Hosea 14:9 - Digo Bible

⁹ Mutu yeyesi ariye na ikima naaelewe, na hiye awezaye kutambuwa naamanye maneno gaga, mana njira za Mwenyezi Mlungu ni za haki, na enye haki andazilunga, ela aasi andakpwala agbwe mo njirani.

Hosea 14:9 Iomraidhean Croise

Mwandzo 18:25

Kpwa kpweli taifwaha kuolaga atu a haki phamwenga na atu ayi! Taiwezekana! Taifwaha kuhenda atu a haki sawa na atu ayi. Uwe u muamuli wa dunia yosi, kundakosa kuhenda haki.”

Ayubu 17:9

Ela wa haki andagbwira njiraye, na ye wa mikono swafi andazidi kuphaha nguvu.

Zaburi 107:43

Yeyesi ariye na ikima naaririkane mambo higa, naaririkane kuhusu mendzwa ya Mwenyezi Mlungu isiyosika.

Zaburi 119:128

Na kpwa vira malagizogo gosi kpwangu ga sawa, ndiyo mana nazira chila njira ya handzo.

Zaburi 119:75

Namanya, ee Mwenyezi Mlungu, kukala hukumuzo ni za haki na kukala ukanitiya adabu kulengana na uaminifuo.

Zaburi 84:5

Baha ambao mkpwotse wao ula kpwako. Aazao njira ziphiyazo Sayuni.

Zaburi 84:7

Anaenderera kuphaha nguvu zaidi na zaidi Mlungu mkpwulu kushinda milungu yosi andaonekana Sayuni.

Misemo 10:29

Mwenyezi Mlungu ni chimbiriro ra enye haki, ela atu ayi nkuaangamiza.

Misemo 16:21

Mutu wa ikima andamanywa na achilize na mutu amanyaye kugombato andavweha atu adzifundze.

Misemo 4:18

Ela njira ya enye haki inaigana na mwanga wa chimirimiri, uzidio kungʼala hadi kufikira mutsi kamili.

Isaya 1:28

Ela aasi na enye dambi andaangamizwa, na hinyo amrichao Mwenyezi Mlungu andaochwa.

Isaya 17:8

Aho taandakuluphira tsona mwatu mwa kulavira sadaka wala mwatu mwa kufukizira uvumba taandakuluphira vizuka vya Ashera ambavyo adzitengezera enye na mikono yao.

Isaya 26:7

Njira za mutu wa haki zi sawa-sawa. Uwe Mwenyezi Mlungu ukuhenda njira za mwenye haki zikagoloka.

Jeremia 29:12

Ndipho mundaniiha na kunivoya nami ndakusikirani.

Jeremia 9:12

Ni ani ariye na ikima kuweza kuelewa mambo higa? Ni ani ariyephundza malagizo ga Mwenyezi Mlungu ili aweze kugaeleza? Kpwa utu wani tsi ikabanangbwa na kuhendwa gandzo dza jangbwa hata mutu asiweze kuitsupira?

Ezekieli 11:18

Nao ndiphouya, andausa vitu vyosi vya kutsukiza ninavyovimena.

Ezekieli 18:25

“Ela mwimwi munaamba, ‘Mwenyezi Mlungu kahenda haki,’ phahi phundzani mwi atu a Iziraeli: Dze, sihendere haki? Vino ni mimi nisiyehenda haki au ni mwimwi?

Ezekieli 36:25

Ndakutimvirani-timvirani madzi swafi ambago gandakuhendani mkale swafi kula kpwa vizuka vyenu na chila chitu chanjina chokuhendani mkale najisi.

Danieli 12:10

Atu anji andatsuswa, ahendwe asikale na ila na atakaswe, ela atu ayi andaenderera kuhenda uyi. Nyo atu ayi taandaelewa, ela nyo a ikima andaelewa.

Zefania 3:5

Ela Mwenyezi Mlungu ariye himo mudzini ni wa haki, iye kahenda dzambo rorosi iyi. Chila ligundzu kashindwa kulavya uamuli wa haki, ela asio a haki taaona waibu hata chidide.

Zakariya 10:6

Mwenyezi Mlungu anaamba, “Nindaatiya mkpwotse atu a Juda na niaphe ushindi atu a nyumba ya Yusufu. Nindaauyiza kpwa sababu naaonera mbazi, nao andakala avi siyaarema, mana mimi, ndimi Mwenyezi Mlungu, Mlungu wao, nami nindajibu mavoyo gao.

Mathayo 11:19

Nriphokpwedza mimi, Mutu Yela Mlunguni, narya na kunwa, nao atu ananiamba, ‘Mloleni, hiye mroho na mlevi, msena wa atoza kodi na achina-dambi anjina!’ Ela ikima ya Mlungu nkuhakikishwa kala ni kpweli kpwa mahendo ga atue.”

Luka 2:34

Alafu Simioni waajaliya, na achimuamba nine wa Jesu, “Mwana hiyu andakala sababu ya Aiziraeli anji kuangamika na anji kuokoka, na andakala dalili ndiyopingbwa ni atu.

Luka 7:23

Tsona muambireni kukala mutu yeyesi asiye na wasiwasi nami waajaliwa.”

Johana 15:24

Kala siyaahendera vilinje ambavyo takuna wanjina yevihenda, phahi taangekala na makosa. Ela sambi, vilinje aviona na bado ahuzira hosi, mimi na Baba.

Johana 18:37

Phahi Pilato achimuamba, “Kpwa hivyo we u mfalume!” Naye achiamba, “Uwe unaamba kukala ni mfalume, nawe u sawa. Mana nákpwedza mu duniani na kuvyalwa ili nifundze atu kuhusu kpweli. Chila ariye wa kpweli nkuniphundza.”

Johana 8:47

Yeyesi ambaye ni mutu wa Mlungu, anaphundza maneno ga Mlungu. Na kpwa vira tamphundza, inaonyesa kala simwi atu a Mlungu.”

Johana 9:39

Chisha Jesu achiamba, “Nákpwedza himu duniani ili vipofu aone, nao adzihendao anaona, akale vipofu. Nami, nindaahukumu hinyo adzihendao anaona.”

Mahendo 13:10

“Mwana wa Shetani wee! Adui wa mambo ga kpweli! Wadzieresa chila aina ya lihandzo na werevu, na chila wakati unalonda kugaluza ukpweli wa Mlungu ukale handzo.

Arumi 7:12

Phahi ni wazi kala Shariya na malagizoge gala kpwa Mlungu mwenye, kpwa hivyo ni manono na ga haki.

Kumbukumbu 32:4

Iye ndiye Mwamba, kazize ni kamilifu, njiraze zosi ni za haki. Iye ni Mlungu muaminifu asiyekala na kosa, Iye anahenda mambo ga sawa na ga haki.

Maono 15:3

Nao achiimba wira wa Mwana ngʼondzi na Musa mtumishi wa Mlungu, uambao: “Mwenyezi Mlungu Mwenye Nguvu Zosi, mahendogo ni makulu na ga ajabu. Uwe ndiwe Mfalume wa makabila gosi duniani, na njirazo ni za haki na za kpweli.