Isaya 2:11 - Digo Bible

¹¹ Mutu wa shobo andahendwa anyenyekee, na atu a ngulu andatserezwa. Mwenyezi Mlungu macheye ndiye ndiyetogolwa siku hiyo.

Isaya 2:11 Iomraidhean Croise

2 Samueli 22:28

Unaativya atu a pole, ela unaalola atu adziunulao, ili uatsereze.

Zaburi 18:27

Unaativya atu a pole, ela unaatsereza atu adziunulao.

Zaburi 18:28

Uwe Mwenyezi Mlungu, ndiwe uasaye taa yangu. Mlungu wangu nkuhenda jiza rangu rikakala nuru.

Zaburi 20:8

Aho andadzikpwala na kugbwa ela swino hundaunuka na kuima wima.

Zaburi 46:10

Iye anaamba, “Hurirani mmanye kukala mimi ndimi Mlungu! Mimi natogolwa ni chila taifa, Mimi natogolwa duniani kosi.”

Zaburi 46:11

Mwenyezi Mlungu, Mlungu wa majeshi a phamwenga naswi, Mlungu wa Jakobo ndiye chimbiriro rehu.

Zaburi 94:2

Unuka uwe muamuli wa dunia, atiye adabu anaodzikarya kulengana na kudzikarya kpwao.

Misemo 16:5

Chila mutu mwenye ngulu ni tsukizo kpwa Mwenyezi Mlungu. Kpwa kpweli mutu iye andatiywa adabu.

Misemo 30:13

Kuna atu a kudziunula, akubera chila achionacho!

Isaya 10:12

Mwenyezi Mlungu anaamba, ndiphomala kuhenda achigopanga kuhendera Jerusalemu na Mwango wa Sayuni, andamtiya adabu mfalume wa Ashuru kpwa vira arivyo na ngulu na kudzikarya.

Isaya 12:1

Wakati hinyo undaamba, “Uwe Mwenyezi Mlungu nindakushukuru mana dzagbwe wanitsukirirwa tsukizizo zikadigirika nawe ukanihuriza moyo.

Isaya 12:4

Namwi siku iyo mundaamba, “Mshukuruni Mwenyezi Mlungu na mumvoye iye. Gabazeni mataifa mahendoge na kugaambira kukala dzinare ni kulu.

Isaya 13:11

Mwenyezi Mlungu anaamba, “Nindareha mashaka duniani na kuatiya adabu atu osi ayi kpwa sababu ya dambi zao. Chila ariye na ngulu ndamuhenda anyenyekee na ndamtiya adabu chila mutu mwenye ngulu na jaili.

Isaya 14:15

Ela ukatserezwa hadi kuzimu, hadi photsi tsini kabisa.

Isaya 2:17

Kudzikarya kpwa mwanadamu kundatserezwa na kudzikudula kpwa anadamu kundauyizwa photsi. Mwenyezi Mlungu macheye ndiye ndiyetogolwa siku hiyo,

Isaya 23:9

Mwenyezi Mlungu, Mlungu wa majeshi ndiye yepanga njama hino ili kubananga ngulu zirehwazo ni iyo nguma ya Tiro na kuifya osi anaoishimiwa duniani.

Isaya 24:21

Wakati hinyo Mwenyezi Mlungu andatiya adabu vitu vyosi virivyo na uwezo ko mlunguni na afalume hipha duniani.

Isaya 25:9

Siku iyo atu andaamba, “Lola, hiyu ndiye Mlungu wehu. Ndiye huriyemgodza ahuterye. Yuyu ndiye Mwenyezi Mlungu nahupige njerejere na kufwahirwa ni wokofuwe.”

Isaya 26:1

Siku iyo wira huno undaimbwa kahi za tsi ya Juda. Swiswi huna mudzi urio na nguvu, mudzi urindwao na kutivywa ni Mlungu.

Isaya 28:5

Siku iyo Mwenyezi Mlungu, Mlungu wa majeshi andakala dza tadzi ya nguma na chiremba chinono kpwa atue ariosala.

