Isaya 24:9 - Digo Bible

⁹ Takuna tsona mtswano wa kuimba ko mangbweni. Uchi undakala utsungu kpwa hinyo anwadzi.

Isaya 24:9 Iomraidhean Croise

Zaburi 69:12

Atu achisagala achibisha ananihadza mimi, anwadzi uchi nao anatunga mawira kuniimba mimi.

Muhubiri 9:7

Vivi enderera kurya chakuryacho kpwa raha, chisha unwe uchio kpwa kuhererwa, mana gaga ganamuhamira Mlungu.

Isaya 5:20

Shaka hiro kpwa hinyo aonao uyi kukala ni unono na unono kukala ni uyi. Hinyo aonao jiza kukala ni mwanga na mwanga kukala ni jiza. Aonao chitu cha mtswano kukala ni cha utsungu na cha utsungu kukala ni cha mtswano!

Isaya 5:22

Shaka hiro kpwa hinyo ario masujaa a kunwa uchi na atu amanyikanao kubiganya madzuchi.

Ezekieli 26:13

Nami ndakomesa sauti za mawira genu muimbago na sauti ya ngephephe taindasikirika tsona.

Amosi 8:10

Nindagaluza sikukuu zenu zikale siku za chiriro, na mawira genu gosi gakale ga chiriro. Nindakuhendani mvwale nguwo za magunia, na chila chitswa chinyolwe chiphala. Siku iyo ndaihenda ikale ya chiriro dza cha mutu achiyefwererwa ni mwanawe wa macheye, na mwishirowe, indakala dza siku ya utsungu.”

Amosi 8:3

Mawira gaimbwago nyumba ya kuvoya Mlungu ko Betheli gandagaluka gakale chiriro siku iyo,” Mwenyezi Mlungu anaamba. “Nyufu zindakala nyinji, nazo zindaenea chila phatu. Takuna sauti ndiyosikirika!”

Zakariya 9:15

Mwenyezi Mlungu, Mlungu wa majeshi andaarinda, nao andaturya maadui gao kpwa kuhumira mawe ga tero. Aho andakota kululu mo vihani avi akalewa uchi wa zabibu, nao andakala tele dza bakuli richingirwaro mlatso wa nyama chiyelaviwa sadaka, na kulwama dza pembe za phatu pha kulavira sadaka.