Isaya 10:34 - Digo Bible

³⁴ Mwenyezi Mlungu andatema mihi ya tsaka kuhumira mbadzo na mihi mire ya Lebanoni indabwagbwa.

Isaya 10:34 Iomraidhean Croise

Zaburi 103:20

Mtogoleni Mwenyezi Mlungu, mwimwi malaikae! Muna uwezo mkpwulu, namwi munalunga malagizoge na kuphundza gara agombago.

Isaya 10:18

Mwenyezi Mlungu andabananga matsaka makulu ga tsi hiyo, na mindaye ya mtsanga mnono indakala avi ni mutu achiyeonda kpwa ukongo.

Isaya 2:13

chinyume cha mierezi yosi ya Lebanoni iriyo mire na iriyogoloka, na chinyume cha mihi yosi ya mialoni iriyo Bashani,

Isaya 31:8

Aashuru andaolagbwa ela si kpwa panga za atu. Aho andajeza kuchimbira upanga na barobaro aho andagbwirwa alazimishwe kukala atumwa.

Isaya 33:9

Minda taimera chitu mana yauma, mwango Lebanoni ukagbwirwa ni waibu mana mihiye ikanyala. Seemu ya tsi ya kugbwa iriyo na rutuba, yiihwayo Sharoni ikakala jangbwa. Mihi ya tsi ya kugbwa iihwayo Bashani na tsaka ra mwango Karimeli rinakuta makodza.

Isaya 37:24

Kutsupira atumishio, ukamʼbera Mwenyezi Mlungu, uwe ukaamba, “Kpwa magari gangu manji ga kuvwehwa ni farasi nikakpwera dzulu ya virere vya myangoni, hadi ndani ya Lebanoni. Nami nikatema mierezi mire-mire, na misonobariye minono-minono. Nikainjira hata seemuze za ndani-ndani, kpwenye tsakare ririro gigigi mihi.

Isaya 37:36

Phahi, malaika wa Mwenyezi Mlungu wamenya ndani ya kambi ya Aashuru usiku uho na kuolaga atu elufu gana mwenga na mirongo minane na tsano. Ligundzure, wakati atu aripholamuka, aona kambi ikagota nyufu za hinyo achioolagbwa.

Jeremia 22:7

Nindakuikira atu ndio kuangamiza, chila mmwenga andakala na silahaye, nao andatema nguzo za miereziyo minono-minono, na azitsuphe mohoni.

Jeremia 48:2

Tsi ya Moabu taindatogolwa tsona. Ko Heshiboni atu andaipangira njama mbii aambe, ‘Ndzoni hurikomese ro taifa!’ Mwi a koma namwi mundaolagbwa, upanga undakulungani.

Ezekieli 31:3

Lola, Ashuru yakala dza muerezi ko mwango wa Lebanoni, urio na panda nono na chivurivuri chichofwinika tsaka, urio na chimo chire, na chirereche chinaguta maingu.

Danieli 4:23

Chisha uwe mfalume waona mrindzi, mtakatifu, aredza kula mlunguni na kuamba, ‘Ukateni nyo muhi muubwage na muubanange-banange, ela cho chisichi msichingʼole, chiricheni pho vuweni kuno chikafungbwa silisili ya chuma na shaba. Mutu hiyu naalwame manena ga mlunguni na aishi na nyama a tsakani hadi miaka sabaa isire.’

Nahumu 1:12

Mwenyezi Mlungu anaamba hivi, “Dzagbwe Aashuru ana nguvu na ni anji, andaangamizwa tsetsetse. Dzagbwe nákuhendani mgaye, sindakugayisani tsona.

2 Athesalonike 1:7

Tsona andakuoyezani na shida zenu, na zehu piya. Higa gandahendeka wakati Bwana Jesu ndiphola mlunguni phamwenga na malaikae a nguvu.

2 Petero 2:11

Hata malaika ario na uwezo zaidi kuriko atu, taalaphiza wala kulavya mashitaka kuhusu viumbe hivyo mbere za Mlungu.

Maono 10:1

Gariphosira higo, náona malaika wanjina wa uwezo anatserera kula mlunguni. Hiye malaika kala akazungulukpwa ni ingu na dzulu ya chitswache kala phana likore. Usowe kala unangʼala dza dzuwa, na maguluge kala ni dza nguzo ziakazo moho.

Maono 18:21

Chisha phachituluka malaika wa mkpwotse, achitsola dziwe dza lala kulu, achiritsupha mo baharini, achiamba, “Hinyo mudzi mkpwulu wa Babeli undatserera ugbwe na msindo dza vivi, na taundaonekana tsona.