Isaya 1:13 - Digo Bible

¹³ Richani kunirehera sadaka zisizo na mana! Uvumba wenu unanitsukiza. Siweza tsona kuvumirira mikutano yenu ya kulumbwa kpwa mwezi, ya siku za kuoya na ya mionano ya ibada mana munahenda mai.

Isaya 1:13 Iomraidhean Croise

2 Afalume 4:23

Mlumewe achimuuza; “Kpwa utu wani unalonda umuone rero? Rero siyo sikukuu ya kulumbwa kpwa mwezi wala Siku ya kuoya.” Mchetu achijibu achiamba, “Takuna neno.”

1 Nyakati 23:31

Na piya ahumika wakati sadaka za kuochwa zinalaviwa kpwa Mwenyezi Mlungu kahi za Siku ya Kuoya, sikukuu za kulumbwa kpwa mwezi na wakati wa sikukuu zosi zirizolagizwa. Kala ni ahumike mbere za Mwenyezi Mlungu chila mara kulengana na idadi yao kama arivyolondwa kulengana na shariya.

Zaburi 78:40

Amkosera adabu kano ngaphi amuasi ko weruni na achimsononesa ko jangbwani?

Kutsama 12:16

Mundakusanyika siku ya kpwandza na ya sabaa muniabudu. Na kahi ya siku zizo msihende kazi yoyosi, isiphokala kujita chakurya chenu bahi.

Misemo 21:27

Sadaka ya mutu mui ni dzambo ra kutsukiza. Inatsukiza zaidi ichirehwa na nia mbii.

Misemo 7:14

“Mino yanibidi nilavye sadaka; na rero nkausa naziri zangu.

Isaya 66:23

Mwenyezi Mlungu anaamba, “Anadamu osi andakpwedza aniabudu chila wakati wa kulumbwa kpwa mwezi na chila Siku ya Kuoya.

Isaya 66:3

“Ela ye ndiyelavya sadaka ya ndzau andakala avi akaolaga mutu. Na ndiyelavya sadaka ya mwana ngʼondzi, andakala dza mutu achiyevundza singo ya diya. Alavyaye sadaka ya mtsere ni dza arehaye mlatso wa nguluwe, na alavyaye sadaka ya kumbukumbu ya kufukiza ubani ni dza anayeabudu vizuka; kpwa kukala atsambula njira zao enye nao ahamirwa ni matsukizo gao.

Sonono za Jeremia 2:6

Nyumbaye ya kuvoya akaibomola dza chibanda cha mundani, pho phatuphe pha kuusira sikukuuze zirizoikpwa akaphahenda gandzo. Mwenyezi Mlungu akahenda Sayuni iyale sikukuuze na Sikuze za Kuoya, na kpwa tsukizize kali akamrema mfalume na mlavyadzi-sadaka.

Ezekieli 20:39

“ ‘Ela mwimwi atu a Iziraeli, Mwenyezi Mlungu anaamba hivi: Chila mmwenga naakahumikire vizukavye na badaye mundaniphundza na tamundarinajisi tsona dzina rangu takatifu, kpwa zawadi zenu mzilavirazo vizuka vyenu.

Hosea 2:11

Nindakomesa sikukuuze zosi. Sikukuu za mwaka hadi mwaka, sikukuu za kulumbwa kpwa mwezi, sikukuu zosi za Siku za Kuoya, na sikukuu zirizoikpwa.

Joeli 1:14

Tengani muda wa kufunga na kuvoya, tangazani mkpwutano mtakatifu. Kusanyani atumia osi na atu anjina osi anaoishi himu tsi ya Juda edze amririre Mwenyezi Mlungu, kpwenye nyumba ya Mwenyezi Mlungu, Mlungu wenu.

Joeli 2:15

Pigani gunda ko Sayuni, tengani wakati wa kufunga na kuvoya na muihe mkpwutano mtakatifu.

Alawi 26:31

Ndaihenda midzi yenu ikale magandzo, na kubananga mwatu mwenu mwa kuabudu. Na kungu nono ya sadaka zenu taindanihamira.

Malaki 1:10

Hata baha muifunge iyo Nyumba ya kuvoya Mlungu kuriko kpwenderera kuasa myoho nsiyoikubali dzulu ya hipho phatu phangu pha kulavira sadaka!” Mwenyezi Mlungu, Mlungu wa majeshi anaamba, “Mino sina raha namwi na hizo sadaka zenu mlavyazo sindaziphokera bii.

Isabu 10:2

“Hala feza uibande-bande na utengeze tarumbeta mbiri, ambazo undazihumira kuiha Aiziraeli osi phamwenga na kuvundza kambi.

Mathayo 15:9

Kuniabudu kpwao takuna mana, mana anafundza atu alunge mafundzo ga chibinadamu dza malagizo gangu.’ ”

Luka 11:42

“Ela shaka hiro mwi Mafarisayo! Kpwa mana munalunga Shariya ya kumupha Mlungu fungu ra kumi ra mavuno makulu na hata mavuno madide, ela tamjali haki wala tammendze Mlungu. Higa ndigo mlondwago kuhenda, bila ya kubera higo ganjina.

1 Akorintho 11:17

Kuhusu gaga malagizo nilondago kukuphani, sikutogolani kpwa sababu mikutano yenu inareha matatizo badala ya fwaida.

Aefeso 4:30

Msimtsukize Roho Mtakatifu ambaye ni mola wa Mlungu kuonyesa mu akpwe. Hiye Rohowe anahakikisha kala kuredza siku ambayo Mlungu andakukombolani.

Afilipi 1:15

Ni kpweli atu anjina anahubiri habari za Jesu na chidzitso, hinyo ni apindzani, mana analonda aphahe afuasi anji kuriko mimi. Ela anjina anahubiri moyo kutsuka.