Isaya 24:16 - Digo Bible

¹⁶ Hunasikira mawira kula pande za mwisho wa dunia ga kumtogola iye Mwenye Haki. Ndipho nchiamba, “Naonda, naonda mimi. Ndahendadze mino! Atu a handzo anagomba handzo, na akusalata anasalata sana!”

Isaya 24:16 Iomraidhean Croise

Zaburi 106:15

Achiapha arichovoya, ela achiarichira ukongo wa nyerenyere.

Zaburi 119:158

Nionapho aho ario si aaminifu, nikutsukirwa sana, mana taagbwira nenoro.

Zaburi 2:8

Nivoya, nami nindahenda mataifa ganjina gosi gakale urisio, na dunia yosi indakala yako.

Zaburi 58:10

Atu a haki andahererwa achiona ayi anatiywa adabu, nyayo zao zindavyoga-vyoga iyo milatso ya atu ayi.

Zaburi 65:8

Aho akalao duniani kosi anaangalazwa ni isharazo, kpwa sababu ya mahendogo unahenda atu ashangiliye na raha mutsi wosi.

Zaburi 67:7

Mlungu naenderere kuhujaliya; atu a dunia ndzima amuogophe.

Zaburi 98:3

Akatambukira mendzwaye isiyosika na uaminifuwe kpwa nyumba ya Aiziraeli. Dunia yosi ikawoona ushindi wa Mlungu wehu.

Kutsama 15:11

Kahi za milungu, ni mlungu yuphi ariye dza uwe, Mwenyezi Mlungu? Utakatifuo tauwezekana, mahendogo ga nguma ganahutishira, mambo makulu uhendago uwe, ganahuangalaza.

Isaya 10:16

Kpwa vira Ashuru ikadzikarya, Mwenyezi Mlungu, Mlungu wa majeshi andaatiya ukongo masujaa aho ario na miri aonde sana na kundahenda moho ndioangamiza mfalume, jeshire na mali yao yosi.

Isaya 11:12

Andaonyesa ishara kpwa mataifa na kukusanya Aiziraeli ariotsamizwa turi-turi na kukusanya atu a Juda nyo tsamukana kosi duniani.

Isaya 17:4

“Siku iyo nguma ya Jakobo indaphunguka dza mutu mziho aondavyo akasala mifupha.

Isaya 21:2

Nkaonyeswa ruwiya ya kuogofya: Wa kusalata anasalata, wa kubananga anabananga. Ambuka uwe tsi ya Elamu, zangira uwe Umedi! Ndasisa kuula kosi arikosababisha.

Isaya 26:15

Ela uwe Mwenyezi Mlungu ukarihenda taifa rikale kulu, nawe ukadziphahira nguma, kpwa kurienjerezera miphakaye.

Isaya 28:5

Siku iyo Mwenyezi Mlungu, Mlungu wa majeshi andakala dza tadzi ya nguma na chiremba chinono kpwa atue ariosala.

Isaya 33:1

Shaka hiro uwe uriyebananga atu angu, kala kudzangbwebanangbwa, ela vivi undabanangbwa. Shaka hiro uwe uriyesalata atu angu, kala kudzangbwesalatwa, ela vivi undasalatwa. Ndiphomala kubananga na kusalata nawe undabanangbwa na usalatwe.

Isaya 42:10

Muimbireni Mwenyezi Mlungu wira muphya, mtogoleni kpwa mawira duniani kosi. Mtogoleni kpwa mawira mwimwi muphiyao baharini. Mtogoleni mwimwi viumbe vyosi vya bahari, visuwa na osi asagalao mumo.

Isaya 48:8

Uwe kudzangbwegasikira wala kugamanya, hangu kare sikiroro kala rikazibwa. Mana námanya unahenda mambo kpwa kuchenga, na kukala hangu uvyalwe u muasi.

Isaya 52:10

Mwenyezi Mlungu andaunula mkpwonowe mtakatifu wenye uwezo mbere za mataifa gosi, andaaokola atue duniani kosi, na atu andaona wokofu wa Mlungu wehu.

