Isaya 20:6 - Digo Bible

⁶ Wakati hinyo, hinyo asagalao pwani hino andaamba, ‘Lola, chigoafika hinyo hurioakuluphira, atu huriochimbirira ili huphahe kuterywa kula mikononi mwa mfalume wa Ashuru! Swino hundativywa ni ani?’ ”

Isaya 20:6 Iomraidhean Croise

Ayubu 22:30

Nkumuokola iye asiye na lawama, iye andakutivya kpwa kukala mikonoyo ni miswafi.”

Ayubu 6:20

Aho avundzika mioyo mana kala ana uhakika wa kuphaha madzi, ela kufika phapho, achivundzika mioyo.

Isaya 10:3

Siku iredza ambayo Mlungu andakutiya adabu kali, anajeshi kula tsi za kure andakpwedza akuvamie. Taphandakala na yeyesi wa kukuterya ndipholonda kuchimbira kutiywa adabu, wala taphandakala na phatu pha kufwitsa maliyo.

Isaya 28:17

Nami ndahumira uamuli wa haki ikale chipimo na kuhenda haki ikale kabiro. Mvula ya mawe indausa chimbiriro renu, yani handzo na madzi gandafurika hipho phatu phenu pha kudzifwitsa.

Jeremia 30:1

Mwenyezi Mlungu wagomba na Jeremia achimuamba,

Jeremia 30:7

Wee! Siku iyo ni ya kutisha sana takuna dza iyo undakala wakati wa kuteseka kpwa Jakobo, ela andativywa na gago.”

Jeremia 31:1

Mwenyezi Mlungu anaamba, “Wakati uho nindakala Mlungu wa miryango yosi ya Iziraeli, nao andakala atu angu.”

Jeremia 4:30

Nawe, uwe ambaye undabanangbwa, kpwa utu wani unadzivwika nguwo za kundu, na kudzipamba na mapambo ga zahabu, na kuhenda matsogo gakale makulu kpwa kudzipaka wanda? Unadzipamba bure azembeo anakubera anaindza uhaio.

Jeremia 47:4

mana siku ya kuangamiza Afilisti osi ikafika, kuolaga chila mutu ariyesala awezaye kuterya Tiro na Sidoni. Mana Mwenyezi Mlungu anaangamiza Afilisti, atu ariosala kula pwani ya Kafutori.

Mathayo 23:33

“Nyoka a sumu mwi! Mundahepadze uamuli wa kutiywa mohoni?

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.

Aeburania 2:3

Dze swino hundawezadze kuepuka kutiywa adabu husiphojali wokofu urio mkpwulu namuna hino? Bwana Jesu mwenye ndiye ariyeandza kutangaza wokofu hinyo, na hara ariomsikira achihuhakikishira kala ni kpweli.