Isaya 22:16 - Digo Bible

¹⁶ ‘Haya go uhendago ndigo? Uwe kuna haki ya kuhenda hivyo hata chidide! Uwe ukadzitsimbira mbira hipho chidzangoni, ukadzitengezera phatu phanono pha kuzikirwa kpwenye mwamba.

Isaya 22:16 Iomraidhean Croise

Mwandzo 50:5

baba phokala a phephi na kufwa, wanirisa chirapho achiamba, ‘Siku nchifwa kanizike kpwenye mbira yoitayarisha hiko tsi ya Kanani.’ Phahi nirichani nikazike baba, chisha nindauya.”

2 Samueli 18:18

Hiye Abusalomu ariphokala a moyo kala akahala na kudzidzengera iyo nguzo iriyo Dete ra Mfalume, kpwa mana waamba, “Mino sina mwana wa kuika dzina rangu.” Nayo wayiiha kpwa dzinare mwenye ndiyo mana inaihwa chinara cha Abusalomu hadi rero.

2 Nyakati 16:14

Achizikpwa kpwenye mbira yokala akadzitsongera, ko Mudzi wa Daudi. Achimlaza dzulu ya chitanda chokala chikaodzazwa chila aina ya vilungo virivyotayarishwa ni atu amanyao kutengeza manukato. Chisha achikuta moho mkpwulu sana kpwa ishimaye.

Ayubu 3:14

phamwenga na afalume na ashauri a dunia, adzenga luphya midzi iriyokala magandzo,

Isaya 14:18

Afalume a mataifa ganjina azikpwa na ishima, chila mmwenga phakpwe mbirani.

Isaya 14:19

Ela uwe ukatsuphiwa kure na mbirayo, dza panda ya muhi ichiyokatwa isiyo na mana, nawe ukabwiningizwa ni atu arioolagbwa vihani, atsererao hadi tsini ya dibwa dzire. Uwe u dza lufu rinarovyogbwa-vyogbwa.

Isaya 22:17

Sambi uwe sujaa manya kukala Mwenyezi Mlungu andakugbwira kpwa nguvu akutsuphe kure.

Isaya 52:5

Mwenyezi Mlungu anaamba, ‘Kuna fwaida yani atu angu achihalwa mateka tsona? Aho aatawalao anaabera,’ na anaenderera kulaphiza dzina rangu mutsi wosi.

Mika 2:10

Unukani mphiye vyenu! Hipha sipho phatu pha kuoya, kpwa sababu ya phakanajisika, phakabanangika kutsupa chiasi.

Mathayo 27:60

achiuzika ndani ya mbiraye nyiphya ambayo kala akaitsonga mwambani. Chisha achibwiningiza mryango wa mbira na dziwe kulu, na badaye achiphiya vyakpwe.