Isaya 13:6 - Digo Bible

⁶ Rirani mana wakati wa uamuli wa Mwenyezi Mlungu ukafika phephi. Uamuli uredza na uwezo wosi wa kuangamiza kula kpwa iye Mwenye Nguvu Zosi.

Isaya 13:6 Iomraidhean Croise

Ayubu 31:23

Mana naogopha mafwa kula kpwa Mlungu, na kpwa sababu ya ukuluwe sihendere hivyo.

Isaya 10:25

Jumwa na chisiku sindakutsukirwani, tsukizi zangu zindakuukirani ziagalukire aho ziangamize.”

Isaya 10:3

Siku iredza ambayo Mlungu andakutiya adabu kali, anajeshi kula tsi za kure andakpwedza akuvamie. Taphandakala na yeyesi wa kukuterya ndipholonda kuchimbira kutiywa adabu, wala taphandakala na phatu pha kufwitsa maliyo.

Isaya 13:9

Lola, siku ya Mwenyezi Mlungu iredza, siku ya tsukizi na usiru munji. Iye andaangamiza chila chitu kpwenye tsi na kubananga atu enye dambi.

Isaya 14:23

“Nndaihenda ikale makalo ga vinungumariya na madzi-madzi dza bura. Ndaiphyera na lihago ra kubananga chila chitu,” Mwenyezi Mlungu, Mlungu wa majeshi anaamba.

Isaya 14:31

Kotani kululu himo maryangoni! Rirani himo midzini! Afilisti mosi kakamani kpwa wuoga! Jeshi kulu riredza dza mosi munji kula vurini na tarina hata mutu mmwenga ambaye kaweza viha.

Isaya 2:12

Mana kundakala na siku ya Mwenyezi Mlungu, Mlungu wa majeshi chinyume cha atu enye ngulu na kudziunula na chinyume cha vyosi chivyounuka,

Isaya 23:1

Hino ni ruwiya kuhusu Tiro: Rirani mwi enye meli za Tarishishi! Mana mudzi wa Tiro ukaangamizwa ukasala bila nyumba wala bandari. Habari hizi zamanyikana kula Kupuro.

Isaya 34:2

Mwenyezi Mlungu akatsukizwa sana ni mataifa na majeshi gao. Akaamua kukala ni gaolagbwe tsetsetse.

Isaya 34:8

Mana Mwenyezi Mlungu ana wakatiwe wa kuriphiza chisasi. Wakati ambapho andaakanira atu a mudzi wa Sayuni chinyume cha atu a tsi ya Edomu na mataifa ganjina.

Isaya 47:11

Kpwa sababu iyo undaphahwa ni mafwa, nawe kundamanya ugausedze. Undaphaha hasara ambayo kundaweza kuyiepuka. Na ubanangi undakpwedzera gafula, ambao uwe kuutarajiya.

Isaya 52:5

Mwenyezi Mlungu anaamba, ‘Kuna fwaida yani atu angu achihalwa mateka tsona? Aho aatawalao anaabera,’ na anaenderera kulaphiza dzina rangu mutsi wosi.

Isaya 61:2

Akanihuma niutangaze mwaka ambao Mwenyezi Mlungu andaonyesa mbazize, na siku ambayo Mlungu wehu andariphiza chisasi, na kuaphoza marenda osi asononekao.

Isaya 63:4

Mana yo siku ya kuriphiza kala i moyoni mwangu, na mwaka wa kukombola atu ukafika.

Isaya 65:14

Atumishi angu andaimba kpwa kuhererwa mwao mioyoni, ela mwimwi mundarira kpwa utsungu wa mioyo, mundapiga hofwi kpwa utsungu wa mioyo.

Jeremia 25:34

Rirani na mmwagikpwe ni matsozi mwi arisa, lalani ivuni mwi vilongozi a cho chaa. Mana nyo wakati wa kutsindzwa ukafika mundagbwa na mvundzike-vundzike dza nyungu nono.

Jeremia 49:3

Sononeka uwe Heshiboni, mana mudzi wa Ai ni gandzo! Rirani mwi atu a Raba! Vwalani nguwo za magunia, msononeke na mzole hiku na hiko mo muhalani! Mana mlungu wenu aihwaye Milikomu andatekpwa, phamwenga na alavyadzie-sadaka na vilongozie.