Isaya 29:18

Wakati hinyo masito andaweza kusikira maneno ga hicho chitabu na matso ga vipofu gandaona kahi za upofu na jiza.

Isaya 30:18

Mwenyezi Mlungu anagodza kpwa hamu akukubalini na kukuonerani mbazi. Mwenyezi Mlungu ni Mlungu ahendaye haki, iye nkujaliya anaomkuluphira.

Isaya 30:23

Mwenyezi Mlungu andahenda mvula inye kpwa ajili ya mbeyu zenu mchizophanda. Minda yenu indavyala mtsere munji na mifugo yenu indaphaha nyasi nyinji za kurisa.

Isaya 37:23

Ukamnyetera na kumlaphiza ani? Ukamdemurira ani? Ni ani uchiyemlola na matso ga chibero? Ni iye Mtakatifu wa Iziraeli!

Isaya 4:1

Wakati hinyo achetu sabaa andammamanira mlume mmwenga amuambe, “Swiswi hundadzimanya enye kurya kpwehu na kuvwala kpwehu, ela huruhusu huihwe acheo tu ili uhuzibe waibu.”

Isaya 40:23

Iye ndiye atserezaye akulu na kuahenda atawala akakala si chitu.

Isaya 52:6

Kpwa hivyo, atu angu andarimanya dzina rangu, siku iyo andamanya kukala mimi ndimi nriyetabiri. Oo, ni Mimi.”

Jeremia 12:9

Atu angu akakala dza chinyama cha mapha, chichozungulukpwa na kutsotwa ni makozi pande zosi. Phiya ukakusanye nyama osi a tsakani, arehe edze arye nyama za atu angu.

Jeremia 9:24

Ela alondaye kudzikarya, naadzikarye kpwa kukala ananimanya na kuelewa kukala mimi, ndimi Mwenyezi Mlungu niriye na mendzwa isiyosika, niamulaye na haki na nkureha haki duniani, mana ndigo ganihamirago.” Vivyo ndivyo Mwenyezi Mlungu aambavyo.

Ezekieli 38:14

“Kpwa hivyo uwe mwanadamu, lavya unabii na uambire Gogu, ‘Mwenyezi Mlungu anaamba hivi: Siku iyo uwe undamanya kukala atu angu Iziraeli anasagala salama,

Ezekieli 38:19

Mana kahi za wivu wangu na tsukizi zangu kali natangaza kukala siku iyo kundakala na misumbo minji ya tsi ko Iziraeli.

Ezekieli 39:11

“ ‘Bada ya Gogu kuangamizwa, ndamupha phatu azikpwe, iye na anajeshie osi ko Iziraeli kpwenye Dete ra acharo, ririro mlairo wa dzuwa wa Bahari ya Munyu. Mbira zizo zindakala nyinji hata vizuwiye atu atsupirao dete hiro, ambaro badaye rindaihwa Dete ra Hamoni-Gogu.

Ezekieli 39:22

Kula siku iyo na kpwenderera, atu a Iziraeli andamanya kukala mimi, ndimi Mwenyezi Mlungu, Mlungu wao.

Danieli 4:34

Mwisho wa yo miaka sabaa, mimi Nebukadineza nálola mlunguni, na achili zangu zichiniuyira. Nami nchimtogola iye Ariye Dzulu Zaidi. Námtogola na kumupha ishima iye ariye moyo hata kare na kare. Mana utawalawe tauna mwisho na ufalumewe unadumu kula chivyazi hadi chivyazi.

Hosea 2:16

Mwenyezi Mlungu achienderera kuamba, “Siku iyo kundaniiha tsona ‘Baali wangu’ undaniiha ‘Mlume wangu.’

Hosea 2:18

Siku iyo nindaika chilagane na nyama a tsakani, nyama a mapha na nyama a kuambala. Nindavundza maha na panga, na kukomesa viha kahi ya yo tsi, nao andakala salama.

Hosea 2:21

Mwenyezi Mlungu anaamba, “Siku iyo mlunguni kundajibu kpwa kuipha maingu ga mvula, nako mlunguni kundaijibu tsi kpwa kuirehera mvula.

