Isaya 1:23 - Digo Bible

²³ Vilongozio ni aasi na ni asena a aivi osi anamendza kuhongbwa na kuhewa zawadi. Aho taakanira anachiya na taaphundza malau ga magungu.

Isaya 1:23 Iomraidhean Croise

2 Nyakati 36:14

Atu a Juda na hata alavyadzi-sadaka ambao kala ni akulu ao, akosera Mlungu sana na achihenda mambo ga kutsukiza sawa-sawa na mataifa. Nyumba ya Mwenyezi Mlungu aitiya najisi dzagbwe Mlungu kala akaitakasa hiko Jerusalemu.

Kutsama 23:8

Usikubali kuhongbwa hata chidide, kpwa sababu hongo rinahenda akulu akale vipofu na kugaluza kpweli ya enye haki kukala handzo.

Misemo 17:23

Mutu mui nkuphokera hongo kpwa siri ili azuwiye haki isihendeke.

Misemo 29:24

Mutu ashirikianaye na muivi kamendze maishage, hata achiapizwa kugomba kpweli kagomba tse.

Isaya 1:17

Dzifundzeni kuhenda garigo sawa, hakikishani haki inahendwa, teryani atu aonerwao kanirani anachiya, na mkanire magungu.”

Isaya 1:18

Mwenyezi Mlungu anaamba, “Sambi, ndzoni hugombe, hupataneni. Dzagbwe dambi zenu zi kundu zindakala nyereru dza bafuta. Dzagbwe zi kundu dododo, zindakala nyereru dza nyoya za mangʼondzi.

Isaya 1:22

Wakala dza feza swafi, vino ukakala dza uchafu. Wakala swafi, ela vino ukakala dza uchi uchiotsanganywa na madzi.

Isaya 28:14

Phahi phundzani neno ra Mwenyezi Mlungu mwi atu a chibero mtawalao atu hinya asagalao Jerusalemu.

Isaya 3:14

Mwenyezi Mlungu andalavya uamuli chinyume cha atumia na vilongozi a atue aambe, “Mwimwi ndimwi mchiobananga munda wangu wa mizabibu! Nyumba zenu mkaziodzaza vitu murivyofuta achiya.

Isaya 30:1

Mwenyezi Mlungu anaamba, “Shaka hiro kpwa hinyo anaoasi. Anahenda mipango isiyokala yangu, na kuhenda ushirika bila Roho wangu, aenjerezao dambi dzulu ya dambi.

Isaya 33:15

Ela hinyo asagalao kpwa kuhenda haki na kugomba kpweli, hinyo aremao kuhala pesa kpwa nguvu na asiokubali hongo, hinyo asiodzihusisha na njama za kuolaga na asioshiriki kuhenda mai,

Isaya 5:23

Atu arichirao enye makosa kpwa sababu ya kuhongbwa na kumlafya haki asiyekosa!

Isaya 65:2

Kutwa ndzima náagolosera mkpwono atu arioasi anyendekao kpwenye njira zisizo kala nono, atu alungao maazo gao,

Jeremia 22:17

Ela matsogo na moyoo unaphalahira mapato gasigo ga halali, kpwa kuolaga asio makosa, kuonera atu na kuahendera ujeuri.”

Jeremia 32:32

Kpwa sababu ya uyi wao ana a Iziraeli na a Juda akanitsukiza — aho, afalume ao, vilongozi ao, alavyadzi-sadaka na manabii ao, atu a Juda na a Jerusalemu.

Jeremia 4:17

Dza viratu arindzi azungulukavyo munda, ndivyo ndivyozangirwa mana mkanirema, mimi Mwenyezi Mlungu nkaamba.

Jeremia 5:5

Ndaphiya kpwa vilongozi, nami ndagomba nao, mana anamanya njira ya Mwenyezi Mlungu, taaelewa shariya ya Mlungu wao.” Ela osi jumula akavundza gogolo, na kukata zo silisili.

Jeremia 5:6

Kpwa hivyo simba kula tsakani andaavamia, bawa kula jangbwani andaamwamula. Tsui andapiga chamba phephi na midzi yao, yeyesi ndiyetuluka andamwamulwa-mwamulwa; kpwa sababu makosa gao ni manji na auya nyuma kano nyinji.

Ezekieli 12:2

“Mwanadamu, uwe unasagala na atu aasi. Atu aha ana matso ela taaona, ana masikiro ela taasikira; mana ni aasi.

