Isaya 24:22 - Digo Bible

²² Andaikpwa phamwenga dibwani dza mabusu, alafu atiywe jela kpwa muda wa kukola, ndipho atiywe adabu.

Isaya 24:22 Iomraidhean Croise

Isaya 10:4

Mundahalwa mateka, au mufwe vihani. Na bado Mwenyezi Mlungu andakala achere na tsukizi, na andaenderera kuitiya adabu Iziraeli.

Isaya 2:19

Atu andazorera pangani hiko myambani na madibwa ga kudzifwitsa, kpwa sababu ya kutisha kpwa Mwenyezi Mlungu na nguma ya endziye, pho ndiphounuka kusumbisa dunia.

Isaya 24:17

Wuoga, lwina na muhego inakugodzerani mwi msagalao duniani!

Isaya 42:22

Ela mwimwi mu atu murioiyirwa na kutekpwa, mosi mwafungirwa madibwani na kufwitswa jela, mukakala mateka bila mutu wa kukuokolani au kuamba, “Auyizeni kpwao.”

Ezekieli 38:8

Bada ya miaka minji ndakulagiza ukavamie tsi ambayo ikahurira bada ya viha, ambayo atue naakusanya na nchiauyiza kula mataifa ganjina manji nao achisagala bila ya chiwewe cha viha. Uwe undavamia myango ya Iziraeli, ambayo kala ni magandzo bila ya atu kpwa muda mure, ela kuko atu anaishi kpwa usalama.

Zakariya 9:11

Kpwa sababu ya chilagane nrichoika namwi mwimwi atu a Sayuni kpwa kumwaga mlatso, nindaaika huru atu enu ariotsamizwa kpwa lazima ambao ni dza afungbwa ndani ya dibwa risirokala na madzi.

Zakariya 9:12

Uyani kpwenu ngomeni, mwimwi afungbwa murio na kuluphiro; rero nakutangazirani kukala nindakuyizirani kano mbiri vyosi murivyoviangamiza.

Maono 20:2

Phahi ye malaika warigbwira ro dzoka, yani yuyatu nyoka wa kare aihwaye Ibilisi au Shetani, achirifunga silisili na achiritsupha kuzimu. Pho mryangoni achiphafunga kufuli na kuphatiya ukaka, ili asedze akachenga tsona atu a mataifa ganjina gosi duniani. Naye Shetani andafungbwa miaka elufu mwenga. Bada ya muda hinyo kusira, ni lazima avugulwe kpwa muda mchache tu.