Joeli 3:18

Wakati hinyo kundakala na uchi munji wa zabibu hiko dzulu myangoni, na ko vidzangoni kundakala na maziya manji, chila chidzuho kpwenye tsi ya Juda chindajera madzi. Himo nyumbani mwa Mwenyezi Mlungu mundaomboka pula za madzi na madzige gandajera Dete ra Shitimu.

Amosi 9:11

Siku iyo nindauyiza tsona ufalume wa Daudi ambao ni dza nyumba iriyogbwa. Ndarekebisha myanya ya kuta zirikobomoka, na kuunula magandzoge na kuudzenga, dza urivyokala pho kare,

Obadiya 1:8

“Mwenyezi Mlungu anaamba, Siku iyo nindabananga-bananga enye ikima osi a Edomu atu enye ufahamu kahi ya milima ya Esau.

Mika 2:3

Kpwa hivyo Mwenyezi Mlungu anaamba hivi, “Lola, ninapanga kureha shaka kpwa atu aha, namwi tamundaweza kudzikombola enye, tamundanyendeka tsona na shobo mana undakala wakati mui.

Mika 4:6

Mwenyezi Mlungu anaamba, “Siku iyo nindakusanya virema osi, na niarehe hara ariokala akatsamizwa kpwa lazima phamwenga na hinyo nrioagayisa.

Mika 5:10

Mwenyezi Mlungu anaamba, “Siku iyo nindaolaga farasi enu na kubananga magari genu ga kuvwehwa ni farasi.

Zefania 3:11

Siku iyo ichifika uwe Jerusalemu kundakala na waibu kpwa vira urivyoniasi. Mana ndaausa osi ambao anadzikarya na kudziunula, na taphana ndiyedzikarya hipho dzulu ya mwango wangu mtakatifu.

Zefania 3:16

Siku iyo Jerusalemu indaambwa, “Usiogophe uwe Sayuni, mikonoyo isiinjire nyongʼonyo.

Zakariya 9:16

Siku iyo Mwenyezi Mlungu, Mlungu wao andaativya dza mrisa ativyavyo mangʼondzige na mbuzize wakati wa shida. Aho andameka-meka mo mwenye tsiiye dza mawe ga samani gobandikpwa chirembani.

Malaki 4:1

Mwenyezi Mlungu, Mlungu wa majeshi anaamba, “Lola, siku iredza nayo indaaka dza moho mkali. Siku iyo atu asiojali na ayi osi andaochwa dza mibuwa mifu. Andaphya tsetsetse dza mihi iphyavyo na moho mkali isisale hata muzi wala panda.

Luka 18:14

Alafu Jesu achiaambira, “Nakuambirani kpweli, hiye mtoza kodi waswamehewa dambize na achikubaliwa ni Mlungu. Ela kpwa yuya Mfarisayo taiyakala hivyo. Kpwa mana chila adzikpwezaye andatserezwa, na adzitserezaye andakpwezwa.”

2 Akorintho 10:17

Dza Maandiko ganavyoamba, “Anayedzikarya, naadzikarye kpwa gara gahendwago ni Bwana.”

2 Akorintho 10:5

Hukubananga maazo ga handzo na chila aina ya chikpwazo chinachohendesa atu asimmanye Mlungu. Tsona hukuchunguza kpwa undani chila azo rehu ili humuogophe Jesu katika maazo gehu gosi.

2 Athesalonike 1:10

Higa gandakala hipho siku Jesu ndiphokpwedza ili aphahe nguma kula kpwa atakatifue. Osi amukuluphirao andaona ajabu achiona vira arivyo. Na sio aho bahi, ela hata mwimwi muaminio ushuhuda wehu.

1 Petero 5:5

Namwi munaolongozwa, aogopheni vilongozi enu. Na mosi avyere na adide kalani atu a pole na a kuhumikira ayawenu, mana Maandiko ganaamba: “Mlungu anapinga anaodzikarya, na kuaonera mbazi a pole.”