Hosea 13:1 - Digo Bible

¹ Aefuraimu kala achigomba, mbari zanjina zinakakama, kala achiishimiwa ko Iziraeli, ela ariphohenda makosa ga kumuabudu Baali, afwa.

Hosea 13:1 Iomraidhean Croise

Mwandzo 2:17

ela matunda ga muhi wa kumanyisa manono na mai usigarye, kpwa mana siku ndiphogarya, kpwa kpweli undafwa.”

1 Afalume 12:25

Phahi, mfalume Jeroboamu waudzenga luphya mudzi wa Shekemu kpwenye tsi ya myango ya Efuraimu. Waishi hiko. Badaye wakpwendadzenga mudzi wa Penueli.

Ayubu 29:21

Atu aphundza ushauri wangu achinyamala achinigodzera nigombe.

Ayubu 29:22

Maneno gangu gainjira mwao masikironi dza matone ga mvula, niriphomarigiza kugomba, aho taagombere tsona.

Misemo 18:12

Moyo wa mutu nkudzikarya kabila kabadogbwa, ela upole nkuhenda mutu aishimiwe.

Isaya 66:2

Vitu vivi vyosi navitengeza na mkpwono wangu, navyo vichikala,” Mwenyezi Mlungu anaamba. Nkuhamirwa ni hara adzitserezao na kutubu, aniogophao na kunitii.

Isaya 7:8

Mana Shamu taina mkpwotse kushinda mudziwe mkpwulu Damasikasi na Damasikasi taina mkpwotse kushinda mfalumewe Resini. Na bada ya miaka mirongo sita na tsano taifa ra Efuraimu tarindakalapho tsona.

Hosea 11:2

Ela nirivyoenderera kumuiha, ndivyo arivyoenderera kuniricha. Atu angu aenderera kulavira vizuka vya Baali sadaka na kufukizira vizuka mavumba.

Hosea 2:10

Nindamvula nguwo nimriche chitsaha mbere za azembee na takuna ndiyemuusa kula mwangu mikononi.

Hosea 2:8

Iye kamanyire kukala, mimi mwenye ndimi nriyemupha nyo mtsere, uchi na mafuha. Chisha kamanyire kukala yo feza na zahabu, ariyoihumira kumuabudu Baali, ndimi nriyemupha.

Hosea 8:4

Anatawaza afalume bila ya kunivoya ruhusa, achitsambula vilongozi bila ya kunimanyisa. Ahumira feza na zahabu zao kutengeza vizuka utu undioahenda aangamizwe.

Isabu 10:22

Alafu makundi ga kambi ya Efuraimu tsini ya bendera yao gavundza kambi gachiuka. Na chilongozi wa kundi ra mbari ya Efuraimu kala ni Elishama mwana wa Amihudi.

Isabu 13:16

Higa ndigo madzina ga atu ariohumwa ni Musa kupeleleza tsi ya Kanani. Musa achimgaluza dzina Hoshea mwana wa Nuni achimuiha Joshuwa.

Isabu 13:8

Hoshea mwana wa Nuni, kula mbari ya Efuraimu,

Luka 14:11

Mana mutu yeyesi ndiyedzihenda muhimu, andatserezwa, na ndiyedzitsereza, andahendwa muhimu.”

Arumi 5:12

Enehu, naamba: Dambi yainjira duniani kpwa sababu ya dambi ya mutu mmwenga, nayo ichireha chifo. Na ndiyo mana atu osi anafwa, kpwa sababu osi ahenda dambi.

2 Akorintho 5:14

Hunahenda higa kpwa sababu hunalongozwa ni vyo Jesu ahumendzavyo. Iyo mendzwaye inahulongoza kpwa sababu hunaamini kukala mutu mmwenga wafwerera atu osi, phahi atu osi afwa.

Joshuwa 3:7

Mwenyezi Mlungu achimuamba Joshuwa, “Kpwandzira siku ya rero ndakutogola hata Aiziraeli osi akuishimu, ili amanye kukala ndakala nawe dza nrivyokala na Musa.

Aamuli 12:1

Atu a Efuraimu akusanya jeshi achendavuka muho Joridani, achiphiya mudzi wa Zafoni kpwendakutana na Jefutha. Nao achendamuuza, “Kpwadze waphiya uchendapigana na Aamoni bila ya kuhuambira huphiye nawe? Kpwa sababu iyo swino hundakuocha phamwenga na nyumbayo!”

Aamuli 8:1

Phahi atu a mbari ya Efuraimu amuuza Gidioni, “Kpwa utu wani kuwihire wakati munaphiya mkapigane na Amidiani?” Achimlaumu kuno akatsukirwa sana.

1 Samueli 15:17

Phahi Samueli achiamba, “Dzagbwe unadziona mdide ela wahendwa kukala chilongozi wa mbari za Iziraeli. Naye Mwenyezi Mlungu wakutiya mafuha ukale mfalume wa Iziraeli.