Isaya 24:18 - Digo Bible

¹⁸ Indakala chila achimbiraye sauti ya kuogofya andagbwa lwinani, na chila apandaye ili kutuluka lwinani, andagbwirwa ni muhego. Mana madirisha ga mlunguni gakavugulwa, na misingi ya dunia ikasukpwa-sukpwa.

Isaya 24:18 Iomraidhean Croise

Mwandzo 19:24

Ndipho Mwenyezi Mlungu achihenda Sodoma na Gomora kunye mvula ya moho wa chibiriti kula mlunguni.

Mwandzo 7:11

Nuhu phokala ana miaka magana sita, siku ya kumi na sabaa ya mwezi wa phiri, pula za madzi za kuzimu zasodoka kpwa nguvu na zichiandza kulavya madzi. Na dzulu mlunguni kpwauduka mvula ya komesha.

2 Afalume 7:2

Jemedari mrindzi wa mfalume wamuambira Elisha, “Hata kama Mwenyezi Mlungu mwenye angehenda madirisha mlunguni, dzambo hiri ringewezekana?” Elisha wamjibu achiamba, “Undaona na matsogo mwenye, ela kundavirya.”

Ayubu 20:24

Iye andachimbira silaha ya chuma, andafuriswa muvwi urio na chigumba cha shaba.

Zaburi 18:15

Ndipho mikondo ya madzi ichioneka na misingi ya dunia ichifwenulwa kpwa kudemurirwa ni uwe Mwenyezi Mlungu, kpwa pumuzi za pulayo.

Zaburi 18:7

Yo tsi yasumba na ichikakama, misingi ya myango ichisumba kpwa sababu Mlungu kala akatsukirwa.

Zaburi 18:8

Mosi wafuka kula mwakpwe pulani, moho uochao uchituluka kula mwakpwe mromoni, makala ga moho gachituluka kula mumo.

Muhubiri 9:12

Mana mwanadamu kamanya wakatiwe undafika rini. Iye nkuphahwa ni wakati mui gafula dza ngʼonda agbwirwavyo ni nyavu na dza nyama a mapha agbwirwavyo ni mihambo.

Isaya 13:13

Siku hiyo, Mimi Mwenyezi Mlungu, Mlungu wa majeshi ndiphokala naonyesa tsukizi zangu kali, ndahenda mlunguni na duniani kusumbe.

Isaya 2:19

Atu andazorera pangani hiko myambani na madibwa ga kudzifwitsa, kpwa sababu ya kutisha kpwa Mwenyezi Mlungu na nguma ya endziye, pho ndiphounuka kusumbisa dunia.

Isaya 2:21

Atu andazorera pangani hiko myambani na kpwenye myanya kahi-kahi ya mawe, kpwa sababu ya kutisha kpwa Mwenyezi Mlungu, na nguma ya endziye, ndiphounuka kusumbisa dunia.

Isaya 42:22

Ela mwimwi mu atu murioiyirwa na kutekpwa, mosi mwafungirwa madibwani na kufwitswa jela, mukakala mateka bila mutu wa kukuokolani au kuamba, “Auyizeni kpwao.”

Isaya 8:14

Iye ni phatu phatakatifu kpwa osi amukuluphirao, ela kpwa atu a Juda na Iziraeli ni dziwe ambaro aho andarikpwala na mwamba ambao undahenda atu agbwe. Kpwa atu a Jerusalemu andakala muhego na utu wa kuogofya.

Jeremia 48:43

Kuogofya, madibwa na mihego inakugodzerani, mwi atu a Moabu! Mimi Mwenyezi Mlungu nkaamba.

Jeremia 48:44

Iye achimbiraye vyo vitisho andagbwa madibwani, na iye ndiyeweza kutuluka dibwani andagbwirwa ni muhego. Mana gaga ndagahendera Moabu mwaka uho wa kutiywa adabu, mimi Mwenyezi Mlungu nkaamba.

Sonono za Jeremia 3:47

Hukaphahwa ni wasiwasi na wuoga, uweche na kubanangbwa.”

Ezekieli 11:8

Munaogopha upanga ela Mwenyezi Mlungu anaamba ndareha upanga chinyume chenu.

Ezekieli 12:13

Nami nindatandaza nyavu yangu dzuluye naye andagbwirwa ni muhego wangu. Nindamphirika mudzi wa Babeli, urio tsi ya Akalidayo wala kandauona na andafwa kuko.

Ezekieli 15:7

Nindahakikisha napho andachimbira moho huno, moho wanjina undaaocha. Wakati ndiphogaluka chinyume chao mundamanya kukala mimi, ndimi Mwenyezi Mlungu.

Amosi 5:18

Shauri yenu mwimwi muazao siku ambayo Mwenyezi Mlungu andaamula mataifa! Kpwa utu wani munaaza siku ya Mwenyezi Mlungu? Siku iyo indakala ya jiza si ya mwanga.

Amosi 5:19

Ni dza mutu achimbiraye simba, akakutana na dubu. Ama mutu ainjiraye nyumbani akajejemeza mkpwonowe ukutani, na akaondzwa ni nyoka.