Hosea 8:1 - Digo Bible

¹ Piga gunda! Umanyise atu kukala adui aredza chinyume cha atu a nyumba ya Mwenyezi Mlungu dza kozi mana akavundza chilagane changu na akaasi shariya zangu.

Hosea 8:1 Iomraidhean Croise

2 Afalume 18:27

Ela yuya mkpwulu wa jeshi achiambira, “Pho kpwani mino nkalagizwa ni tajiri wangu maneno higa nkuambireni mwimwi na mkpwulu wenu bahi? Maneno higa ni mgamanye mwimwi phamwenga na hinyo asegereo ukutani. Aho piya a mashakani phamwenga namwi, andarya mavi gao na kunwa mikodzo yao dza mwimwi.”

Isaya 18:3

Mwimwi mosi msagalao duniani, lolani bendera iunulwapho hiko myangoni na gunda richipigbwa phundzani!

Isaya 24:5

Tsona dunia ikatiywa najisi ni atu aisagalao kpwa kukala akaasi shariya, akagaluza amuri na kuvundza chilagane cha hangu kare na kare.

Isaya 58:1

“Piga kululu, usiriche. Piga kululu dza tarumbeta. Atangazire atu angu makosa gao, na uambire atu a nyumba ya Jakobo dambi zao.

Jeremia 31:32

Hicho tachindakala dza chilagane nrichoika na akare ao nriphoagbwira mikono nchiatuluza kula tsi ya Misiri. Chilagane ambacho achivundza, dzagbwe nakala dza mlume wao, mimi Mwenyezi Mlungu nkaamba.

Jeremia 34:18

Nyo atu ariovundza chilagane changu na kusatimiza masharuti ga chilagane arichoika mbere zangu ndaahenda dza mwana ngʼombe ariyemkata manungu mairi na achitsupa kahi-kahize.

Jeremia 4:13

Lola, adui aredza dza maingu, magarige ga kuvwehwa ni farasi ni dza chikulukulu, farasie ni epesi kuriko makozi. Shauri yehu, mana hukabanangbwa-banangbwa!

Jeremia 4:5

Tangazani ko Juda na mkote kululu ko Jerusalemu muambe, “Pigani magunda tsi yosi kotani kululu muambe, ‘Nahukusanyikeni phamwenga na huphiyeni hukainjire midzi yenye ngome!’

Jeremia 48:40

Mana Mwenyezi Mlungu anaamba: “Lola, taifa mwenga riredza mairo dza kozi, redze rifwinike Moabu na maphage.

Jeremia 49:22

Lola, mmwenga andapanda na kuuruka dza kozi, na kuandzula maphage dzulu ya Bosira. Siku iyo mioyo ya anajeshi a Edomu indakala dza moyo wa mchetu ariye na utsungu wa kudzivugula.”

Jeremia 51:27

Unula chibao cha matangazo kahi ya yo tsi, Piga gunda kahi za mataifa ganjina. Tayarisha go mataifa gampige, Iha mataifa ganjina gedze gampige, taifa ra Ararati, ra Mini na ra Ashikenazi. Tsambulani mkpwulu wa jeshi apigane naye, humani farasi anji dza ndzije.

Jeremia 6:1

Chimbirirani usalama, mwi atu a Benjamini, kula kahi-kahi ya Jerusalemu! Pigani gunda hiko Tekoa, onyesani dalili ko Bethi-Hakeremu, mana utu uyi hinyo uredza kula vurini, nyo ubanangi mkpwulu.

Ezekieli 11:4

Kpwa hivyo lavya unabii, we mwanadamu, tabiri chinyume chao.”

Ezekieli 16:59

“ ‘Kpwa mana Mwenyezi Mlungu anaamba: Nindakuhendera kulengana na mahendogo, kpwa kukala wabera chirapho changu kpwa kuvundza chilagane changu.

Ezekieli 17:3

Aambe, ‘Mwenyezi Mlungu anaamba hivi: Kozi kulu renye mapha makulu na nyoya nyinji nyire-nyire za rangi tafwauti-tafwauti rakpwedza myango ya Lebanoni, richigbwa chirere cha muerezi.

