Hosea 2:7 - Digo Bible

⁷ Iye andaalunga azembee ela kandaaphaha andaaendza ela kandaaona. Ndipho andaamba, “Nindauya kpwa mlume wangu, mana hiko nakala vinono kuriko vi nirivyo sambi.”

Hosea 2:7 Iomraidhean Croise

2 Nyakati 28:23

Iyo milungu ya Damasikasi iriyomʼbwaga ye wailavira sadaka achiamba, “Kpwa kukala milungu ya afalume a Shamu ikaaterya kuniturya, nami nailavira sadaka ili initerye.” Ela gago ndigo garigomrehera maangamizi iye phamwenga na Iziraeli yosi.

Zaburi 116:7

Hurira uoye uwe roho yangu mana Mwenyezi Mlungu akanihendera manono.

Isaya 30:16

Badaye mwimwi mwaamba, “Hata! Swino hundazola na farasi azolao mairo.” Ni kpweli mundazola ela hinyo anaokuzoresani andakala na mairo zaidi.

Jeremia 14:22

Dze, kahi ya yo milungu ya mataifa ganjina kuna anayeweza kureha mvula? Au ko mlunguni kunaweza kureha mvula kpwenye? Uwe macheyo ndiwe uwezaye, ee Mwenyezi Mlungu, Mlungu wehu! Uwe ndiwe kuluphiro rehu, mana uwe ndiwe uhendaye gaga gosi.

Jeremia 2:2

“Phiya ukaatangazire chingʼangʼa atu a Jerusalemu asikire. Aambire Mwenyezi Mlungu anaamba hivi, ‘Nátambukira uaminifuo wa wanacheni, urivyokala uchinimendza dza bibi harusi, na urivyonilunga ko jangbwani, kpwenye tsi isiyovyala chochosi.

Jeremia 2:28

Kpwani yo milungu yenu mriyoitengeza enye i kuphi? Iricheni iunuke napho inaweza kukutivyani wakati wa shida! Mana dza vyo midzi yenu irivyo minji ndivyo milungu yenu, mwimwi atu a Juda.

Jeremia 2:36

Mbona unadengereka sana na kugaluza njirazo? Undatiywa waibu ni atu a Misiri dza urivyohendwa ni atu a Ashuru.

Jeremia 3:1

“Mutu achiricha mchewe achiuka na achendalólwa ni mlume wanjina, mutu iye kandaweza kuuyirana na mchewe tsona. Mana gago gandanajisi yo tsi. Ela uwe Iziraeli ukakala na alume anji dza malaya. Unawezadze kuniuyira? Mimi Mwenyezi Mlungu nkaamba.

Jeremia 31:18

Nkasikira Efuraimu anaula kuno anaamba, “Ukanitiya adabu dza mwana ndzau ambaye kadzangbwefundzwa kurima; nirekebisha niuye dza vyo kare, mana uwe u Mwenyezi Mlungu, Mlungu wangu.

Jeremia 31:32

Hicho tachindakala dza chilagane nrichoika na akare ao nriphoagbwira mikono nchiatuluza kula tsi ya Misiri. Chilagane ambacho achivundza, dzagbwe nakala dza mlume wao, mimi Mwenyezi Mlungu nkaamba.

Jeremia 44:17

Ela hundahenda hurichoapa kuchihenda. Hundamfukizira uvumba mlungu aihwaye Malikiya wa mlunguni na kummwagira sadaka za vinwadzi dza vyo hurivyokala huchihenda swiswi na akare ehu, afalume ehu na vilongozi ehu arivyohenda hiko midzi ya Juda na kpwenye barabara za Jerusalemu. Wakati hinyo kala huna chakurya cha kutosha, tahutsowere chitu na tahuphahirwe ni utu wowosi uyi.

Ezekieli 16:18

Chisha uchihala nguwozo zoshonwa marembo uchivibwiningiza na uchivipha mafuha gangu na uvumba wangu.

