Isaya 24:8 - Digo Bible

⁸ Sauti za tamburini, mawira ga raha za ngephephe, na ngoma zikasika.

Isaya 24:8 Iomraidhean Croise

Ayubu 3:7

Usiku uho naukale tasa na kusikirike chitseko cha furaha kula mo mwakpwe.

Ayubu 30:31

Ngephephe yangu ikakala ya kusononekera, na chivoti changu chikakala sauti ya hara arirao.

Zaburi 137:2

Ngoma zehu za ngephephe huchizitsomeka mihini phapho hipho.

Isaya 16:10

Raha na njerejere za mavuno zikauswa, taphana aimbaye mo mindani. Takuna anayeminya zabibu himo mtengezwamo uchi, njerejere nkazisisa.

Isaya 5:12

Kpwenye karamu zao ana ngephephe na chinanda, tamburini, chivoti na uchi. Ela taajali mahendo ga Mwenyezi Mlungu wala kuona kazi za mikonoye.

Isaya 5:14

Kpwa hivyo kuzimu kukaenjereza hamuye na kufwenula kanwaye zaidi. Enye vyeo a Jerusalemu na umatiwe wosi undatserera mumo. Phamwenga na amendzao kulumba na amendzao kuhenda sharee.

Jeremia 16:9

Mana mimi Mwenyezi Mlungu, Mlungu wa majeshi, Mlungu wa Iziraeli anaamba hivi: Lola, nindakomesa sauti za kuhererwa phamwenga na njerejere anazopigirwa bwana arusi na bibi arusi phatu hipha wakati mcheremoyo.

Jeremia 25:10

Ndausa zo sauti za furaha na kuhererwa, yani njerejere zipigirwazo bwana arusi na bibi arusi, na niuse sauti za lala, piya ndausa mwanga wa taa.

Jeremia 7:34

Nindasisa sauti za kuhererwa na njerejere zipigirwazo bibi arusi na bwana arusi kpwenye midzi ya Juda na mo njira za Jerusalemu, mana yo tsi indakala wekee.”

Sonono za Jeremia 5:14

Atumia taasagala tsona pho ryango ra mudzi, avulana akaricha kuimba mawira gao.

Ezekieli 26:13

Nami ndakomesa sauti za mawira genu muimbago na sauti ya ngephephe taindasikirika tsona.

Ezekieli 28:13

Uwe wakala Edeni, bustani ya Mlungu, uchipambwa kpwa mawe ga samani ga chila aina: akiki, yakuti ya mandano, alimasi, zabarajadi, shohamu, jasipa, yakuti samawi, zumaridi, baharamani na mapambogo ga zahabu. Vyokala vikatengezwa kare siku uriyoumbwa.

Hosea 2:11

Nindakomesa sikukuuze zosi. Sikukuu za mwaka hadi mwaka, sikukuu za kulumbwa kpwa mwezi, sikukuu zosi za Siku za Kuoya, na sikukuu zirizoikpwa.

Amosi 6:7

Kpwa hivyo mundakala a mwandzo kutsamizwa kpwa lazima, na zo kululu zenu za sharee na ko kudziambalaza kpwenu kundasira.

Maono 18:22

Na himo mudzini sauti za atu kuimba, a kupiga ngephephe, a kupiga vivoti na a tarumbeta, tazindasikirika tsona bii! Wala takundakala na fundi wa aina yoyosi, wala takundasikirika lala rinasaga tsona bii!