Ezekieli 22:27

Nyo vilongozi ario kahi-kahize ni dza mabawa amwamulao nyama achiogbwira. Anamwaga milatso kpwa kuolaga atu ili aphahe fwaida isiyo ya haki.

Hosea 4:18

Nkunwa uchi na achilewa nkuhenda umalaya, aho anamendza waibu kuriko ishima yao.

Hosea 5:10

Vilongozi a tsi ya Juda akakala dza atu asengezao miphaka. Nami ndaatsukirirwa na tsukizi zangu zindakala dza mafuriko kpwao.

Hosea 9:15

“Kpwa uyi wao wosi ariouhenda hiko Giligali, nami náandza kuamena kuko. Kpwa ajili ya mahendo gao mai nindaatuluza mwangu nyumbani. Sindaamendza tsona, vilongozi aho osi ni aasi.

Amosi 5:12

Mana namanya vyo makosa genu garivyo manji, na vyo dambi zenu zirivyo kulu, mwimwi munaonera atu a haki na kuhala hongo, na kuzuwiya agayi asiphahe haki zao mo kotini.

Mika 3:11

Vilongozie anaamula kpwa kuphokera hongo, alavyadzi-sadaka anafundza kpwa maripho, manabiie anatabiri kpwa kuphokera pesa. Chisha achere mtegemea Mwenyezi Mlungu kpwa kuamba, “Si Mwenyezi Mlungu a phamwenga naswi, taphana mashaka ndigohuphaha.

Mika 3:9

Phundzani higa mwino vilongozi a nyumba ya Jakobo mwimwi atawala a nyumba ya Iziraeli mwimwi munaomena haki na kugaluza chochosi cha haki,

Mika 6:12

Atue ario matajiri a mudzi wa fujo na enyezie ana handzo aho anagomba handzo.

Mika 7:3

Aho anaujuzi wa kuhenda mai. Akulu analonda zawadi, muamuli anavoya hongo atu ario na uwezo nkuahenda aamuli aahende vira alondavyo nao osi nkupanga njama phamwenga.

Zakariya 7:10

Musionere magungu, anachiya, ajeni asagalao kahi yenu wala achiya. Tsona musipange kuhenderana mai.’

Malaki 3:5

Mwenyezi Mlungu, Mlungu wa majeshi anaamba, “Nami nindasengera phephi namwi nilavye uamuli. Nindalavya ushaidi upesi chinyume cha atsai, azinifu, anaoapa na handzo, anaoakopya vibaruwa katika maripho gao, anaoonera magungu na anachiya na anaonera atsupi a njira, jibu osi ambao taaniogopha.”

Isabu 22:7

Phahi nyo vilongozi a Moabu na Midiani achihala ro fungu ra kumripha Balaamu na achiuka. Ariphofika kpwa Balaamu achimuambira vira arivyokala akaambirwa ni Balaki.

Mathayo 21:13

Achiaambira, “Maneno ga Mlungu gaandikpwa, ‘Nyumba yangu indaihwa nyumba ya mavoyo.’ Ela mwino munaihenda kukala mwamdzifwitso wa aivi!”

Mariko 11:17

Alafu achiafundza hara atu, “Maneno ga Mlungu gaandikpwa, ‘Nyumba yangu indaihwa nyumba ya mavoyo kpwa atu a mataifa gosi.’ Ela mwino munaihenda kukala mwamdzifwitso wa aivi!”

Luka 19:46

Waamba, “Maneno ga Mlungu gaandikpwa, ‘Nyumba yangu indakala nyumba ya mavoyo.’ Ela mwino munaihenda mwamdzifwitso wa aivi!”

Luka 24:27

Alafu waaeleza vinono mambo goandikpwa kumuhusu iye, kuandzira vitabu vya Musa hadi goandikpwa ni manabii anjina gosi.

Kumbukumbu 16:19

Amulani na haki, msikale na upendeleo, wala msikubali kuphokera hongo, kpwa kukala hongo rinahenda atu enye ikima akale vipofu na kugaluza kpweli ya enye haki kukala handzo.

Jakobo 1:27

Dini ambayo Baba Mlungu anaikubali na kuiona kala taina makosa ni hino: kuterya anachiya na magungu alondao msada, tsona kudzizuwiya na mai ga dunia hino.

1 Samueli 8:3

Ela hinyo anae taayalunga dza ise yao arivyohenda, ela aricha kulunga njira ya ise yao ili aphahe fwaida kpwa njira ya handzo na kuricha kuhenda haki.