Isaya 10:8 - Digo Bible

⁸ Mfalume wa Ashuru anaamba, “Akulu a majeshi gangu ni afalume.

Isaya 10:8 Iomraidhean Croise

2 Afalume 18:24

Kundaweza kuturya hata ofisaa wa tsini wa bwana wangu, hata ukaikuluphira Misiri kpwa magari ga kuvwehwa ni farasi na aphirikie.

2 Afalume 19:10

“Kamuambire Hezekiya mfalume wa Juda, ‘Usichengbwe ni ye Mlunguo unayemkuluphira akuambaye kukala mudzi wa Jerusalemu taundatiywa mikononi mwa mfalume wa Ashuru.’

Ayubu 24:23

Iye nkuahenda anaomuadamira akale salama, ela matsoge ganalola njira zao.

Isaya 10:7

Ela hiri siro arilondaro bahi, siro arironaro achilini lengore ni kubananga, yani kuangamiza mataifa ganjina manji.

Isaya 10:9

Akateka kare midzi ya Kalino, Karikemishi, Hamathi, Aripadi, Samariya na Damasikasi.

Isaya 36:8

“Ndzo upatane na bwana wangu, mfalume wa Ashuru, nami ndakupha farasi elufu mbiri napho undaweza kuphaha aphirikie.

Jeremia 9:23

Mwenyezi Mlungu anaamba, “Mutu ariye na ikima naasidzikarye kpwa ikimaye, na mwenye mkpwotse naasidzikarye kpwa mkpwotsewe na tajiri naye naasidzikarye kpwa utajiriwe.

Ezekieli 26:7

“Mana Mwenyezi Mlungu anaamba hivi: We Tiro, ni phephi kukurehera Nebukadineza, mfalume wa Babeli, mfalume mkpwulu kula uphande wa vurini na farasi, magari ga kuvwehwa ni farasi, apandadzi-farasi na anajeshi anji.

Ezekieli 31:5

Phahi wakala mure kuriko mihi yosi ya tsakani; pandaze zichikula zichikala kulu na ndziho pandaze zichikala nyire kpwa sababu miziye kala inanwa madzi manji.

Danieli 2:37

Ee mfalume, uwe u mfalume wa afalume uriyehewa ufalume, uwezo, nguvu na nguma ni Mlungu wa mlunguni.

Hosea 8:10

Dzagbwe adziguza kpwa mataifa ganjina ili aphahe msada vivi nindaakusanya phamwenga. Nao andaandza kuphunguka kpwa kuonerwa ni mfalume mkpwulu.