Ezekieli 7:14

“Dzagbwe akapiga gunda na kutayarisha chila chitu, taphana ndiyephiya vihani, mana nikaatsukirirwa osi.

Hosea 4:6

Atu angu anaangamika kpwa kukosa marifwa. Kpwa kukala mwakahala marifwa, mimi nami nkakukahalani mkale alavyadzi-sadaka angu. Kpwa sababu mwayala shariya za Mlungu wenu, nami piya nindayala ana enu.

Hosea 5:8

Pigani gunda ko Gibeya, na mpige tarumbeta ko Rama. Pigani kululu za viha ko Bethi-Aveni hulongozeni kuphiya vihani mwi atu a Benjamini.

Hosea 6:7

Aho avundza chilagane dza arivyohenda Adamu, nao taayakala aaminifu kpwangu.

Hosea 9:15

“Kpwa uyi wao wosi ariouhenda hiko Giligali, nami náandza kuamena kuko. Kpwa ajili ya mahendo gao mai nindaatuluza mwangu nyumbani. Sindaamendza tsona, vilongozi aho osi ni aasi.

Joeli 2:1

Pigani gunda ko Sayuni; kotani kululu dzulu ya mwango wangu mtakatifu. Osi asagalao tsi ya Juda naakakame mana siku ya Mwenyezi Mlungu iredza nayo i phephi.

Joeli 2:15

Pigani gunda ko Sayuni, tengani wakati wa kufunga na kuvoya na muihe mkpwutano mtakatifu.

Amosi 3:6

Dze, gunda ra viha rinaweza kupigbwa kpwenye mudzi, na atu asigbwirwe ni wuoga? Dze, mudzi unaweza kuphahwa ni mai, ichikala tagakarehwa ni Mwenyezi Mlungu?

Amosi 8:3

Mawira gaimbwago nyumba ya kuvoya Mlungu ko Betheli gandagaluka gakale chiriro siku iyo,” Mwenyezi Mlungu anaamba. “Nyufu zindakala nyinji, nazo zindaenea chila phatu. Takuna sauti ndiyosikirika!”

Amosi 9:1

Kpwenye ruwiya yanjina Námuona Mwenyezi Mlungu aimire phephi na phatu pha kulavira sadaka, naye achiniamba, “Piga vyo vitswa vya nguzo hata misingiye isumbe, na uzivundze vipande-vipande dzulu ya vitswa vya atu osi na hinyo ndiosala ndaaolaga kpwa upanga. Taphana mutu ndiyechimbira, taphana ndiyetiya.

Habakuki 1:8

Farasi aho ana mairo kuriko tsui, tsona ni asiru kuriko mabawa. Dzagbwe anajeshi aho akuhumira farasi ala kure, nkuphiya mairo dza nderi aonapho nyama wa kurya.

Zefania 1:16

Siku ya kupiga magunda na kukota kululu za viha chinyume cha midzi yenye ngome na chinyume cha minara mire iriyo kpwenye pembe za ngome.

Zakariya 11:1

Lebanoni, vugula miryangoyo, ili moho uoche mihiyo yiihwayo mierezi!

Zakariya 9:14

Chisha Mwenyezi Mlungu andatsembuka dzulu yao, na miviye indaphiya dza limeme. Mwenyezi Mlungu andapiga gunda na kunyendeka kpwenye chikulukulu kula mwakani.

Mathayo 24:28

Sababu phophosi pharipho na lufu, ndipho nderi nkukutana.

1 Akorintho 15:52

Indahendeka upesi sana dza viratu kugbwinya, wakati gunda ra mwisho richipigbwa. Mana gunda ndiphopigbwa wakati wa mwisho, hara ariofwa andafufuka na miri isiyobanangika, naswi hurio moyo hundagaluzwa husifwe.

Kumbukumbu 28:49

“Mwenyezi Mlungu andareha taifa kula kure rikushambuliye. Rindakpwedza kula pembe za dunia, na mwendo wa kasi dza kozi, taifa ambaro kurimanya lugaye.