Hosea 8:13 - Digo Bible

¹³ Ananilavira sadaka na kurya zo nyama za sadaka ela mimi tazinihamira. Mwenyezi Mlungu andatambukira makosa gao, na aatiye adabu kpwa ajili ya dambi zao, nao andauya Misiri.

Hosea 8:13 Iomraidhean Croise

Kutsama 20:3

“Usiabudu milungu yanjina isiphokala mimi.

Kutsama 32:34

Vivi sambi uka, kaalongoze atu hadi phatu phara phokuambira, na malaika wangu andakutanguliyani. Ela wakati undakpwedza, ndiphoatiya adabu kpwa sababu ya dambi zao.”

Misemo 21:27

Sadaka ya mutu mui ni dzambo ra kutsukiza. Inatsukiza zaidi ichirehwa na nia mbii.

Isaya 1:11

Mwenyezi Mlungu anaamba, “Zo sadaka zenu nyinji zinanifwahani? Nikasinywa ni sadaka zenu za kuochwa, za maturume na marunya ga nyama a kunona Sihamirwa ni milatso ya ndzau, ya ana ngʼondzi na ya mbuzi.

Jeremia 14:10

Mwenyezi Mlungu anaamba hivi, kuhusu atu ano, “Ano anamendza sana kuangaika taaweza kuzuwiya nyayo zao kpwa hivyo Mwenyezi Mlungu akaarema vivi andatambukira mai gao nami ndaatiya adabu kpwa dambi zao.”

Jeremia 6:20

Taina mana kunilavira ubani kula Sheba, ama udi wa kungu nono kula tsi za kure? Sindakubali sadaka zenu za kuochwa, na hata sadaka zenu tazinihamira.

Ezekieli 29:16

Nao taandakala atu a kukuluphirwa ni atu a Iziraeli, ela indaatambukiza dambi yao ariphoagalukira ili aphahe kuterywa. Ndipho andamanya kukala mimi, ndimi Mwenyezi Mlungu.’ ”

Hosea 11:5

Kpwa kukala arema kuniuyira mimi, andauya Misiri, nao andatawalwa ni Aashuru.

Hosea 12:11

Atu a Giliadi ni ayi! Nao taana mana! Analavya sadaka za ndzau ko Giligali, Mwatu mwao mwa kulavira sadaka mundakala dza tsumbi za mawe, kpwenye munda uchiorimwa.

Hosea 4:9

Vyo ndivyotiya adabu nyo atu, ndivyo ndivyotiya adabu nyo alavyadzi-sadaka, osi ndaatiya adabu. Nindaariphiza kpwa ajili ya mahendo gao mai.

Hosea 5:6

Andamuendza Mwenyezi Mlungu kpwa kumlavira sadaka za mifugo yao ya mangʼondzi na ngʼombe, ela taandamuona mana iye akaaricha.

Hosea 6:6

Mana naaza mkale na mendzwa isiyosika, si kunilavira sadaka. Nalonda mmanye Mlungu, kuriko kunilavira sadaka za kuochwa.

Hosea 7:11

Atu a Efuraimu akakala azuzu dza njiya asiokala na dzuphi. Mara anaendza msada kula Misiri, kano kula Ashuru.

Hosea 7:16

Aho nkugaluka kuendza msada ela si kpwa iye Ariye Dzulu Kuriko Vyosi nao taana mana dza uha uchiovundzika. Akulu aho andaolagbwa na upanga kpwa maneno gao ga kudzikarya, gaga gandaahenda atsekpwe, kahi ya tsi ya Misiri.

Hosea 7:2

Ela taaririkana mwao mioyoni, kukala mahendo gao mai gosi mino nagamanya. Vivi mahendo gao mai gakaazunguluka, nami nagaona.

Hosea 9:6

Hata akatiya, asibanangbwe ni Aashuru, chisha andakusanywa ni Amisiri, na andazikpwa ko Memufisi. Vitu vyao vya feza vindalingbwa-lingbwa ni miya, miya indamera na kubwiningiza mahema gao.

Hosea 9:7

Siku za kutiywa adabu zikatimu, siku za kuvuna urichophanda ikafika. Aiziraeli naagamanye gago. Nabii munamuona ni mzuzu, na mutu alongozwaye ni roho munamuamba ana koma. Kpwa sababu ya dambi zenu nyinji mkummena sana.

Hosea 9:9

Azidi kuhenda mai dza akare aho arivyohenda hiko Gibeya. Mlungu andagatambukira go makosa gao, naye andaatiya adabu kpwa ajili ya dambi zao.

Amosi 3:2

“Kahi za mataifa gosi ga duniani, nkakutsambulani mwimwi bahi. Kpwa hivyo nindakutiyani adabu kpwa dambi zenu zosi.”

Amosi 5:22

Dzagbwe mukunilavira sadaka zenu za kuocha na za mtsere, mimi sindazikubali na sadaka zenu za amani za nyama a kunona sindazilola bii.

Amosi 8:7

Ye Mwenyezi Mlungu waapa kpwa nguma ya Jakobo achiamba, “Kpwa kpweli sindayala mahendo gao gosi.

Luka 12:2

Takuna chochosi chofwitsika ambacho tachindamanyikana wazi, wala takuna dzambo ra siri ambaro tarindamanyikana.

1 Akorintho 11:20

Mwimwi munaphokutana si kpwa lengo ra kurya chakurya cha Bwana Jesu bii.

1 Akorintho 11:29

mana chila aryaye mkpwahe na kunwa uchi wa zabibu wa chikombe hichi bila ya kumanya manage ga mwiri wa Jesu, anadzirehera uamuli mwenye.

1 Akorintho 4:5

Kpwa hivyo msihukumu chochosi kabila ya wakatiwe. Godzani hadi Bwana Jesu ndiphokpwedza. Iye ndiye ndeika wazi mambo gofwitswa jizani na kuika wazi nia za mioyo ya atu. Na ndipho chila mmwenga andaphaha sifwaye anayostahili kula kpwa Mlungu.

Kumbukumbu 28:68

Mwenyezi Mlungu andakuuyiza tsona Misiri kpwa mashuwa, charo nricholaga kukala msichihende tsona. Hiko mundajeza kudziguza kpwa maadui genu mkale atumwa alume na achetu, ela taphana mutu ndiyekugulani.”

Maono 16:19

Ndipho mudzi mkpwulu wa Babeli uchiganyika seemu tahu na midzi mikulu ya mataifa ganjina ichibanangbwa-banangbwa yosi. Naye Mlungu kayayala kutiya adabu nyo mudzi wa Babeli. Mana waulazimisha ugbwabire chikombe cha uchi mufu wa tsukizize.

1 Samueli 15:22

Naye Samueli achiamba, “Kpwani ye Mwenyezi Mlungu anahamirwa sana ni sadaka za kuochwa na sadaka zanjina, hebu nkuhamirwa ni mutu wa kulunga sautiye? Lola, kumuogopha iye ni vinono kuriko sadaka, Na kusikira iye ni bora kuriko marunya ga turume.