Ezekieli 16:8

“ ‘Niriphotsupa tsona nákuona ukakula nawe kala ukafika wa kuphaha wende, nchihala vwazi rangu nchibwiningiza chitsahacho, narya chirapho nchiika chilagane na uwe, Mwenyezi Mlungu anaamba, nawe uchikala wangu.

Ezekieli 20:32

“ ‘Na go muazago mwenu mioyoni tagandakala bii, mana munaamba, “Swiswi nahukale dza atu a mataifa na makabila ga tsi zanjina ambao anaabudu vizuka vya mihi na vya mawe.”

Ezekieli 23:12

Iye waaza Aashuru, maliwali, maofisaa ga anajeshi, anajeshi ovwala chijeshi, anajeshi anaophirika farasi na barobaro anono-anono osi.

Ezekieli 23:22

“Kpwa sababu hiyo, uwe Oholiba, Mwenyezi Mlungu anaamba hivi: Lola nindasunganya azembeo chinyumecho, nyo ariokusinya uchiaricha, ndaareha kula chila uphande.

Ezekieli 23:4

Mvyere kala anaihwa Ohola na mdidewe kala anaihwa Oholiba. Náalóla achivyala ana alume na achetu. Ohola ni Samariya na Oholiba ni Jerusalemu.

Danieli 4:17

Hukumu ihi ikedza kutsupira lagizo ra arindzi, amuri ikatangazwa ni nyo atakatifu, ili aho ario moyo amanye kukala iye Ariye Dzulu Zaidi ni mfalume wa falume zosi za anadamu na nkumupha ufalume iye amlondaye, chisha nkumuhenda mfalume hata ye mutu wa tsini kabisa.’

Danieli 4:25

Uwe undazolwa uphiye kure na atu na undaishi na nyama a tsakani. Undarya nyasi dza ngʼombe na undalwama na manena kpwa muda wa miaka sabaa hadi ndiphomanya kukala iye Ariye Dzulu anatawala ufalume wa anadamu na nkumupha ufalume yeyesi amlondaye.

Danieli 4:32

Undazolwa uphiye kure na anadamu nawe undaishi na nyama a tsakani. Undarya nyasi dza ngʼombe kpwa miaka sabaa hadi umanye kukala iye Ariye Dzulu anatawala falume zosi za anadamu, na nkumupha utawala mutu amlondaye.”

Danieli 5:21

Wazolwa achiphirikpwa kure na anadamu, achiliye ichihendwa dza ya nyama na achiishi phamwenga na maforo. Warya nyasi dza ngʼombe na mwiriwe uchilwama na manena hadi ariphomanya kukala Mlungu Ariye Dzulu Zaidi anatawala falume za anadamu naye nkumupha ufalume yeyesi amlondaye.

Hosea 1:2

Mwenyezi Mlungu ariphoandza kugomba kutsupira Hosea wamuamba, “Phiya ukalóle mchetu amendzaye kuzinga, na uvyale ana kpwa kuzinga mana nyo atu a tsi ihi anazinga zaidi kpwa kuniricha mimi Mwenyezi Mlungu.”

Hosea 13:6

Naarisa hadi achimvuna, ela ariphomvuna tu, aandza kudziunula, nao achimʼyala.

Hosea 14:1

Mwimwi Aiziraeli, muuyireni Mwenyezi Mlungu, Mlungu wenu, kpwa kukala dambi zenu ndizo chizokuhendani mugbwe.

Hosea 2:16

Mwenyezi Mlungu achienderera kuamba, “Siku iyo kundaniiha tsona ‘Baali wangu’ undaniiha ‘Mlume wangu.’

Hosea 5:13

Aefuraimu ariphoona ukongo wao, na atu a Juda ariphoona vironda vyao, Aefuraimu aphiya tsi ya Ashuru, achendavoya msada kula kpwa mfalume mkpwulu. Ela iye kaweza kukulagulani, wala kukuphozani vironda vyenu.

Hosea 5:15

Chisha nindauya kpwangu makaloni hadi ndiphogaya kpwa ajili ya dambi zao na kukubali makosa gao. Nao andaniendza, kahi ya kugaya kpwao, andaniendza kpwa chadi.