Hosea 6:4 - Digo Bible

⁴ Ela Mwenyezi Mlungu anaamba, “Nikuhendeni utu wani mwi atu a Efuraimu? Nikuhendeni utu wani mwi atu a Juda? Mendzwa yenu ni dza guro, nkuuma dza manena ga ligundzu.

Hosea 6:4 Iomraidhean Croise

Jeremia 3:10

Bada ya gaga gosi, Juda, nduguye mchetu mwenye handzo kayaniuyira moyo kutsuka, ela wahenda dzihenda tu, mimi Mwenyezi Mlungu nkaamba.”

Jeremia 3:19

Mimi náririkana nchiamba, Náaza kala ningekuharirani dza anangu na kukuphani tsi nono, urisi urio mnono kuriko mataifa gosi. Nami náona mundaniiha Baba, na tamundaricha kunilunga.

Jeremia 34:15

Dzuzi-dzuzi mwimwi mwatubu na kuhenda haki mbere zangu mana chila mmwenga warichira mtumwa wa Chieburania akale huru. Hata mwahenda ika chilagane mbere zangu kpwenye nyumba ninamoabudiwa.

Jeremia 5:23

Ela atu aha ana mioyo migumu na ya kurema, akanirema na kuniricha.

Jeremia 5:7

Kpwa utu wani nikuswameheni? Ana enu akaniricha, na kuapa kpwa milungu ya handzo. Nriphoarisa na kumvuna, azinga na kukusanyana madzumbani mwa malaya.

Jeremia 5:9

Dze, nisiatiye adabu kpwa mambo higa? Mimi Mwenyezi Mlungu nkaamba. Kpwa utu wani nisiriphize taifa dza rino?

Jeremia 9:7

Kpwa hivyo ye Mwenyezi Mlungu, Mlungu wa majeshi anaamba hivi: Lola, nindaatsatsamusa na kuajeza, mana niahendere utu wani wanjina hano atu angu?

Hosea 11:8

Nkale ndaweza kukurichani mwi atu a Efuraimu? Ndawezadze kukulavyani mwi atu a Iziraeli? Vino nindaweza kukuhenda dza mudzi wa Adima? Ndawezadze kukuhenda dza mudzi wa Seboimu. Nkagalukpwa ni moyo, nkedzerwa ni mbazi.

Hosea 13:3

Kpwa hivyo aho andakala dza kunje ra ligundzu, andakala dza manena gaumago mara mwenga. Andakala dza wiswa uphepheruswao ni phepho kula phatu pha kuwagira, au andakala dza mosi utulukao na dirishani.

Hosea 7:1

Chila nilondapho kuphoza Aiziraeli, naona dambi za Aefuraimu mahendo mai ga Samariya ganaikpwa wazi. Kpwa mana anamendza kugomba handzo, aivi anavundza nyumba za atu na kuiya, akora anafuta atu vitu mo njira-njira.

Mathayo 13:21

Ela neno hiro tarimenya ndani, mana mutu hiyu kurigbwira kpwa muda tu. Tabu na mateso ganaphozuka kpwa sababu ya hiro neno, nkuricha kuamini mara mwenga.

Aamuli 3:12

Phahi Aiziraeli auyira kuhenda uyi tsona mbere za Mwenyezi Mlungu. Mwenyezi Mlungu achimtiya mkpwotse mfalume Egiloni wa Moabu aashambuliye Aiziraeli, mana ahenda uyi mbere za Mwenyezi Mlungu.