Isaya 22:13 - Digo Bible

¹³ Ela lola! Atu akahererwa na kuhamirwa, anatsindza ngʼombe na mangʼondzi na kurya nyama na kunwa uchi! Enye munaamba, “Nahurye na hunwe mana muhondo hundafwa.”

Isaya 22:13 Iomraidhean Croise

Isaya 26:10

Dzagbwe ayi akaonerwa mbazi, taadzifundza kuishi na haki hata kahi za tsi ya atu a haki nyo nkpwenderera kuhenda mai, na taaona nguma ya Mwenyezi Mlungu.

Isaya 29:1

Shaka hiro kpwa Arieli, mudzi ambao Daudi wachita kambiye. Mwimwi endererani na Sikukuu zenu mwaka bada ya mwaka,

Isaya 47:8

Sambi phundza gaga uwe unaye starehe, phundza uwe usagalaye na kudziona u salama, uambaye mwako moyoni, ‘Ni mimi bahi, na takuna wanjina. Sindakala gungu wala kufwererwa ni ana.’

Isaya 5:11

Shaka hiro aho araukirao kpwendanwa uchi, na kukala kuko hadi usiku wa manane, hadi uchi ualevye tsetsetse.

Isaya 5:12

Kpwenye karamu zao ana ngephephe na chinanda, tamburini, chivoti na uchi. Ela taajali mahendo ga Mwenyezi Mlungu wala kuona kazi za mikonoye.

Isaya 5:22

Shaka hiro kpwa hinyo ario masujaa a kunwa uchi na atu amanyikanao kubiganya madzuchi.

Isaya 56:12

Aho nkuamba, “Ndzoni, hunwe uchi wa zabibu, hata hulewe, na muhondo indakala dza vi rero au hata zaidi.”

Isaya 58:3

Aho anaamba, ‘Kpwa utu wani hukafunga, ela kuhuona? Kpwa utu wani hunadzigayisa, ela Mlungu kalola?’ Wakati mkafunga mkuhenda mlondavyo enye, na kuaonera ahendadzi-kazi enu osi.

Ezekieli 16:49

Lola, makosa ga mwenenu mchetu Sodoma na anae achetu ni higa: Kudziunula na kusaterya achiya na akutsowa, dzagbwe kala akaongokerwa na kala ana chakurya chinji.

Hosea 9:1

Mwi Aiziraeli musihererwe, musitine-tine kpwa raha dza atu a mataifa ganjina asiomanya Mlungu. Mwimwi simwi aaminifu kpwa Mlungu wenu, munamendza maripho ga umalaya kahi za mwatu mwa kuwagira.

1 Akorintho 15:32

Ichikala mino náheha na atu asiru hiko Efeso kpwa sababu za chibinadamu tu, munaona náphaha fwaida yani? Siyaphaha rorosi! Kpwa hivyo ichikala atu a kufwa taafufuka, “Nahurye na hunwe mana muhondo hundafwa.”

Jakobo 5:5

Mwasagala duniani maisha ga raha na anasa. Mu dza nyama ambao anona na a tayari kpwa siku ya kutsindzwa.