Isaya 13:22 - Digo Bible

²² Mafisi gandarira mo mwenye minara ya urindzi na makala kusagala mumo mwenye madzumba manono-manono ga chitajiri. Wakatiwe u phephi na sikuze tazindaenjerezwa.”

Isaya 13:22 Iomraidhean Croise

Zaburi 44:19

Ela ukahuricha tahudziweza kahi za mabawa, ukahubwiningiza na chilungulungu cha jiza.

Isaya 14:23

“Nndaihenda ikale makalo ga vinungumariya na madzi-madzi dza bura. Ndaiphyera na lihago ra kubananga chila chitu,” Mwenyezi Mlungu, Mlungu wa majeshi anaamba.

Isaya 25:2

Kpwa sababu mudzi ukauhenda tsumbi ya vifusi, mudzi wenye ngome ukauhenda ukale gandzo. Phatu ambapho kala ni ngome ya ajeni, sio mudzi tsona wala taundadzengbwa tsona.

Isaya 32:14

Dzumba ra mfalume rindarichwa wekee bila atu mudzi uriokala ukaodzala atu undakala wekee. Minara ya urindzi indakala magandzo ta kare na kare na ikale uwanja wa mvumbo za maforo na weru wa kurisa mangʼondzi.

Isaya 34:13

Madzumbage ga afalume na ngomeze zindaodzala miya. Diya-mbewa na mbuni ndio ndiosagala himo.

Isaya 34:14

Nyama a tsakani andaindza phamwenga na fisi, mbuzi a weruni andaihana. Nyama a usiku andakpwedza kuko nao andaphaha phatu pha kuoya.

Isaya 35:7

Tsi ichiyokola dzuwa indakala ziya ra madzi, mtsanga uchiouma kpwa kukosa mvula undagota vidzuho vya madzi. Hiko kusagalako diya-mbewa magugu manji gandamera.

Isaya 43:20

Nyama a tsakani andaniishimu, makala na mbuni andaniishimu, mana nikaapha madzi weruni na myuho ko jangbwani, ili nianwese atu angu nrioatsambula,

Jeremia 48:16

Shaka ra Moabu rikafika kugayakpwe kuredza mairo sana.

Jeremia 51:33

Mana Mwenyezi Mlungu, Mlungu wa majeshi, Mlungu wa Iziraeli, anaamba, Ye msichana wa Babeli ni dza phatu pha kuwagira wakati phana kuvyogbwa-vyogbwa, wakati wa kuvunwakpwe ukafika.”

Jeremia 9:11

Nindahenda Jerusalemu ikale tsumbi ya dzala na pango ra makala, tsona ndahenda midzi ya Juda iangamizwe hata kusisagale mutu.

Sonono za Jeremia 4:3

Hata makala nkulavya nyaho kuamwisa ana ao, ela atu angu akakala majaili, dza mbuni ko jangbwani.

Mika 1:8

Chisha Mika achiamba, “Kpwa sababu hino ndasononeka na nrire, nindanyendeka chitsaha tsona bila virahu. Nindapheka dza bawa, na kurira dza chimburu.

Habakuki 2:3

Ruwiya hizi zindatimiya kpwa wakatiwe, tsona gandahendeka upesi mana sigo ga handzo. Hata gachioneka kala ganachelewa, gagodzere mana ni gatimiye, tagandachelewa.

Zefania 2:14

Mifugo ya chila aina indakala mumo na chila aina ya nyama a tsakani. Vimburu vindalala dzulu ya magandzoge, vindarira mo madirishani. Makunguru gandarira vizingitini. Mapambo ga mierezi gandarichwa phereru.

Kumbukumbu 32:35

Ni kazi yangu kuriphiza chisasi, ndariphiza, wakati magulu gao ndiphoereza; mana siku ya janga rao ikafika phephi kubanangbwa kpwao kundafika upesi.

2 Petero 2:3

Alimu aha a handzo ana ndani kulu, nao andakuchengani-chengani na adisi za handzo ili aphahe pesa zenu. Ela hangu kare Mlungu a tayari kuaamula, nao bila shaka andaangamizwa.