:50

Phahi, atu a chivyazi hichi andatiywa adabu kpwa sababu ya vifo vya manabii osi oolagbwa hangu kuumbwa kpwa dunia,

Maono 16:6

Mana atu ayi amwaga mlatso wa atakatifuo na manabiigo, nawe Bwana undaapha milatso anwe. Hivyo ndiyo adabu anayofwaha kuphaha.”

Maono 18:24

Mumo mudzini mwaonewa milatso ya manabii na atakatifu anjina a Mlungu, phamwenga na milatso ya atu osi arioolagbwa duniani.”