Isaya 17:8 - Digo Bible

⁸ Aho taandakuluphira tsona mwatu mwa kulavira sadaka wala mwatu mwa kufukizira uvumba taandakuluphira vizuka vya Ashera ambavyo adzitengezera enye na mikono yao.

Isaya 17:8 Iomraidhean Croise

2 Samueli 22:42

Aririra msada ela taphana ariyeativya, amririra Mwenyezi Mlungu, ela ye kayaajibu.

2 Nyakati 14:5

Chisha wausa kula kpwa midzi yosi ya Juda mwatu mwa dzulu mwa ibada na himo mwatu mwa kufukizira uvumba. Ndipho ufalume wa Asa uchikala na amani.

2 Nyakati 31:1

Phahi iyo sharee iriphosira, atu osi a Iziraeli aphiya chila mudzi wa Juda achendavundza-vundza zo nguzo zokala zichiabudiwa, achikata nguzo za Ashera na achibomola mwatumwe mwa dzulu mwa ibada na mwatu mwa kulavira sadaka. Afika hadi Benjamini, na Efuraimu, na piya Manase. Ariphomala kazi hiyo, ndipho chila mutu wa Iziraeli wauya kpwakpwe kaya kpwenye midzi yao.

2 Nyakati 34:4

Atue abomola mwatu mwa kulavira sadaka mabaali kuno ye analola. Chisha achivundza-vundza mwatu mwa kufukizira uvumba murimokala dzuluze. Piya watisatisa nguzo za Ashera za kutsonga na vizuka vya vyuma vyabundwa vichikala vumbi, chisha vichimwagbwa-mwagbwa dzulu ya mbira za hinyo arioviabudu.

Kutsama 34:13

Phahi kabomoleni mwatu mwao mwa kulavira sadaka, phamwenga na nguzo zao anazoziabudu na vizuka vyao vya mlungu wao mchetu aihwaye Ashera.

Isaya 1:29

Mana mundagbwirwa ni haya, kpwa kuabudu vizuka kpwenye mialoni mriyoimendza, mundagbwirwa ni waibu kpwa sababu ya kuabudu kpwenye minda mriyoitsambula.

Isaya 10:20

Siku ziredza ambapho Aiziraeli ariosala, yani atu a chivyazi cha Jakobo taandaadamira tsona taifa ririroatiya adabu. Ela andamkuluphira chikpweli-kpweli Mwenyezi Mlungu, Mtakatifu wa Iziraeli.

Isaya 17:9

Wakati hinyo midzi yao yozungulusirwa ngome indakala tsaka, dza mwatu ambamo mwarichwa wakati enyezie ariphoshindwa ni Aiziraeli namo mundakala wekee bila atu tsona.

Isaya 2:8

Tsi yao ikaodzala vizuka, anazama kusujudiya vitu arivyotengeza enye, vitu arivyotengeza na mikono yao.

Isaya 27:9

Kpwa njira ihi, uyi wa chivyazi cha Jakobo undatsuswa, vivi ndivyo dambize ndivyoswamehewa kabisa, andabananga-bananga mwatu mwa kulavira vizuka sadaka, na kusaga-saga mawe gosi ga mwatu himo hadi gakale chokaa, taphana viguzo vya Ashera au mwatu mwa kufukizira uvumba ndimosala.

Isaya 30:22

Alafu vizuka vyenu vya feza na zahabu mundaviona dza najisi na kuvitsupha dza mademu ga nongo.

Isaya 37:19

Atsupha milungu yao mohoni na kuibananga-bananga kpwa sababu kala siyo milungu ya kpweli, ela kala ni vizuka vya mihi na mawe vyotsongbwa ni anadamu.

Isaya 41:29

Lola, milungu yosi ni bure, kazi yao si chitu, vizuka vyao ni dza phepho tu.”

Isaya 44:15

Iye nkukata kuni kula muhi hinyo. Zanjina nkuziasa moho akaoha, na zanjina akaziochera mikahe. Chisha akatengeza chizuka na muhi hinyo-hinyo akachiabudu, nkutsonga chizuka na akachisujudiya.

Jeremia 17:2

Hata ana aho atambukira phatu pha kulavira sadaka vizuka vyao viihwavyo Ashera, kanda-kanda ya chila muhi muitsi na dzulu ya vidzango vire,

Ezekieli 36:25

Ndakutimvirani-timvirani madzi swafi ambago gandakuhendani mkale swafi kula kpwa vizuka vyenu na chila chitu chanjina chokuhendani mkale najisi.

Hosea 14:8

Mwimwi atu a Efuraimu, msikale na vizuka tsona, nindajibu mavoyo genu na nkumanyirireni. Mimi ni dza muhi wenye makodza maitsi, mimi ndiye ninayekuhendani muvyale matunda.”

Hosea 14:9

Mutu yeyesi ariye na ikima naaelewe, na hiye awezaye kutambuwa naamanye maneno gaga, mana njira za Mwenyezi Mlungu ni za haki, na enye haki andazilunga, ela aasi andakpwala agbwe mo njirani.

Zefania 1:3

anadamu, nyama, nyama a mapha na ngʼonda. Chila chimuhendacho mwanadamu kuhenda dambi, ndachiangamiza phamwenga na atu ayi. Nindaphyera anadamu osi duniani, mimi Mwenyezi Mlungu nkaamba.

Zakariya 13:2

Mwenyezi Mlungu, Mlungu wa majeshi anaamba, “Siku iyo, nindausa madzina ga vyo vizuka kula kahi za yo tsi, ili visitambukirwe tsona. Piya nindausa manabii gosi ga handzo genye roho mchafu.

Kumbukumbu 7:5

Ela kaahendereni hivi: Kabomoleni mwatu mwao mwa kulavira sadaka phamwenga na nguzo zao anazoziabudu na vizuka vyao vya mlungu wao mchetu aihwaye Ashera na muoche vizuka vyao vya kutsonga.