Jeremia 51:8

Babeli ikagbwa gafula na ikavundzika. Iririreni! Kaiendzereni dawa ya mavune, mendzerepho andaphozwa.

Ezekieli 13:5

Tamudzangbwepanda kpwendarekebisha myanya ya ukuta wa kurinda atu a Iziraeli ili uweze kuvumirira viha siku ya Mwenyezi Mlungu.

Ezekieli 21:12

We mwanadamu, kota kululu urire kpwa utsungu mana upanga u chinyume cha atu angu chinyume cha vilongozi osi a Iziraeli. Akalaviwa aolagbwe na upanga phamwenga na atu angu, kpwa hivyo dzihike mikono ya chitswa kpwa kuangalala.

Danieli 5:26

Mana ya maandishi ni hino: MENE, Mlungu akaolanga siku za utawalao na kuzikomesa.

Danieli 5:9

Ndipho mfalume Belishaza waogopha zaidi hadi usowe uchizidi kubadilika. Na vilongozie achiinjirwa ni wasiwasi.

Joeli 1:11

Mwi akurima, kuluhukpwani! Mwi mroromao mizabibu kotani kululu mrire sononekani, kpwa ajili ya nganu na shayiri, mana mavuno ko mindani gakabanangbwa-banangbwa.

Joeli 1:13

Mwi alavyadzi-sadaka, vwalani magunia, kotani kululu mwimwi muhendao kazi phatu pha kulavira sadaka. Ndzoni mchese kuno mkavwala magunia mwi ahumwa a Mlungu wangu! Mana takuna arehaye tsona sadaka za mtsere wala za chinwadzi nyumbani mwa Mlungu wenu.

Joeli 1:15

Siku ya Mwenyezi Mlungu indakala ya kutisha nayo i phephi, nayo indakpwedza na ubanangi kula kpwa Mwenye Nguvu Zosi.

Joeli 1:5

Lamukani mwi alevi mrire, kotani kululu mwi mmendzao kunwa uchi muphya wa zabibu mana tamundaunwa tsona.

Joeli 2:1

Pigani gunda ko Sayuni; kotani kululu dzulu ya mwango wangu mtakatifu. Osi asagalao tsi ya Juda naakakame mana siku ya Mwenyezi Mlungu iredza nayo i phephi.

Joeli 2:11

Mwenyezi Mlungu analongoza jeshire na mngurumo. Majeshige galungago malagizoge gana nguvu na tagaolangika. Iyo siku ya Mwenyezi Mlungu ni kulu tsona ya kutisha. Ni ani awezaye kuivumirira?

Joeli 2:31

Dzuwa rindagbwirwa rikale jiza na mwezi nao undagbwirwa ukale kundu dza mlatso, kabila siku kulu na ya kutisha ya Mwenyezi Mlungu kufika.

Amosi 5:18

Shauri yenu mwimwi muazao siku ambayo Mwenyezi Mlungu andaamula mataifa! Kpwa utu wani munaaza siku ya Mwenyezi Mlungu? Siku iyo indakala ya jiza si ya mwanga.

Zefania 1:14

Siku kulu ya Mwenyezi Mlungu i phephi, na iredza wangbwi sana. Indakala siku ya utsungu munji hata masujaa enye, andarira.

Zefania 1:7

Nyamalani mbere za Mwenyezi Mlungu, kpwa kukala siku ya Mwenyezi Mlungu i phephi. Mwenyezi Mlungu akatayarisha sadaka na arioaalika akaatakasa.

Zakariya 14:1

Phunguza, siku ya Mwenyezi Mlungu iredza uwe Jerusalemu, ambapho vituvyo virivyohalwa zewe vindaganywa kuno unalola.

Malaki 4:5

Lolani nindamhuma nabii Elija edze kpwenu kabila ya iyo siku ya Mwenyezi Mlungu kpwedza. Siku iyo indakala kulu na ya kuogofya.

Jakobo 5:1

Sambi phundzani mwi matajiri, nakuambirani, rirani na mjute sana kpwa sababu ya mashaka ndigokuphahani!

Maono 18:10

Aho afalume andaima kure na nyo mudzi kpwa kuogopha go mateso. Nao andarira aambe, “Shaka rani ro, shaka rani ro, uwe mudzi mkpwulu, Babeli, mudzi urio na nguvu! Mana uamulio ukakufikira nawe kutiywa adabu muda wa dzisaa dzimwenga bahi.”