Isaya 25:8 - Digo Bible

⁸ Iye andausa chifo hata kare na kare. Andaafuta matsozi atu osi, na aausire waibu atue duniani kosi, mana Mwenyezi Mlungu akagomba, naye andahenda vivyo.

Isaya 25:8 Iomraidhean Croise

Zaburi 116:8

Iye wativya roho yangu na chifo na achihenda nsitukpwe matsozi gangu, na kunirinda nisikpwale.

Zaburi 69:9

Mana iyo mendzwa nriyo nayo kpwa sababu ya nyumbayo inanirya, na higo matusi ga hinyo anaokulaphiza gakanigbwerera.

Isaya 26:19

Atu ariofwa andafufuka tsona. Lamukani muimbe na raha mwimwi mkalao vumbini dza manena gahendavyo tsi kavu ikamera nyasi, ndivyo Mwenyezi Mlungu ndivyofufula atu ariofwa.

Isaya 30:19

Kpwa kpweli mwimwi atu a Sayuni, yani Jerusalemu tamundarira tsona. Mchiririra kuterywa, andakuonerani mbazi, naye andasikira chiriro chenu, andakujibuni.

Isaya 30:26

Alafu Mwenyezi Mlungu andaafunga bendeji atue ariolumizwa na kuphoza vironda arivyosababisha. Mwezi undaala na mwanga munji avi ni dzuwa, na dzuwa rindalavya mwanga munji kano sabaa zaidi ya kawaida. Indakala avi ni mwanga wa siku sabaa kpwa siku mwenga.

Isaya 35:10

Atu ambao Mwenyezi Mlungu waativya andauyiza salama kula tsi za kure arikoatsamiza kpwa lazima andauya na kuinjira Sayuni kuno anaimba kpwa raha isiyosika. Andakala na raha siku zao zosi wala taphana ndiyekala na sababu ya kusononeka wala kuula.

Isaya 37:3

Nao ariphofika kpwa Isaya achimuamba, “Hezekiya anaamba hivi, ‘Rero ni siku ya sonono, ya kudemurirwa na ya kuberwa. Swino hukakala dza mchetu alondaye kudzivugula, ela kana mkpwotse wa kupiga mbavu.

Isaya 51:11

Aho ariokombolwa ni Mwenyezi Mlungu andauya. Andainjira Sayuni kuno anaimba, kuhererwa kundakala chiremba mwao vitswani ta kare na kare, andahererwa sana na taandasononeka wala kuula.

Isaya 51:7

Niphundzani mwimwi mmanyao haki, mwimwi mmanyao shariya yangu mwenu mioyoni, msiogophe kulaphizwa ni atu, chisha msitishirwe ni chibero chao.

Isaya 54:4

Usiogophe, mana kundagbwirwa ni waibu, usikale na wasiwasi, mana kundatiywa waibu. Undayala waibuo wa wanacheni, na urivyoberwa wakati uriphokala gungu.

Isaya 60:15

Kpwa kukala warichwa na kuberwa, taphana mutu ariyetsupira kpwako, ela nindakuhenda ukale na nguma hata kare na kare, na furaha ya vivyazi vyosi.

Isaya 61:7

Badala ya waibu muriophaha, mundaphaha ishima kano mbiri, phatu pha kuberwa, mundahamirwa ni urisi wenu. Mundaphaha mtalo kano mbiri kahi ya tsi yenu, na mundahererwa hata kare na kare.

Isaya 65:19

Jerusalemu indanifwahira, na ndahamirwa ni atu angu. Atu angu taandasononeka na kurira tsona.

Isaya 66:5

Phundzani neno ra Mwenyezi Mlungu, mwimwi mkakamao munaphorisikira. “Ndugu zenu achiokumenani, na kukutengani kpwa sababu ya dzina rangu, akunyeterani achiamba, ‘Naahewe nguma ye Mwenyezi Mlungu, ili huone furaha yenu!’ Ela aho andagbwirwa ni waibu.

Jeremia 31:16

Mwenyezi Mlungu anaamba, “Dzizuwiye usirire na usimwagikpwe ni matsozi; mana kaziyo indatuzwa, anao andauya kula yo tsi ya maadui. Mimi Mwenyezi Mlungu nkaamba.

Hosea 13:14

Sindaakombola na nguvu za kuzimu, wala kuativya na chifo. We chifo, utsunguo ukuphi? We kuzimu, kubanangako kuphaphi? Sindaaonera tsona mbazi.

Luka 1:25

Waamba, “Sambi Mlungu akaniterya, akaniusira waibu nriokala nao mbere za atu.”

1 Akorintho 15:26

Adui wa mwisho kuangamizwa ni chifo.

1 Akorintho 15:54

Kpwa hivyo wakati hino miri yehu ya kufwa na kubanangika ichigaluzwa isifwe na kusabanangika, ndipho Maandiko ga Mlungu gandakamilika ganagoamba, “Chifo chikaangamizwa ni ushindi!”

2 Timothi 1:10

Na sambi Mlungu wahuikira wazi mbazize kpwa kpwedza kpwa Masihi Jesu, Muokoli wehu. Na kutsupira iyo habari nono, hunamanya kukala waangamiza chifo, achihurehera uzima wa kare na kare.

1 Petero 4:14

Ichikala mundalaphizwa kpwa sababu mu afuasi a Jesu, manyani kukala mundajaliwa, mana ukulu wa Roho Mtakatifu undaonekana wazi kukala u phamwenga namwi.

Maono 20:14

Bada ya kusira higo, chifo na kuzimu zatsuphiwa ziya ra moho. Ro ziya ra moho ndiro chifo cha phiri.

Maono 21:4

Andafuta matsozi gao gosi. Wakati hinyo atu taandafwa wala kusononeka. Takundakala na chiriro wala kulumwa, mana zo hali za kare zindakala zatsupa.”

Maono 7:17

Mana Mwana ngʼondzi phara kahi-kahi ya chihi cha chifalume andakala mrisa wao. Andaalongoza osi kuphiya kuriko na pula za madzi ga uzima. Naye Mlungu andaaphangusa matsozi gao.”