Hosea 7:3 - Digo Bible

³ Anamuhenda mfalume wao ahamirwe ni uyi wao na kuhamira akulu kpwa handzo rao.

Hosea 7:3 Iomraidhean Croise

1 Afalume 22:13

Naye mjumbe ariyekpwendaiha Mikaya, wamuamba Mikaya, “Lola! Manabii anjina analavya unabii kpwa kauli mwenga, kukala ye mfalume andashinda. Sambi uwe nawe kagombe dza aho, na ugombe manono.”

1 Afalume 22:6

Phahi, mfalume wa Iziraeli wakusanya manabii ambao kala ni kama magana mane, achiauza, “Niphiye hebu nisiphiye nchapiga viha Ramothi-Giliadi?” Nao amjibu, “Ambuka kpwa kukala Mwenyezi Mlungu andautiya mwako mkpwononi.”

Jeremia 37:19

Akuphi nyo manabiio ariokulavira unabii kpwa kuamba kukala mfalume wa Babeli kandakuvamia uwe wala tsi ihi?

Jeremia 5:31

manabii anatabiri handzo, na alavyadzi-sadaka analongoza kpwa mamlaka gao enye. Na atu angu anamendza ikale vivyo, ela mundahendadze siku ya mwisho ichifika?

Jeremia 9:2

Naaza kala nina phatu phangu pha kulazira ajeni ko jangbwani, Ningericha atu angu na kuphiya kure nao! Mana osi ni azindzi, ni kundi ra atu a handzo.

Hosea 10:13

Ela mwi mwaphanda uyi muchivuna uyi mkariphiwa kulengana na handzo renu, kpwa kukuluphira mkpwotse wenu enye na asikari enu anji.

Hosea 11:12

Atu a Efuraimu akanizunguluka na handzo, atu a Iziraeli ikanizunguluka na kuchenga, ela Juda ndiye anyendekaye phamwenga na Mlungu. Juda ndiye ambaye achere muaminifu kpwa iye Ariye Mtakatifu.

Hosea 4:2

Kazi yenu ni kulani, kuchenga, kuolaga, kuiya na kuzinga. Atu ahendao mambo chimabavu, hipha na hipha anaolaga ayawao.

Hosea 5:11

Aefuraimu akaonerwa, hukumu ikaalumiza sana. Mana akala na chadi cha kulunga mambo gasigo na mana.

Hosea 7:5

Siku ya sikukuu ya mfalume wehu vilongozi nkunwa uchi wa zabibu hata akakala akalewa, mfalume achinwa phamwenga na atu enye matani.

Mika 6:16

Mkagbwira malagizo ga mfalume Omuri na mahendo gosi ga mfalume Ahabu na chivyaziche, na mkalunga mila zao. Kpwa hivyo ndakuangamizani ndahenda atu enu anyeterwe, mataifa gosi gandakuberani.”

Mika 7:3

Aho anaujuzi wa kuhenda mai. Akulu analonda zawadi, muamuli anavoya hongo atu ario na uwezo nkuahenda aamuli aahende vira alondavyo nao osi nkupanga njama phamwenga.

Arumi 1:32

Atu hinyo anamanya wazi kukala mutu achihenda mambo mai dza higa Mlungu andamuamula chifo. Ela taajali! Nkpwenderera kuhenda mai makusudi na piya nkuatogola anjina ahendao mambo mai dza gago.

1 Johana 4:5

Higo manabii a handzo taamanya Mlungu. Kpwa hivyo higo agombago ni ga chidunia, nao atu a dunia asiomanya Mlungu nkualunga gao.