Isaya 13:20 - Digo Bible

²⁰ Tamundakala tsona na atu, tamundasagalwa chivyazi hadi chivyazi. Takuna Mwarabu ndiyechita hemare wala mrisa ndiyetindizha mifugoye.

Isaya 13:20 Iomraidhean Croise

2 Nyakati 17:11

Afilisti anjina amrehera Jehoshafati zawadi na feza ya kodi. Aarabu nao piya amrehera maturume elufu sabaa na magana sabaa na ndenje elufu sabaa na magana sabaa.

Ayubu 3:7

Usiku uho naukale tasa na kusikirike chitseko cha furaha kula mo mwakpwe.

Wira wa Selemani 1:7

Niambira uwe wangu wa moyoni, go mangʼondzigo undagarisaphi rero? Undagatindizha kuphi dzuwa ra mutsi? Niambira sedze nkaonekana kuyeya kahi za arisa ayao.

Isaya 14:23

“Nndaihenda ikale makalo ga vinungumariya na madzi-madzi dza bura. Ndaiphyera na lihago ra kubananga chila chitu,” Mwenyezi Mlungu, Mlungu wa majeshi anaamba.

Isaya 21:1

Huno ni ujumbe kuhusu jangbwa ririro kanda-kanda ya bahari: Dza viratu chikulukulu chipigavyo kula mwakani, ndivyo mvamizi ndivyokpwedza kula tsi iogofyayo.

Isaya 25:2

Kpwa sababu mudzi ukauhenda tsumbi ya vifusi, mudzi wenye ngome ukauhenda ukale gandzo. Phatu ambapho kala ni ngome ya ajeni, sio mudzi tsona wala taundadzengbwa tsona.

Isaya 34:17

Mwenyezi Mlungu ndiye chiyeapha tsi ya Edomu, akaaganyira mwenye tsi hiyo. Edomu indakala mali yao hata kare na kare nao andasagala himo chivyazi bada ya chivyazi.

Jeremia 49:33

Hazori indakala makalo ga makala, gandzo ra kare na kare, Taphana mutu ndiyeishi kuko, taphana mutu ndiye sagala mumo.”

Jeremia 50:13

Kpwa sababu ya tsukizi za Mwenyezi Mlungu, Babeli takundakalika, ela kundakala gandzo tsetsetse. Chila atsupiraye na kuko andaangalala na kuuzemerera, kpwa go mapigoge gosi.

Jeremia 50:21

Vamiani yo tsi ya Merathaimu na atu asagalao Pekodi. Aendzeni muaolage na muaangamize tsetsetse, mimi Mwenyezi Mlungu nkaamba. Hendani kama nchivyokulagizani.

Jeremia 50:3

“Mana taifa kula vurini rikedza kupigana naye, ambaro rindabananga tsiiye tsetsetse. Takuna ndiye sagala mumo, anadamu na nyama andachimbira.

Jeremia 50:39

“Kpwa hivyo nyama a tsakani andaishi na mafisi ko Babeli na vimburu vindaishi kuko. Takuna mutu ndiye sagala mumo tsona, wala taindasagalwa ta kare na kare.

Jeremia 50:45

Kpwa hivyo phundza vira mimi Mwenyezi Mlungu nchivyopangira Babeli na nchivyopanga kuahendera atu asagalao tsi ya Kalidayo. Hata nyo ana a yo mifugo andagurutwa, iye andabananga marisa kpwa sababu yao.

Jeremia 51:25

Lola, ni chinyumecho, uwe mwango wa kubananga ubanangaye dunia yosi, mimi Mwenyezi Mlungu nkaamba. Nindagolosa mkpwono wangu nikupige, nikupingilise kula gambani nami ndakuhenda mwango urioochwa.

Jeremia 51:29

Tsi inakakama na kusumba kpwa utsungu, mana lengo ra Mwenyezi Mlungu kuhusu Babeli richerepho ra kuihenda tsi ya Babeli kukala gandzo, tuphu bila ya atu.

Jeremia 51:37

Babeli indakala gandzo, makalo ga makala, utu wa kuangalaza na wa kuberwa, phatu phasiphosagala mutu.

Jeremia 51:43

Midziye indakala gandzo, tsi kavu na jangbwa, tsi isiyosagalwa ni mutu, tsi ambayo takuna ndiyeitsupira.