Isaya 15:2 - Digo Bible

² Atu a Diboni akaambuka kuphiya mwatu mwa dzulu mwa ibada kpwendarira Amoabu anaririra myango ya Nebo na Medeba. Osi akanyolwa viphala na kunyolwa vyeru vyao tsetsetse.

Isaya 15:2 Iomraidhean Croise

2 Samueli 10:4

Phahi Hanuni waahala nyo atumishi a Daudi, chila mutu achimnyola uphande mmwenga wa cheruche, nguwo zao achizikata kahi-kahi hadi mahakoni, chisha achiarichira aphiye vyao.

1 Nyakati 19:4

Phahi Hanuni waahala nyo atumishi a Daudi, achianyola vyeru vyao, nguwo zao achizikata kahi-kahi hadi mahakoni, chisha achiarichira aphiye vyao.

Ayubu 1:20

Phahi Ayubu waunuka, achikpwanyula vwazire na achinyola chitswache chisha achidzibwaga photsi achimuabudu Mlungu.

Isaya 14:31

Kotani kululu himo maryangoni! Rirani himo midzini! Afilisti mosi kakamani kpwa wuoga! Jeshi kulu riredza dza mosi munji kula vurini na tarina hata mutu mmwenga ambaye kaweza viha.

Isaya 15:3

Atu barabarani akavwala magunia, nao ario midzini anarira na kusononeka.

Isaya 16:12

Hinyo Amoabu anaphoambuka kuphiya phatu pha dzulu pha ibada anadziremweza. Anaphophiya mizukani kpwendavoya piya tavindaokola bii.

Isaya 16:7

Kpwa hivyo Amoabu osi andaririra tsi yao. Nao andarira kpwa sababu ya magande ga zabibu za kuuma za Kiri-Haresethi.

Isaya 22:12

Siku iyo Mwenyezi Mlungu, Mlungu wa Majeshi walavya amuri kukala atu arire na kukala na sonono, anyolwe viphala na kuvwala magunia.

Isaya 3:24

Badala ya kungu ya manukato, lovu ra kuola, badala ya mkanda, kowa, badala ya misongo minono, vitswa vindanyolwa viphala, badala ya nguwo nono, magunia na badala ya urembo, waibu.

Jeremia 3:21

Kululu zinasikirika dzulu ya myango, Aiziraeli anarira na kuvoya Mlungu kpwa sababu njira zao zikakala mbii, akamyala Mwenyezi Mlungu, Mlungu wao.

Jeremia 47:2

Mwenyezi Mlungu anaamba, “Lola, maadui garedza kula uphande wa vurini dza madzi manji, aho andakala dza muho uchiofurika. Gandabwiningiza yo tsi na vyosi virivyo mumo dza mafuriko, midzi na osi asagalao mumo. Atu andarira, na osi asagalao tsi iyo andarira kpwa utsungu.

Jeremia 47:5

Atu a Gaza akanyola vitswa vyao kpwa sonono, mudzi wa Ashikeloni ukaangamizwa. Mwi atu a Anakimu msereo, mundadzikata-kata hadi rini?

Jeremia 48:1

Kuhusu Moabu. Mwenyezi Mlungu, Mlungu wa majeshi, Mlungu wa Iziraeli anaamba, “Shaka hiro mwi atu a Nebo, mana mudzi uho ukabanangbwa! Mudzi wa Kiriathaimu ukatiywa waibu na kuhalwa mateka; ngome zindaphahwa ni waibu na kubomolwa.

Jeremia 48:18

Dzitserezeni, richani ko kudziunula kpwenu, na msagale photsi vumbini, mwi msagalao mudzi wa Diboni! Mana ye mʼbanangi wa Moabu akafika kukuvamiani na kubananga midzi yenu yenye ngome.

Jeremia 48:31

Kpwa hivyo nasononekera Moabu; naririra Moabu yosi; nasononekera atu a Kiri-Heresi.

Jeremia 48:35

Mwenyezi Mlungu anaamba, Nindakomesa, iye alavyaye sadaka mwatu mwa dzulu mwa ibada na kufukizira uvumba milunguye, ko Moabu.

Jeremia 49:3

Sononeka uwe Heshiboni, mana mudzi wa Ai ni gandzo! Rirani mwi atu a Raba! Vwalani nguwo za magunia, msononeke na mzole hiku na hiko mo muhalani! Mana mlungu wenu aihwaye Milikomu andatekpwa, phamwenga na alavyadzie-sadaka na vilongozie.

Jeremia 7:29

Atu a Jerusalemu, nyolani nyere zenu mzitsuphe, kuonyesa kukala muna sonono rirani dzulu za myango mana mimi Mwenyezi Mlungu nkakuremani mwimwi murio chivyazi chiricho sababisha tsukizi zangu.’

Ezekieli 27:31

Andadzinyola mabato mwao vitswani kpwa sababuyo na avwale nguwo za magunia. Andakuririra na utsungu mwao mioyoni na kukala na chiriro cha sonono.

Ezekieli 30:2

“Mwanadamu, lavya unabii na uambe, ‘Mwenyezi Mlungu anaamba hivi: Rira kpwa utsungu, kpwa ajili ya siku iyo!

Ezekieli 7:18

Andavwala nguwo za magunia kpwa sonono na akakame kpwa wuoga. Andanyolwa vitswa vyao na agbwirwe ni haya.

Alawi 13:40

“Napho mutu akahenda lilazi ra kogoni, iye ni swafi mana ana lilazi tu.

Alawi 21:5

Alavyadzi-sadaka asidzinyole mabato vitswani wala seemu za vyeru vyao wala kudzitsodza ndembo mwao mirini kpwa sababu ya chiriro.

Amosi 8:10

Nindagaluza sikukuu zenu zikale siku za chiriro, na mawira genu gosi gakale ga chiriro. Nindakuhendani mvwale nguwo za magunia, na chila chitswa chinyolwe chiphala. Siku iyo ndaihenda ikale ya chiriro dza cha mutu achiyefwererwa ni mwanawe wa macheye, na mwishirowe, indakala dza siku ya utsungu.”

Isabu 21:28

Mana kpwaaka moho kula Heshiboni, moho kula mudzi wa Sihoni. Uchiocha Ari, mudzi wa Moabu, na uchiangamiza vilongozi a vidzango vyokala kanda-kanda ya muho Arinoni.

Isabu 21:30

Ela vivi vivyazi vyenu vikaangamizwa, kula Heshiboni hadi Diboni, chisha hukaabananga osi kufikira Nofa na Medeba.”

Isabu 32:3

“Atarothi, Diboni, Jazeri, Nimura, Heshiboni, Eleale, Sebamu, Nebo na Beoni,

Isabu 32:38

Nebo na Baali-Meoni (madzina ga midzi ihi gagaluzwa), na Sibuma. Midzi ariyoidzenga tsona achiipha madzina.

Kumbukumbu 14:1

Musa waenderera kugomba achiamba, “Mwimwi mu ana a Mwenyezi Mlungu, Mlungu wenu; msidzitsodze wala kunyola chiphala lihosini kpwa ajili ya mutu achiyefwa.

Kumbukumbu 34:1

Phahi, Musa achiuka tsi ya Moabu, achiphiya mwango Nebo, achendapanda hadi dzulu ya chirere chiihwacho Pisiga, nao nyo mwango unalolana na Jeriko. Hipho Mwenyezi Mlungu achimuonyesa tsi yosi: kula Giliadi hadi Dani,