Isaya 6:5

Ndipho nchiamba, maye mino! Aa sikaangamika mino! Mana mimi mromo wangu ni mchafu na nisegere kahi za atu a miromo michafu na vino matso gangu gakamuona Mfalume, Mwenyezi Mlungu, Mlungu wa majeshi.

Isaya 60:21

Atuo osi andakala enye haki, nao andairisi tsi hata kare na kare. Aho ni mitse ambayo náiphanda mwenye, ni kazi ya mikono yangu, ili ionyese nguma yangu.

Jeremia 12:1

Ee Mwenyezi Mlungu, uwe u wa haki, wakati nkulalamikirapho, ela nalonda nikuuze kuhusu hakiyo: Kpwa utu wani atu ayi nkuongokerwa? Kpwa utu wani atu ayi nkuishi vinono?

Jeremia 12:6

Mana hata nyo nduguzo na atu a nyumba ya sowe, nao piya aho nao akakuhendera mai, akakukotera kululu ra ndiro. Usiakuluphire tsetsetse, dzagbwe anakuambira maneno manono.”

Jeremia 3:20

Kpwa kpweli dza mchetu asiyekala muaminifu kpwa mlumewe, vivyo ndivyo mchivyokosa uaminifu kpwangu, mwi atu a Iziraeli, mimi Mwenyezi Mlungu nkaamba.’ ”

Jeremia 5:11

Mana atu a Iziraeli na a Juda taakakala aaminifu kpwangu, mimi Mwenyezi Mlungu nkaamba.

Sonono za Jeremia 1:2

Iye nkurira sana wakati wa usiku, matsozi gakajera mwakpwe mafundani. Kahi ya azembee osi taphana wa kumphoza marenda, asenae osi amsalata, aho akakala maaduige.

Hosea 5:7

Taakarire aaminifu kpwa Mwenyezi Mlungu, mana avyala ana wa vuweni. Andaangamiza phamwenga na minda yao wakati wa sikukuu za kulumbwa kpwa mwezi.

Hosea 6:7

Aho avundza chilagane dza arivyohenda Adamu, nao taayakala aaminifu kpwangu.

Alawi 26:39

Hara ndiosala kahi yenu, andasirirwa ni mkpwotse kpwenye tsi ya maadui genu kpwa sababu ya dambi zao na za akare ao.

Mika 5:4

Andalongoza na kumanyirira atue kpwa nguvu za Mwenyezi Mlungu, na kpwa ukulu wa dzina ra Mwenyezi Mlungu, Mlunguwe dza mrisa amanyiriravyo mifugoye. Nao andaishi salama mana wakati hinyo iye andakala ndiye mkpwulu dunia yosi.

Habakuki 1:13

Matsogo uwe Mwenyezi Mlungu ni matakatifu sana hata kuweza kulola uyi, wala kuvumirira makosa. Kpwa utu wani phahi unalola na kuvumirira wakati atu ayi anaangamiza atu a haki kuriko aho?

Habakuki 1:3

Kpwa utu wani unihende nione uyi na nigaye? Atu a kubananga na a fujo a mbere zangu, kuna kuheha na kukosana vivyo kpwa vivyo.

Mariko 13:27

Chisha nindahuma malaika angu ili akusanye ariotsambulwa kula chila pembe ya dunia na chila pembe ya mlunguni.

Mahendo 13:47

Mana Mlungu wahulagiza hivi: ‘Nákuhenda mwanga kpwa atu ambao sio Ayahudi, ili uphirike wokofu wangu chila phatu duniani.’ ”

Maono 15:3

Nao achiimba wira wa Mwana ngʼondzi na Musa mtumishi wa Mlungu, uambao: “Mwenyezi Mlungu Mwenye Nguvu Zosi, mahendogo ni makulu na ga ajabu. Uwe ndiwe Mfalume wa makabila gosi duniani, na njirazo ni za haki na za kpweli.