Isaya 10:33 - Digo Bible

³³ Mwenyezi Mlungu, Mlungu wa majeshi kpwa nguvuze andahenda maadui gagbwe dza panda za muhi chizokatwa. Hinyo akulu zaidi anaodzikutula andatserezwa.

Isaya 10:33 Iomraidhean Croise

2 Nyakati 32:21

Ndipho Mwenyezi Mlungu achihuma malaika ambaye wakpwendaolaga masujaa osi, akulu osi a jeshi na maofisaa osi hiko kambini kpwa mfalume wa Ashuru. Senakeribu wauya Ashuru na waibu. Naye siku ariphomenya nyumba ya mlunguwe, ana a kuavyala mwenye achimuolaga kpwa upanga.

Isaya 18:5

Mana kabila ya mavuno, bada ya kukala maruwa gakaricha kubumula hadi wakati zabibu zikaandza kuphera, andakpwedza akate panda zitsephulavyo na phanga ra kutsatsurira na akate panda zisizo matunda.

Isaya 32:19

Dzagbwe mvula ya mawe indanya na kubwaga mihi yosi ya tsakani na mudzi ubanangbwe tsetsetse.

Isaya 33:3

Unaphonguruma mataifa ganjina nkuchimbira unaphoonyesa urivyo mkpwulu mataifa nkutsamukana.

Isaya 37:38

Siku mwenga wakati Senakeribu ariphokala anaabudu ndani ya nyumba ya Nisiroki mlunguwe, anae airi, Adirameleki na Sharezeri amuolaga kpwa upanga, halafu achimbira achiphiya tsi ya Ararati. Halafu mwanawe Esarihadoni achitawala badalaye.

Isaya 5:15

Atu andatserezwa na enye ngulu andahendwa anyenyekee.

Jeremia 22:7

Nindakuikira atu ndio kuangamiza, chila mmwenga andakala na silahaye, nao andatema nguzo za miereziyo minono-minono, na azitsuphe mohoni.

Ezekieli 31:3

Lola, Ashuru yakala dza muerezi ko mwango wa Lebanoni, urio na panda nono na chivurivuri chichofwinika tsaka, urio na chimo chire, na chirereche chinaguta maingu.

Danieli 4:37

Vivi mimi Nebukadineza namtogola, namuunula na kumuishimu mfalume wa mlunguni, mana kazize zi sawa na njiraze ni za haki, na nyo adziunulao iye anaweza kuatsereza.

Amosi 2:9

Dzagbwe náangamiza Aamori tsetsetse kpwa sababu yenu, ambao vimo vyao kala ni dza mierezi, na enye mkpwotse dza mialoni.

Nahumu 1:12

Mwenyezi Mlungu anaamba hivi, “Dzagbwe Aashuru ana nguvu na ni anji, andaangamizwa tsetsetse. Dzagbwe nákuhendani mgaye, sindakugayisani tsona.

Luka 14:11

Mana mutu yeyesi ndiyedzihenda muhimu, andatserezwa, na ndiyedzitsereza, andahendwa muhimu.”