Isaya 26:14 - Digo Bible

¹⁴ Aho afwa na taandafufuka tsona, mana uwe waangamiza kpwenye uamulio nao andayalwa tsetsetse.

Isaya 26:14 Iomraidhean Croise

Ayubu 18:17

Takuna ndiye mtambukira duniani, na dzinare tarindahadzwa mo njira-njira.

Ayubu 24:20

Andayalwa ni nine zao enye mabulu gandaaona kukala mtswano, kpwa hivyo uyi undavundzwa dza muhi.

Ayubu 7:9

Dza ingu ritandavyo chisha rikaangamika, aphiyaye kuzimu kauya.

Zaburi 106:28

Halafu achidziunga kuabudu Baali kula Peori, achirya sadaka zolavirwa milungu ya kufwa.

Zaburi 109:13

Atu a chivyaziche naangamizwe, dzinare na riyalwe kpwenye chivyazi chedzacho!

Zaburi 135:17

Ina masikiro ela taisikira, na milomoni mwao tamuna pumuzi.

Zaburi 36:12

Lola atu ayi akagbwa, akabwagbwa photsi taaweza kuunuka.

Zaburi 59:5

Uwe Mwenyezi Mlungu, Mlungu wa majeshi ndiwe Mlungu wa Iziraeli. Unuka utiye adabu atu a mataifa, usiriche hata mmwenga wa hinyo apangao mai.

Zaburi 9:6

Maadui gakaangamia hata kare na kare na midzi yao ukaibananga wala taphakasala chochosi cha kuhenda gatambukirwe.

Kutsama 14:30

Siku iyo Mwenyezi Mlungu wativya atu a Iziraeli kula kpwa Amisiri, na Aiziraeli achiona nyufu za Amisiri mo kanda-kanda ya bahari.

Misemo 10:7

Mwenye haki andatambukirwa na mahendoge manono, ela mutu mui andayalwa tsetsetse.

Muhubiri 9:5

Kpwa sababu ario moyo anamanya kukala andafwa, ela atu a kufwa taamanya rorosi, wala taana maripho tsona. Mana takuna aatambukiraye tsona.

Isaya 10:3

Siku iredza ambayo Mlungu andakutiya adabu kali, anajeshi kula tsi za kure andakpwedza akuvamie. Taphandakala na yeyesi wa kukuterya ndipholonda kuchimbira kutiywa adabu, wala taphandakala na phatu pha kufwitsa maliyo.

Isaya 26:19

Atu ariofwa andafufuka tsona. Lamukani muimbe na raha mwimwi mkalao vumbini dza manena gahendavyo tsi kavu ikamera nyasi, ndivyo Mwenyezi Mlungu ndivyofufula atu ariofwa.

Isaya 29:6

Mwenyezi Mlungu, Mlungu wa majeshi andakpwedza na chiguruguru, msumbo wa dunia na hoyo dzinji na chikulukulu, phuto na moho uochao.

Isaya 37:19

Atsupha milungu yao mohoni na kuibananga-bananga kpwa sababu kala siyo milungu ya kpweli, ela kala ni vizuka vya mihi na mawe vyotsongbwa ni anadamu.

Isaya 8:19

Atu andakuambirani mkauze ushauri koma na atsai agombao dza kurira kpwa nyama a mapha na kugomba pokopoko. Dze, si atu analondwa auze ushauri Mlungu wao? Kpwa utu wani atu ario moyo auze mikoma ushauri?

Mathayo 2:20

Achiambwa, “Hala mcheo na mwanao wuuke hipha wuuye Iziraeli, mana hara kala analonda kumuolaga mwana afwa.”

Kumbukumbu 4:28

Hiko mundahumikira milungu ya mihi na mawe ambayo ikatengenezwa kpwa mikono ya atu na ambayo taiweza kuona, taisikira, tairya wala kunusa.

Maono 20:5

Atu anjina ariofwa taandafufuka hadi miaka elufu mwenga isire. Sambi kuku ndiko kufufulwa kpwa kpwandza.