Isaya 10:27 - Digo Bible

²⁷ Siku iyo Mwenyezi Mlungu andaaoyeza atue na utumwa. Gogolo ra Ashuru ririro mwako singoni rindavundzwa na kuuswa.

Isaya 10:27 Iomraidhean Croise

2 Samueli 1:21

Mwino myango ya Giliboa, dzulu yenu kusikalepho manena wala mvula, wala minda ivyalayo chitu. Mana kuko ngao za masujaa zatiywa najisi, ngao ya Sauli, taindapakpwa mafuha tsona.

Zaburi 105:15

Waamba, “Msigute apakpwa mafuha angu, wala msiahende mai manabii angu.”

Zaburi 132:10

Na kpwa ajili ya Daudi, mtumishio, usimreme ye mtumishio yemmwagira mafuha.

Zaburi 2:6

“Mimi nkatawaza Mfalume nriyemtsambula, anatawala kula Sayuni, mwango wangu mtakatifu!”

Zaburi 20:6

Sambi ninamanya Mwenyezi Mlungu nkumterya mmwagirwa mafuhawe, andamjibu kula phatuphe phatakatifu kuko Mlunguni na kumupha ushindi mkpwulu kpwa uwezo wa mkpwonowe wa kulume.

Zaburi 45:7

Uwe unamendza gara garigo manono, na kuzira gosi garigo mai. Kpwa hivyo Mlungu, Mlunguo, akakumwagira mafuha, ga kukuhenda uhamirwe kpwa kukuhenda mkpwulu kuriko ayao osi.

Zaburi 81:6

Nákuhulani mizigo kula mwenu mafuzini, nchikuoyeza yo kaphu ndziho yokala mwako mikononi.

Zaburi 84:9

Ee Mlungu, tundza vinono ngao yehu, mlole na mbazi iye uriyemmwagira mafuha.

Isaya 14:25

Ndamʼbananga iye Muashuru ariye kpwenye tsi yangu na nimvyoge-vyoge dzulu ya myango yangu. Ndaausira atu angu gogolo ra Aashuru na mizigo ambayo kala akaitsukula.

Isaya 30:23

Mwenyezi Mlungu andahenda mvula inye kpwa ajili ya mbeyu zenu mchizophanda. Minda yenu indavyala mtsere munji na mifugo yenu indaphaha nyasi nyinji za kurisa.

Isaya 37:35

Nami ndaurinda mudzi uhu, niutivye, kpwa ajili ya mimi mwenye na kpwa ajili ya mtumishi wangu Daudi.”

Isaya 52:2

Unuka udzikutekute vumbi, usagarire chihi cha endzi uwe Jerusalemu. Dzivugule silisili mo mwako singoni, uwe mwana mchetu wa Sayuni uriyetekpwa.

Isaya 55:2

Kpwa utu wani munahumira pesa zenu kpwa mambo ambago si chakurya? Na kpwa utu wani munadzishuulisha na vitu visivyomvunisa? Niphundzani mimi na murye vitu vinono, na mdzifurahishe na vya kunona.

Isaya 9:4

Undavundza gogolo rinaroaremerera, gongo ririro phao mafuzini, fwimbo ya hiye anayeaonera. Dza vira irivyokala wakati wa kushindwa kpwa Midiani.

Jeremia 30:8

Mwenyezi Mlungu, Mlungu wa majeshi anaamba, “Siku iyo ndiphofika andavundza magogolo garigo mwao singoni na kukata silisili zao, nao taandahendwa atumwa tsona ni ajeni.

Ezekieli 30:18

Mutsi kundakala na jiza ko mudzi wa Tapanesi ndiphousa uwezo wa Misiri kuko, na mkpwotsewe umuhendesao akale na ngulu undafika mwisho. Mudzi hinyo undabwiningizwa ni maingu, na vidzidzivye vindahalwa mateka.

Alawi 7:35

Hizo ndizo seemu zotengbwa kpwa ajili ya Aruni na anae kahi ya sadaka za kuochwa areherwazo Mwenyezi Mlungu, hangu siku ariphoikpwa kukala alavyadzi-sadaka a Mwenyezi Mlungu.

Luka 4:18

“Roho Mtakatifu a phamwenga nami, mana wanitsambula niarehere achiya habari nono. Akanihuma niatangazire afungbwa kuvugulwa kpwao na niatangazire vipofu kala andaona, kuaika huru aonerwao,

Johana 1:41

Dzambo ra kpwandza Anderea arirohenda ni kumlunga nduguye Simoni na achendamuamba, “Hukamuona Masihi.” (Manage ni Yetsambulwa ni Mlungu Kuokola Atu.)

Mahendo 4:27

Chisha achienderera kuvoya achiamba, “Mana, kpwa kpweli Herode, Pontio Pilato, Aiziraeli na atu asio Aiziraeli akutana phamwenga mumu mudzini kumpinga Jesu, mtumishio mwenye uriyemtsambula.

1 Johana 2:20

Ela Roho Mtakatifu wainjira mwenu mioyoni, na mosi mnamanya kpweli.

1 Johana 2:27

Ela Jesu watiya Roho Mtakatifu mwenu mioyoni. Kpwa vira Rohowe a mwenu mioyoni, phahi tamuna haja ya kufundzwa ni mutu. Mana iye Rohowe anakufundzani chila chitu, na higo ambago anakufundzani ni ga kpweli, wala si handzo. Phahi, lungani mafundzoge, na muenderere kukala phamwenga naye.