Hosea 13:8 - Digo Bible

⁸ Nindaavamia dza dubu achiyefutwa anae, nindaahula vifuwa vyao. Na kuko nindaavwamukira dza simba, nindaamwamula-mwamula dza nyama wa tsakani.

Hosea 13:8 Iomraidhean Croise

2 Samueli 17:8

Uwe unamanya kukala sowe na atue ni atu masujaa nao mwao mioyoni ana utsungu dza dubu achiyefutwa anae hiko weruni. Chisha sowe ni mutu hodari wa viha, kandalala phamwenga na atue.

Zaburi 50:22

Gatiyeni manani gaga, mwi myalao Mlungu, sedze nikakumwamulani mkakosa mutu wa kukutivyani!

Zaburi 80:13

Nguluwe a tsakani anaubananga-bananga, na nyama a tsakani anarisa mumo.

Misemo 17:12

Baha kukutana na dubu mchetu achiyefutwa anae, kuriko kukutana na mzuzu anaphohenda ujingawe.

Isaya 5:29

Mngurumo wao ni dza wa simba, ananguruma dza mwana simba angurumavyo. Nkunguruma agbwirapho nyama chiyemuindza na akauka naye na taphana wa kumtivya.

Isaya 56:9

Mwimwi nyama mosi a tsakani ndzoni murye.

Jeremia 12:9

Atu angu akakala dza chinyama cha mapha, chichozungulukpwa na kutsotwa ni makozi pande zosi. Phiya ukakusanye nyama osi a tsakani, arehe edze arye nyama za atu angu.

Jeremia 25:38

Mwenyezi Mlungu andauka dza simba chiyeuka alalapho, na tsi yao indakala taina chitu kpwa sababu ya viha vya atu ayi na tsukizi za Mwenyezi Mlungu.

Hosea 2:12

Iyo mizabibuye na mitiniye, ambayo mwenye waamba, ‘Ihi ni maripho gangu nrigoriphiwa ni azembe angu,’ ndaibananga. Nindaihenda ikale tsaka, na matundage gariwe ni nyama a tsakani.

Hosea 5:14

Mana nindakala dza simba kpwa atu a Efuraimu na dza mwana simba kpwa atu a Juda. Ndaamwamula-mwamula vipande-vipande mimi mwenye, chisha niuke, nindaaguruta niphiye nao na taphana ndiyeweza kuativya.