Isaya 19:18 - Digo Bible

¹⁸ Wakati hinyo uchifika, atu a midzi mitsano hiko Misiri andagomba Chieburania na kuapa kukala andamuhumikira Mwenyezi Mlungu, Mlungu wa majeshi. Mudzi mmwenga kahi ya midzi iyo undaihwa “Mudzi wa Dzuwa.”

Isaya 19:18 Iomraidhean Croise

Mwandzo 11:1

Siku hizo duniani atu kala anagomba luga mwenga na maneno gao kala ni mamwenga.

Nehemia 10:29

agbwirana na ndugu zao ariokala vilongozi, achiapa kukala andalunga shariya ya Mlungu ariyoilavya kutsupira Musa mtumishi wa Mlungu, na kugbwira amuri zosi za Mwenyezi Mlungu wehu na malagizoge na hukumuze na kukala ichikala taandahenda vivyo aphahwe ni lana.

Zaburi 68:31

Shaba nairehwe kula Misiri, Kushi ahende wangbwi kumuunurira mikono Mlungu.

Isaya 11:11

Siku iyo Mwenyezi Mlungu andagolosa mkpwonowe aauyize hinyo atue achache ariosala. Atu ndiosala kula Ashuru, Misiri, Pathirosi, Kushi, Elamu, Shinari, Hamathi na kula visuwani na pwani za kure.

Isaya 14:1

Mwenyezi Mlungu andaaonera mbazi atu a chivyazi cha Jakobo na aatsambule tsona akale atue. Andaauyiza edze asagale kpwenye tsi yao na ajeni andakpwedza agbwirane nao asagale phamwenga.

Isaya 19:19

Wakati uho kundakala na phatu pha kumlavira Mwenyezi Mlungu sadaka pho kahi-kahi ya tsi ya Misiri na nguzo chiyotengbwa kpwa ajiliye himo miphakani.

Isaya 19:21

Mwenyezi Mlungu andadzionyesa kpwa Amisiri, nao andakubali mamlakage. Andalavya sadaka za kuochwa na sadaka zanjina. Andaika naziri kpwa Mwenyezi Mlungu na aziuse.

Isaya 2:11

Mutu wa shobo andahendwa anyenyekee, na atu a ngulu andatserezwa. Mwenyezi Mlungu macheye ndiye ndiyetogolwa siku hiyo.

Isaya 27:13

Alafu siku iyo kundapigbwa gunda kulu. Hinyo ambao kala anagaya hiko Ashuru na ariokala akatsamizwa kpwa lazima kuphiya Misiri andakpwedza amuabudu Mwenyezi Mlungu, dzulu ya mwango mtakatifu hiko Jerusalemu.

Isaya 65:16

Phahi iye ndiyevoya baraka, andazivoya kpwa Mlungu wa kpweli, na iye ndiyeapa andaapa kpwa Mlungu wa kpweli kpwa kukala zo tabu za pho mwandzo zindayalwa na tazipho tsona phangu matsoni.

Jeremia 12:16

Nao achidzifundza njira za atu angu na kuapa kpwa kuhadza dzina rangu, na kuamba, ‘Kpwa kpweli dza Mwenyezi Mlungu aishivyo,’ dza arivyodzifundza kuapa kpwa dzina ra Baali, vivyo ndivyoahenda imara kahi ya atu angu.

Zefania 3:9

Wakati uho nindaapha atu a mataifa luga swafi, ili akale achimuabudu Mwenyezi Mlungu, na kumuhumikira kpwa umwenga.

Zakariya 2:11

Siku iyo atu a tsi nyinji andakpwedza kpwa Mwenyezi Mlungu, nao andakala ni atue. Naye andasagala kahi yenu, namwi mundamanya kukala Mwenyezi Mlungu, Mlungu wa majeshi ndiye ariyenihuma.

Kumbukumbu 10:20

Muogopheni Mwenyezi Mlungu, Mlungu wenu na mumhumikire iye macheye, mkale aaminifu kpwakpwe na ichikala ni lazima muape, phahi apani kpwa dzinare bahi.