Isaya 21:3 - Digo Bible

³ Kpwa kukala nyo mwiri wangu unaluma sana, nina utsungu dza wa mchetu alondaye kudzivugula, ninasikira utsungu kpwa go nsikirago, sina ra kuhenda kpwa go nionago.

Isaya 21:3 Iomraidhean Croise

Zaburi 48:6

Achiandza kukakama phapho kpwa wuoga, achikala na utsungu dza wa mchetu ariye phephi na kudzivugula.

Isaya 13:8

Andagbwirwa ni wuoga, andalumwa dza mchetu ariye na utsungu wa kudzivugula. Andatongʼorerana matso na kuangalala, na kumbi zindakundzika kpwa chiwewe.

Isaya 15:5

Moyo wangu unaririra Moabu mana atue anachimbirira Soari na Egilathi-Shelishiya. Anjina anaambuka na barabara iphiyayo Luhithi kuno anarira. Anjina anazorera Horonaimu kuno anarira kululu kusononekera kuangamizwa kpwao.

Isaya 16:11

Moyo wangu unasononeka, nami narira dza ngephephe kuririra Moabu, Uhumbo wangu unaluma kpwa sababu ya Kiri-Haresethi.

Isaya 16:9

Kpwa hivyo ninaririra mizabibu ya Sibuma dza atu a Jazeri ariravyo. Midzi ya Heshiboni na Eleale munanihenda nimwagikpwe ni matsozi mana taphana njerejere za mavuno.

Isaya 26:17

Dza viratu mchetu chiyefisa sikuze za kudzivugula agbwirwavyo ni utsungu akarira, ndivyo hurivyokala swiswi mberezo uwe Mwenyezi Mlungu.

Jeremia 4:19

Naawiwa, naawiwa, nagalagala kpwa sonono. Ee nina utsungu wa moyo! Moyo wangu unagungunda sana, siweza kunyamala, mana nasikira sauti ya gunda, dalili ya viha.

Jeremia 48:41

Midziye indahalwa mateka na ngomeze zindainjirwa. Siku iyo mioyo ya masujaa a Moabu indakala dza ya mchetu ariye na utsungu wa uvyazi.

Jeremia 49:22

Lola, mmwenga andapanda na kuuruka dza kozi, na kuandzula maphage dzulu ya Bosira. Siku iyo mioyo ya anajeshi a Edomu indakala dza moyo wa mchetu ariye na utsungu wa kudzivugula.”

Jeremia 50:43

Mfalume wa Babeli wasikira ripoti yao, mikonoye ichirejera; achigbwirwa ni utsungu, dza wa mchetu alondaye kudzivugula.

Jeremia 6:24

Hukasikira ripoti yao, nayo mikono yehu ikarejera; hukagbwirwa ni utsungu, utsungu dza wa mchetu alondaye kudzivugula.

Habakuki 3:16

Niriphosikira, naahukpwa ni roho, madomo gangu gachikakama kpwa hinyo msindo. Mwiri wangu uchirejera, magulu gangu gachigbwirwa ni mchecheta. Ela nindahurira nigodze kpwa kuvumirira iyo siku ya mashaka ambayo indaedzera hara anaohuvamia.

Johana 16:21

Hata mchetu achifisa wakati wa kudzivugula nkuhenda utsungu, mana wakatiwe wa kugaya ukafika. Ela achidzivugula salama nkuyala hura utsungu, kpwa raha ya kuphaha mwana.

Kumbukumbu 28:67

Moyoo undaodzala wuoga kpwa uchivyomaka na chila chitu ndichochiona na matsogo. Ligundzu undaamba, ‘Baha kala ni dziloni,’ na dziloni ndiphofika undaamba, ‘Baha kala ni ligundzu.’

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.