Hosea 14:1 - Digo Bible

¹ Mwimwi Aiziraeli, muuyireni Mwenyezi Mlungu, Mlungu wenu, kpwa kukala dambi zenu ndizo chizokuhendani mugbwe.

Hosea 14:1 Iomraidhean Croise

2 Afalume 8:12

Hazaeli achimuuza, “Bwana wangu, mbona unarira?” Elisha wamjibu achiamba, “Kpwa sababu namanya mai ambago undaahendera atu a Iziraeli. Undaocha ngome zao na moho, na kuaolaga barobaro ao, undaakata ana aho vipande-vipande na achetu aho enye mimba undaahula.”

Isaya 19:22

Mwenyezi Mlungu andaipiga Misiri, alafu aiphoze. Nao andagaluka kumlola iye, naye andaphundza mavoyo gao na aaphoze.

Jeremia 2:19

Uyio mwenye undakutiya adabu, na kuasiko kundakudemurira. Vivi manya kukala, kumricha Mwenyezi Mlungu, Mlunguo na kusamuogopha, ni utu uyi na wa kulumiza, Mwenyezi Mlungu, Mlungu wa majeshi anaamba.

Jeremia 4:1

Mwenyezi Mlungu anaamba, “Kala nkuuya mwi Iziraeli, niuyirani Mchiusa milungu yenu ya kutsukiza mbere zangu, na kuyeya.

Sonono za Jeremia 5:16

Tadzi ya chifalume ikagbwa kula chitswani phehu, ni shauri yehu mana hukahenda dambi.

Ezekieli 16:46

Mvyereo mchetu kala ni Samariya, ariyesagala na anae achetu uphandeo wa vurini. Na mdideo mchetu kala ni Sodoma, ariyesagala na anae achetu uphandeo wa mwakani.

Ezekieli 33:11

Aambire, ‘Kpwa kpweli dza niishivyo Mwenyezi Mlungu anaamba, sifwahirwa ni chifo cha mutu mui, ela ninahamirwa ni iye agalukaye, akaricha njiraze mbii na akale moyo. Richani njira zenu, richani! Kpwa utu wani mufwe mwi atu a Iziraeli?’

Ezekieli 33:14

Phahi nchimuambira mutu mui, ‘Kpwa kpweli undafwa,’ ela mutu iye ariche kuhenda dambi na ahende haki na garigo sawa,

Hosea 10:12

Dziphandireni haki, mvune mendzwa isiyosika Tengezani mioyo yenu mana uhu ni wakati wa kumuendza Mwenyezi Mlungu, hadi edze akumwagireni mvula ya haki.

Hosea 12:6

Kpwa hivyo kpwa msada wa Mlungu wenu, muuyireni, onyesani mendzwa na muhende ga haki. Mkuluphireni Mlungu chila wakati.

Hosea 12:8

Atu a Efuraimu anadzikarya kpwa kuamba, “Mimi ni tajiri, na utajiri uhu nauendza mwenye. Kahi ya shuuli zangu zosi zophahira utajiri taphana awezaye kuamba nina kosa, wala awezaye kuniamba nina dambi.”

Hosea 13:9

Uwe Iziraeli ndakuangamiza, mana u chinyume changu, mimi niwezaye kukuterya.

Hosea 4:8

Aho nkurya sadaka za dambi za atu angu, kpwa hivyo analonda nyo atu aenderere kuhenda dambi ili nao aenderere kurya.

Hosea 5:5

Kudzikarya kpwa Aiziraeli ni ushaidi kukala ana makosa, Aiziraeli na Aefuraimu andakpwala dambi zao, na atu a Juda andakpwala phamwenga nao.

Hosea 6:1

“Hebu ndzoni humuuyireni Mwenyezi Mlungu, mana wahumwamula-mwamula ela andahuphoza. Akahupiga hata akahutiya vironda, ela andahufunga mademu.

Hosea 9:13

Nikaona atu a Efuraimu, atu ariokala phatu phanono dza Tiro. Ela Aefuraimu andatuluza ana aho amphirikire muolagadzi.

Hosea 9:7

Siku za kutiywa adabu zikatimu, siku za kuvuna urichophanda ikafika. Aiziraeli naagamanye gago. Nabii munamuona ni mzuzu, na mutu alongozwaye ni roho munamuamba ana koma. Kpwa sababu ya dambi zenu nyinji mkummena sana.

Amosi 1:13

Mwenyezi Mlungu anaamba, “Kpwa sababu atu a Amoni akahenda dambi vivyo kpwa vivyo, ni niatiye adabu. Wakati anapigana ili kupanula miphaka yao, aahula achetu a mimba a Giliadi.