Isabu 10:2 - Digo Bible

² “Hala feza uibande-bande na utengeze tarumbeta mbiri, ambazo undazihumira kuiha Aiziraeli osi phamwenga na kuvundza kambi.

Isabu 10:2 Iomraidhean Croise

2 Afalume 12:13

Ela feza hizo taziyahumika kpwa kuriphira kazi za kutengeza mabeseni ga feza, makasi ga kukata tambi za mishumaa, mabakuli, magunda, wala kpwa miyo yanjina yoyosi ya zahabu au ya feza kahi ya Nyumba ya Mwenyezi Mlungu.

2 Nyakati 5:12

Tsona aimbadzi osi a mbari ya Lawi, yani, Asafu, Hemani, Jeduthuni, ana aho na ndugu zao kuno akavwala katani swafi na ana matoazi, vinanda na ngephephe, aima uphande wa mlairo wa dzuwa wa phatu pha kulavira sadaka phamwenga na alavyadzi-sadaka gana na mirongo miiri ambao ni apigadzi tarumbeta.

Zaburi 81:3

Pigani gunda ra pembe ya turume kutangaza kulumbwa kpwa mwezi tsona mwezi ukalapho dzungo, siku ya sikukuu yehu.

Zaburi 89:15

Baha atu ariodzifundza kukutogola na mawira, anyendekao kpwenye mwanga wa unonoo, ee Mwenyezi Mlungu.

Kutsama 25:18

Tsona undaunda makerubi airi a zahabu yobandwa, uaimise dzulu ya hicho chihi cha mbazi, mmwenga mkpwono wa kulume na wanjina mkpwono wa kumotso.

Kutsama 25:31

Chisha Mwenyezi Mlungu achienderera kugomba na Musa achimuamba, “Undaunda chinara cha kuikira taa cha zahabu swafi yobandwa. Hako ra cho chinara, mgongowe wa kahi-kahi, mafundoge na maruwage ga kuchitiya marembo, naikale chitu chimwenga.

Isaya 1:13

Richani kunirehera sadaka zisizo na mana! Uvumba wenu unanitsukiza. Siweza tsona kuvumirira mikutano yenu ya kulumbwa kpwa mwezi, ya siku za kuoya na ya mionano ya ibada mana munahenda mai.

Jeremia 4:5

Tangazani ko Juda na mkote kululu ko Jerusalemu muambe, “Pigani magunda tsi yosi kotani kululu muambe, ‘Nahukusanyikeni phamwenga na huphiyeni hukainjire midzi yenye ngome!’

Hosea 8:1

Piga gunda! Umanyise atu kukala adui aredza chinyume cha atu a nyumba ya Mwenyezi Mlungu dza kozi mana akavundza chilagane changu na akaasi shariya zangu.

Joeli 1:14

Tengani muda wa kufunga na kuvoya, tangazani mkpwutano mtakatifu. Kusanyani atumia osi na atu anjina osi anaoishi himu tsi ya Juda edze amririre Mwenyezi Mlungu, kpwenye nyumba ya Mwenyezi Mlungu, Mlungu wenu.

Joeli 2:1

Pigani gunda ko Sayuni; kotani kululu dzulu ya mwango wangu mtakatifu. Osi asagalao tsi ya Juda naakakame mana siku ya Mwenyezi Mlungu iredza nayo i phephi.

Isabu 10:1

Mwenyezi Mlungu achigomba na Musa achimuamba,

Isabu 10:7

Ela ichikala ni atu akusanyike phamwenga, mundapiga zo tarumbeta mriro tafwauti na hura wa kuvundza kambi.

Aefeso 4:5

Huna Bwana mmwenga, imani mwenga na ubatizo mmwenga.