Isaya 14:12 - Digo Bible

¹² Lola, vyo uchivyogbwa kula mlunguni uwe mfalume wa Babeli, uwe nyenyezi kulu ya ligundzu, mwana wa kucha! Ukatsuphiwa tsini duniani, uwe uriyeteka mataifa ganjina!

Isaya 14:12 Iomraidhean Croise

Isaya 13:10

Nyenyezi zosi za mlunguni tazindangʼala tsona, dzuwa richituluka tarindangʼala na mwezi nao taundaala.

Isaya 34:4

Nyenyezi zosi mlunguni zindaangamika na mlungu undakundzwa dza jamvi. Chila chitu mlunguni chindagbwa dza makodza ga mzabibu chigonyala au ga mtini chigouma pho muhini.

Jeremia 50:23

Ikakaladze yo nyundo ya dunia ndzima kukatika na kuvundzika? Ikakaladze Babeli kukala gandzo kahi ya mataifa?

Jeremia 51:53

Hata dzagbwe Babeli inaweza kupanda hadi mlunguni; dzagbwe inaweza kuhenda ngomeze kukala imara nindaihumira abanangi, mimi Mwenyezi Mlungu nkaamba.

Sonono za Jeremia 2:1

Mwenyezi Mlungu, akabwiningiza Sayuni na ingu ra tsukizize! Nyo unono wa Iziraeli akautsupha kula mlunguni hadi duniani naye kakatambukira chihiche cha kuikira magulu siku ya tsukizize.

Ezekieli 26:17

Nao andakuimbira wira wa sonono na akuambe: Ikakaladze ukabanangika, uriyekala mtawala wa bahari uwe mudzi uriyetogolwa, uriyekala na uwezo ko baharini, uwe na nyo asagalao mumo waahenda asagalao pwani asumbwe ni miri.

Obadiya 1:4

Mana Mwenyezi Mlungu anaamba kukala, ‘Hata ukauruka dzulu sana dza kozi au ukaika midziyo kahi-kahi za nyenyezi chisha nindakutsereza vivyo.’ ”

Luka 10:18

Jesu achiaambira, “Námuona Shetani anagbwa kula mlunguni dza limeme.

2 Petero 1:19

Kpwa hivyo hunaamini zaidi maneno gotangazwa ni manabii na indakala vinono mchiphundzato. Maneno higo ni sawa na taa ilavyayo mwanga wakati wa jiza. Ela, dza viratu nyenyezi ya ligundzu ionyesavyo kukala ni siku yanjina, ndivyo Jesu naye andakpwedza angʼale mioyoni mwehu.

2 Petero 2:4

Hunatambukira kukala kpwakala na malaika ariohenda dambi, naye Mlungu kayaaricha. Waatsupha mohoni, ndani ya dibwa ra jiza ambamo waafunga silisili hadi siku ya chiyama.

Maono 2:28

Atu ndioshinda, nindaapha kombezi.

Maono 22:16

“Mimi Jesu, ndimi chivyazi chikulu cha Mfalume Daudi, na ndimi ningʼalaye dza kombezi. Mimi ndimi yehuma malaika wangu edze akuambireni mwimwi afuasi angu mambo higa garigo himu chitabuni.”

Maono 8:10

Malaika wa hahu naye wapiga gundare, na dzinyenyezi kulu sana ragbwa kula mlunguni. Kala rinaaka dza chimwindi, naro ragbwerera seemu mwenga ya hahu ya myuho, pula za madzi na mwatu mosi murimokala na madzi.

Maono 9:1

Yuya malaika wa tsano wapiga gundare, nchiona nyenyezi ikagbwa duniani kula dzulu. Nayo kala ikahewa funguwo ivugulayo dibwa riinjiraro kuzimu.