Hosea 7:10 - Digo Bible

¹⁰ Na kudzikarya kpwa Aiziraeli ni ushaidi chinyume chao, ela phamwenga na gago, taamuuyira Mwenyezi Mlungu, Mlungu wao, wala kumuendza.

Hosea 7:10 Iomraidhean Croise

Zaburi 10:4

Atu ayi taamuendza Mwenyezi Mlungu, kpwa kukala anadzikarya, aho anaona takuna Mlungu.

Zaburi 14:2

Mwenyezi Mlungu analola anadamu kula mlunguni aone napho phana yeyesi mwenye ikima, amuendzaye Mlungu.

Zaburi 53:2

Mlungu analola anadamu kula mlunguni aone napho phana yeyesi mwenye ikima amuendzaye Mlungu.

Misemo 27:22

Hata mzuzu uchimphonda chinuni dza matsere kundaweza kumtenganisha na uzuzuwe.

Isaya 9:12

Wahuma Aaramu kula mlairo wa dzuwa na Afilisti kula mtswerero wa dzuwa achedzashambuliya Iziraeli na kuimiza yosi, na bado Mwenyezi Mlungu achere na tsukizi, na andaenderera kuitiya adabu Iziraeli.

Isaya 9:13

Ela hinyo atu ariotiywa adabu taadzangbwetubu na kumuuyira hiye ariyeapiga, wala kumuendza Mwenyezi Mlungu, Mlungu wa majeshi.

Jeremia 3:3

Ndiyo mana mawasa ga mvula gazuwiywa, na mvula za vuri tazidzangbwenya ela una matso mafu dza ga malaya kuona waibu tse.

Hosea 13:14

Sindaakombola na nguvu za kuzimu, wala kuativya na chifo. We chifo, utsunguo ukuphi? We kuzimu, kubanangako kuphaphi? Sindaaonera tsona mbazi.

Hosea 5:5

Kudzikarya kpwa Aiziraeli ni ushaidi kukala ana makosa, Aiziraeli na Aefuraimu andakpwala dambi zao, na atu a Juda andakpwala phamwenga nao.

Hosea 6:1

“Hebu ndzoni humuuyireni Mwenyezi Mlungu, mana wahumwamula-mwamula ela andahuphoza. Akahupiga hata akahutiya vironda, ela andahufunga mademu.

Hosea 7:7

Atu osi a moho dza dziko ra kuochera mikahe, nao anaangamiza vilongozi ao. Akaolaga afalume aho osi, na taphana hata mmwenga anivoyaye nimterye.

Zefania 1:6

Nindaangamiza osi arioniricha mimi Mwenyezi Mlungu ambao taanami ngbweni wala taaniuza ushauri.”

Zakariya 1:4

Msikale dza akare enu, ambao aambirwa ni manabii a kare kukala Mwenyezi Mlungu, Mlungu wa majeshi anaamba, ‘Richani njira zenu mbii na mahendo genu mai.’ Ela nyo taayanisikira tsetsetse.

Arumi 3:11

Takuna mutu yeyesi amanyaye njira za Mlungu, wala takuna amuendzaye.