Hosea 4:15 - Digo Bible

¹⁵ Mwi atu a Iziraeli, dzagbwe munazinga, msihende atu a Juda akakala na makosa. Musiphiye mudzi wa Giligali wala msiambuke kuphiya Bethi-Aveni, na msiape mukaamba, “Dza Mwenyezi Mlungu arivyo moyo.”

Hosea 4:15 Iomraidhean Croise

2 Nyakati 17:4

Ye waendza Mlungu wa ise na achiphiya sawa na amurize wala kayalunga mahendo ga atu a Iziraeli a vurini.

2 Nyakati 21:11

Kuuya phapho, iye wadzenga mwatu mwa dzulu mwa ibada hiko tsi ya myango ya Juda na achiakoseza enyezi a Jerusalemu uaminifu na achiahenda aaphuke njira.

Isaya 48:1

Phundzani higa mwi atu a nyumba ya Jakobo, mwimwi muihwao na dzina ra Iziraeli, na mwimwi murio a chivyazi cha Juda. Mwimwi muapao kpwa dzina ra Mwenyezi Mlungu na kumhadza Mlungu wa Iziraeli, ela si kpwa kulunga kpweli wala haki.

Jeremia 44:26

Ela sikirani neno ra Mwenyezi Mlungu, mwimwi atu a Juda msagalao tsi ya Misiri: Mwenyezi Mlungu anaamba, lola, nikaapa kpwa dzina rangu kulu, kukala takuna hata mmwenga kahi ya atu a Juda ndiyeapa kpwa dzina rangu kuamba, ‘Dza Mwenyezi Mlungu aishivyo.’

Jeremia 5:2

Dzagbwe nkuapa akaamba, “Kpwa kpweli dza Mwenyezi Mlungu aishivyo,” ela nkukala taana ukpweli.

Ezekieli 20:39

“ ‘Ela mwimwi atu a Iziraeli, Mwenyezi Mlungu anaamba hivi: Chila mmwenga naakahumikire vizukavye na badaye mundaniphundza na tamundarinajisi tsona dzina rangu takatifu, kpwa zawadi zenu mzilavirazo vizuka vyenu.

Hosea 10:5

Atu a Samariya andakakama kpwa chizuka cha ndzau cha Bethi-Aveni. Atue andarira, hata alavyadzi-sadaka ariochiabudu nao andarira, aho ariochiabudu kpwa yo ngumaye, andarira mana yo ngumaye yauswa.

Hosea 10:8

Mo mwatu mwa dzulu mwa kuvoya vizuka ko Aveni mundabanangbwa, mana kuko ndiko Aiziraeli ahendako dambi. Miya na vidunga-dunga vindamera na vilingelinge mo mwatu mwa dzulu mwa kulavira sadaka, ndipho atu andaambira myango, “Hufwinikeni,” na vidzango, “Hugbwerereni.”

Hosea 11:12

Atu a Efuraimu akanizunguluka na handzo, atu a Iziraeli ikanizunguluka na kuchenga, ela Juda ndiye anyendekaye phamwenga na Mlungu. Juda ndiye ambaye achere muaminifu kpwa iye Ariye Mtakatifu.

Hosea 12:1

Atu a Efuraimu ni dza mutu adzirisaye phepho, ni dza mutu asindaye kuzoresa phepho ra mlairo wa dzuwa. Akaenjereza handzo na kuhumira mabavu. Anaika chilagane na Ashuru, na kuphirika mafuha ga zaituni Misiri.

Hosea 12:11

Atu a Giliadi ni ayi! Nao taana mana! Analavya sadaka za ndzau ko Giligali, Mwatu mwao mwa kulavira sadaka mundakala dza tsumbi za mawe, kpwenye munda uchiorimwa.

Hosea 12:12

Jakobo wachimbirira jimbo ra Aramu, kuko, ye Iziraeli wahenda kazi ili aphahe mchetu, waphaha mchetu kpwa kurisa mangʼondzi.

Hosea 4:12

Atu angu anapiga mburuga kula kpwa vizuka vya mihi nao nkumanyiswa maneno ni fwimbo. Roho ya umalaya ikaangamiza nao akamricha Mlungu wao.

Hosea 5:8

Pigani gunda ko Gibeya, na mpige tarumbeta ko Rama. Pigani kululu za viha ko Bethi-Aveni hulongozeni kuphiya vihani mwi atu a Benjamini.

Hosea 9:15

“Kpwa uyi wao wosi ariouhenda hiko Giligali, nami náandza kuamena kuko. Kpwa ajili ya mahendo gao mai nindaatuluza mwangu nyumbani. Sindaamendza tsona, vilongozi aho osi ni aasi.

Amosi 4:4

“Ndzoni Betheli, mwedze muhende dambi, ndzoni Giligali muhende dambi zaidi. Reheni sadaka zenu chila ligundzu na mafungu genu ga kumi chila bada ya siku tahu.

Amosi 5:5

Musiphiye mchaniendza Betheli, na musiinjire Giligali wala msivuke kuphiya Beeri-Sheba kpwendaabudu mana atu a Giligali andatsamizwa kpwa lazima na Betheli indaangamizwa.”

Amosi 6:10

Na aphungbwa wa mutu ndiphoinjira ndani ya nyumba kutuluza lufu kpwendariocha, andamuuza ye mutu ndiyekala akadzifwitsa ko ndani kpwenye, “Dze, kuna mutu yeyesi ariye phamwenga nawe?” Naye andajibu aambe, “Hata, takuna.” Ndipho ye aphu wa mutu andaamba, “Shii! Nahusirihadze dzina ra Mwenyezi Mlungu.”

Amosi 8:14

Na aho aapao kpwa kuhadza chizuka cha Samariya na kuamba, ‘Dza mlunguo aishivyo uwe Dani,’ na ‘Dza mlungu wa Beeri-Sheba aishivyo,’ aho andagbwa na taandaunuka tsona.”

Aefeso 5:11

Musigbwirane na atu a jiza ahendao mambo mai. Ela higo mambo gao mai ahendago, gaikeni mwangani.

Joshuwa 5:9

Ndipho Mwenyezi Mlungu wamuamba Joshuwa, “Rero nkakuusirani waibu wa utumwa wa Misiri.” Kpwa hivyo phatu hipho phaihwa Giligali hadi rero.

Joshuwa 7:2

Joshuwa wahuma atue kula Jeriko akapeleleze mudzi wa Ai, urio phephi na Bethi-Aveni uphande wa mlairo wa dzuwa wa mudzi wa Betheli, achiaambira, “Phiyani mkapeleleze yo tsi.” Nao achiphiya kpwendapeleleza mudzi wa Ai.