Isaya 10:3 - Digo Bible

³ Siku iredza ambayo Mlungu andakutiya adabu kali, anajeshi kula tsi za kure andakpwedza akuvamie. Taphandakala na yeyesi wa kukuterya ndipholonda kuchimbira kutiywa adabu, wala taphandakala na phatu pha kufwitsa maliyo.

Isaya 10:3 Iomraidhean Croise

Mwandzo 31:1

Siku mwenga Jakobo wasikira ana alume a Labani ananungʼunika, anaamba, “Jakobo wahala mali yosi ya baba, wadzitajirisha na mali ya baba.”

2 Afalume 7:15

Atu hinyo aphiya hadi muho Joridani na himo njirani mosi kala mtele nguwo na miyo yanjina yotsuphiwa ni Aaramu kpwa hata aweze kuzola upesi. Hipho, ahumwa auya achedzammanyisa mfalume.

Ayubu 31:14

mino ndahendadze Mlungu ndiphoniunukira? Ndiphoniuza nindamuambadze?

Misemo 11:4

Mali taziokola siku ya uamuli, ela haki inaokola na chifo.

Isaya 13:6

Rirani mana wakati wa uamuli wa Mwenyezi Mlungu ukafika phephi. Uamuli uredza na uwezo wosi wa kuangamiza kula kpwa iye Mwenye Nguvu Zosi.

Isaya 17:4

“Siku iyo nguma ya Jakobo indaphunguka dza mutu mziho aondavyo akasala mifupha.

Isaya 20:6

Wakati hinyo, hinyo asagalao pwani hino andaamba, ‘Lola, chigoafika hinyo hurioakuluphira, atu huriochimbirira ili huphahe kuterywa kula mikononi mwa mfalume wa Ashuru! Swino hundativywa ni ani?’ ”

Isaya 26:14

Aho afwa na taandafufuka tsona, mana uwe waangamiza kpwenye uamulio nao andayalwa tsetsetse.

Isaya 26:21

Kpwa mana, Mwenyezi Mlungu aredza kula phatuphe ili aatiye adabu asagalao duniani kpwa sababu ya uyi wao. Tsi nayo indaatuluza atu osi arioolagbwa, na taindaafwitsa tsona.

Isaya 28:20

Mundakala avi mu atu achiodziambalaza kpwenye chidzitanda chidide, na kudzibwiningiza shuka ndide ambayo taigota.

Isaya 29:6

Mwenyezi Mlungu, Mlungu wa majeshi andakpwedza na chiguruguru, msumbo wa dunia na hoyo dzinji na chikulukulu, phuto na moho uochao.

Isaya 30:16

Badaye mwimwi mwaamba, “Hata! Swino hundazola na farasi azolao mairo.” Ni kpweli mundazola ela hinyo anaokuzoresani andakala na mairo zaidi.

Isaya 30:5

chila mutu andatiywa waibu kpwa sababu atu a Misiri taaweza kutivya bii. Taana msada wala fwaida, ela waibu.”

Isaya 30:7

taifa ra Misiri ambaro msadawe taufwaha rorosi. Ndiyo mana Misiri nkayiiha Rahabu anayedzisagarira tu.

Isaya 33:14

Enye dambi ario mwango Sayuni anakakama kpwa wuoga, nao anauza, “Hundasagaladze phatu pharipho na moho mkali, moho usioricha kuaka?”

Isaya 39:3

Ndipho nabii Isaya achiphiya kpwa mfalume Hezekiya achendamuuza, “Hara atu akaambadze? Nyo enye alaphi?” Hezekiya wamjibu achiamba, “Ala kure, hiko tsi ya Babeli.”

Isaya 5:14

Kpwa hivyo kuzimu kukaenjereza hamuye na kufwenula kanwaye zaidi. Enye vyeo a Jerusalemu na umatiwe wosi undatserera mumo. Phamwenga na amendzao kulumba na amendzao kuhenda sharee.

Isaya 5:26

Andalavya ishara kpwa mataifa ga kure, agapigire milozi kula pembe za dunia. Na hinyo aredza na wangbwi na upesi sana.

Jeremia 22:7

Nindakuikira atu ndio kuangamiza, chila mmwenga andakala na silahaye, nao andatema nguzo za miereziyo minono-minono, na azitsuphe mohoni.

Jeremia 4:30

Nawe, uwe ambaye undabanangbwa, kpwa utu wani unadzivwika nguwo za kundu, na kudzipamba na mapambo ga zahabu, na kuhenda matsogo gakale makulu kpwa kudzipaka wanda? Unadzipamba bure azembeo anakubera anaindza uhaio.

Jeremia 5:31

manabii anatabiri handzo, na alavyadzi-sadaka analongoza kpwa mamlaka gao enye. Na atu angu anamendza ikale vivyo, ela mundahendadze siku ya mwisho ichifika?

Jeremia 9:9

Dze, nisiatiye adabu kpwa sababu ya mambo higa? Dze, nisiriphize chisasi taifa dza hiri? Mimi Mwenyezi Mlungu nkaamba.

Hosea 5:13

Aefuraimu ariphoona ukongo wao, na atu a Juda ariphoona vironda vyao, Aefuraimu aphiya tsi ya Ashuru, achendavoya msada kula kpwa mfalume mkpwulu. Ela iye kaweza kukulagulani, wala kukuphozani vironda vyenu.

Hosea 9:5

Mundahendadze siku ya sikukuu zirizopangbwa? Mundahendadze yo siku ya sikukuu iriyopangbwa ni Mwenyezi Mlungu?

Hosea 9:7

Siku za kutiywa adabu zikatimu, siku za kuvuna urichophanda ikafika. Aiziraeli naagamanye gago. Nabii munamuona ni mzuzu, na mutu alongozwaye ni roho munamuamba ana koma. Kpwa sababu ya dambi zenu nyinji mkummena sana.

Amosi 5:19

Ni dza mutu achimbiraye simba, akakutana na dubu. Ama mutu ainjiraye nyumbani akajejemeza mkpwonowe ukutani, na akaondzwa ni nyoka.

Mika 7:4

Hiye ariye mnono kahi yao ni dza muhi wa miya, na ye aambwaye ana chadi cha kuhenda garigo sawa ni mui kuriko chitsaka cha miya. Wakati wa kutiywa adabu ukafika, wakati uriohadzwa ni arindzio, yani manabii, vivi nyo atu a phephi na kutatizika.

Zefania 1:18

Siku iyo ya tsukizi za Mwenyezi Mlungu, feza na zahabu zao tazindaweza kuaokola. Tsi yosi indaochwa na moho wa wivuwe. Osi asagalao mumo andaangamizwa gafula.

Luka 19:44

Andakuolagani na kubomola mudzi wenu kabisa. Taandaricha hata dziwe mwenga dzulu ya ranjina, kpwa kukala tamyamanya wakati wa Mlungu kpwedzakuokolani!”

Kumbukumbu 28:49

“Mwenyezi Mlungu andareha taifa kula kure rikushambuliye. Rindakpwedza kula pembe za dunia, na mwendo wa kasi dza kozi, taifa ambaro kurimanya lugaye.

1 Petero 2:12

Kalani na ndzimo nono ili hata ichikala atu asiomkuluphira Mlungu andakuzigani kukala mu ayi, aone mahendo genu manono hata aweze kumtogola Mlungu kpwa ajili yenu hipho siku ya kpwedzakpwe.